Guyeiti 120

1 Tɛɛ wo guyei. Nà-kidaaʋiligi zu, gè ɓainni Ɠɔoɠɔ GALAGI woizu, é gòoɠaaʋoteni. 2 Gè ɠɛni ma: «Ee, Ɠɔoɠɔ GALAGI, ùnmɔɔ, è kùla naati zea, niiti ti zɛɛi ʋɛɛzu mà, ti ɗa màayaava.» 3 Leeni ɠa GALA ge ʋaazu kɛɛzu ga ɗe, ɗɛi è zɛɛi wosu ga è-nɛgi? 4 Toɠa ʋaazu kɔɔɠɔ mɛɛn ɠaazoɓagi ʋilisu è ma, naa ʋɛɛ abulekai ʋa. 5 Toɠa bɛ̀ ga maanɔɠɔ vaa, sèi vai zii ɠiligiti saama, gè ʋa yɛ zeini wɛɛinti ta-zeɠe ɠotaiti saama! 6 Kaite nà zeini naati saama, niiti ziilɛigi wɔin la ti ma. 7 Ziilɛigi ɠa gè pɔ, kɛlɛ siɛgi zu gè ɓɔɛzu la, tiya mu, kɔɔɠɔ vai ɠa ti pɔ.