Guyeiti 87

1 Kolé mavofodaiti ta-wuyei. Guyei. Zeluzalɛme ɠa loni gize ɲadegaiti ma. 2 Siyɔn taa wolai nɛɛʋɛ Ɠɔoɠɔ GALAGI ʋɛ, é leʋe Zakɔɓe mavofodai zɔiti seizuʋɛti ba. 3 Ee, GALA ná-taai, nii ti bosu ɗa-vaa zu, naa zu vai kpein ka ga lɛbiyai. Lo! 4 «Niiti kpein ti kwɛ̀ɛ, naati saama nà Ezipete nuiti ta-vai wo, ta Ɓaɓilɔne nuiti. Gè Filisiti nuiti daaseigi zɛʋɛ, ta Tiil nuiti, ta Etiyopi nuiti, eɠɛ ta zɔlɔɔ ʋɛ nɔ.» 5 Toɠa wo Siyɔn ná-faa zu ga: «Nui pɛ sɔlɔɔgɛ ʋɛ, GALA, é Anii-Pɛ-Unda, naa ɠa zee ná ʋa.» 6 Ɠɔoɠɔ GALAGI nuɓusɛiti kpein tɔɠɔi zɛʋɛʋɛ, é sɛʋɛ ɛsɛ gilagilagi ná-faa zu ga: «Nii zɔlɔɔsuʋɛ ɓɔɔɓɔgi ɠa ga ʋɛ». Lo! 7 Niiti ti guyei loozu, ta niiti ti kuai wosu, naati ta ɠɛɛzu ma: «Nà-sɔlɔɔgi kpein ka ɗɔun è ʋɔ bɛ.»