1 Korinti 5

1 Mu uwwa ta̱ ama a dansa za ro a̱tsuma̱ a̱ Éu ta yuwusan tsipere, a na u ta yuwusan tsipere na̱ ka va dada va̱ yi. Ko a̱tsuma̱ a aza a na e revei A̱sula̱ shi a êyuwan ta̱ cuêun vu unusu u ndolo. 2 U rawa ta̱ yu uwwa wono, agba a̱Éu Éa nda a̱ êya̱sa̱sa̱n avangaci. I yuwan a̱tsumola̱ngu adama o unusu u vumaêa. Ni i shi i yuwan a̱tsumola̱ngu tsundolo, i shi ta putsaa vuma ndolo a yuwan iÉolo na̱ a̱Éu. 3 Ko na wo oêwoi n ta̱ alanga na̱ a̱Éu, n tsu yuwusan ta̱ majiyan adama a̱ Éu. N yuwan ta̱ ugeêetosu gashi n ta̱ lo oÉolo na̱ a̱Éu gogo. Nu ucira u na Yesu Zagbain ca numu, n damma ta̱ a na i ciga i êyuwan i ca vuma na aa yuwusan unusu u ndolo oforo. 4 I Ée iÉolo waru ucira wa̱ Yesu Zagbain ta̱ da̱na̱ oÉolo na̱ a̱Éu a̱tsuma̱ e iÉolo i ndolo. 5 I êyuwan i ciga i ca vuma ndolo a̱ tyo o ucira u Male, tsa̱ra̱ u lungusa̱ lipu vuma ndolo, amma a ta wawa ruhu va̱ yi na̱ Yesu Zagbain ta̱wa̱. 6 UvaÉu u Éu u ri ulobonu shi. I reve ta̱ udammu u nda, “Ununa woliloâ  waêa u tsu zuwa yira ya akala a̱tsuma̱ e meretsu i tsutsa tapu.” Ili i nda u to rocosu ni i lyawa vuma ndolo na aa yuwusan tsipere tso ndolo lyuwa elime na̱ a̱Éu, ama o ro a̱tsuma̱ a̱ Éu a ta gura reme mayan ne. 7 Cine aza a Israêila a tsu tawa wolilo suru a êwa le kafu a yuwan A̱buki a Mapasa, ne Éa yaa yuwan, yu uta̱a̱ vuma nda a̱tsuma̱ a̱ Éu. A̱sula̱ a̱ ka̱mba̱to Éu ta̱ cece adama a na Zamawawa kuwa̱i tsa̱ra̱ u ka̱mba̱to tsu fa̱a̱n e ekere o unusu. Wo oêwo ta̱ tsa̱ ma̱giriêi ma na aza a Israêila o unai Ée a̱ A̱buki a Mapasa nu ujimu lon. 8 Adama a na ne Éa u ri na amayun, tsu da̱na̱i a cuwusan kuci a na a̱tsu ama a̱ A̱sula̱ a Éa. Tso ocoyi akuci o wolilo, ele Éa tsurala, na̱ tsushuêun, na̱ re vi iwuya i na tsu yuwain kafu tso oêwo a̱za̱ e Itoni, amma tsu yuwain amayun na̱ a̱Éula̱ tsa akala tsa na a yuwain na̱ wolilo shi. 9 Ana n Éanaa nÉu nu ufaru, n damma Éu ta̱ she i Éolo aci na ama a na aa yuwusan tsipere wan. 10 N ta yuwusan adanshi adama a̱ a̱za̱ e Itoni a na a yuwusan tsipere, agba a aci a aza a na a̱ ri a̱za̱ e Itoni shi. Amayun a Éa ozo o ro e le a yuwan ta̱ Ée tsipere. Ozo o ro e le a̱ ta̱ nu utsa̱n, ozo o ro waru aza a aêusa, ozo o ro waru a ta yuwusaan a̱ma̱li a̱ga̱nda̱. Ni i ciga yi kasa na̱ cuêun va ama o ndolo, to i lyawa uvaÉi. 11 Ili i na maa dansaa Éu a̱yi Éa yi kasa na za na e Éesu aciya̱yi za vi Itoni amma u ta yuwusan tsipere. Yi kasa na ama a na a̱ ri nu utsa̱n ne evu. Waru yi kasa no ososowi na aza a na e isulusa ama na aza a aêusa. Waru yi kasa na ama a na yuwusaan a̱ma̱li a̱ga̱nda̱. Ko tsuwa she i lyuwa oÉolo na̱ cuêun va ama o ndolo wan. 12 N ri nu ucira n geêeto aza a na a̱ ri a̱za̱ e Itoni a Éa shi. Amma i ta̱ nu ucira u na yoo Éoryo a̱za̱ a̱ Éu aza a na a tsu yuwan cuêun vu nusu ndolo. 13 A̱sula̱ a̱ te geêeto ama a na a̱ ri a̱za̱ e Itoni shi. Adanshi a̱ A̱sula̱ a damma ta̱, “Na̱ a̱tsuma̱ a̱ Éu za ro pe ni iwuya, i lo yi."