Titus 2

1 Pani engko, o pa vujangi na sava hinau mo usuri na retivararÌuhu purongo. 2 O vujangi na vajiaha vara la pa hase taurilatira, ale posira i tataholo matan vara la lavi na oloolo matana, na nora vavahinau tari, la pa vaira i usuri na posposi lelevosahi, ale nora rasua i rÌilangi vararÌuhu peresi na nora opoia, ale nora turu rÌilangi tarea. 3 HarÌai jea sohena, o vujangira vara la vai na posira i tataholo matan vara la pa lavi na oloolo matana, la sopo sorasora tamlohi, moiso la sopo slev nona wai rÌilangi, pani la pa vujangi na sava hinau mo rÌuhu, 4 moiso la pa tatamahu vara la vujangi na harÌai lahi vara la pa opoi na tuara peresi na natura i rÌuhu, 5 vara nora vavahinau tari la pa vaira i usuri na posposi lelevosahi, ale rÌomina i rÌilangi hin tuana purongo, ale la pa harÌai rÌuhu na posposi kilau mamahuni na lolo imara tarea, la rÌomrÌuhu, tarea la oloolo hin tuara, matan vara i pa sopo sile te masapa vara te tamlohi i veresatihi na reti non God matara. 6 Uluvou sohena o pa retituetueni isara vara la vai na posira i tataholo matan vara la lavi na oloolo matana, 7 na vavahinau tari la lo vaira, engko o pa vujangira na tovongi rÌuhu na nom vavahinau vara la erÌi usurira, ale na nom vujangi o sopo vaia mata masalom, pani mata masalon God na posposi tataholo, 8 ale nom reti i pa tataholo vararÌuhu matan vara i pa sopo sile na masapa vara nom meresahi la pa veresatiho matan vara la haratu la meresahi isam, la pa mahanuhanu matan mo sopo te hinau sasati vara la pa verea matarÌa. 9 O vujangi na slev vara la oloolo hin nora moli na hinau tari, la pa vaihitea vara la vaira la avulahi tarea, la sopo talai vara nora moli, 10 ale la sopo vavanaho isara, pani la vujangia isana nora moli vara la erÌi rasura, matan posira i pa vai na tamlohi la opoia vara la tapurongo na retisohai non God norÌa Jujuri. 11 Matan God mo vujangi na nona rÌomrÌuhu mata juri isana tamlohi tari. 12 Mo vujangirÌa vara rÌa isoiso na posposi hehe peresi na norÌa masalo varama, ale nake na varama rÌa lo toho na mauri rÌa hase taurilatirÌa, rÌa tataholo, ale rÌa usuri posposi atu God mo opoia, 13 enrÌa rÌa pa usuri la hinau atu nake rÌa lo sasaovi matan norÌa rÌomtoho atu, rani atu norÌa God sei norÌa Jujuri Iesu KrÌisto i pa mele pala na hasohasona tavera hinia, 14 enia sei mo hasena silea matarÌa vara i volituhurÌa na suiha vaivaileu tari, ale vara i onehirÌa matan vara rÌa mai nona tamlohi, ale matan vara rÌa rÌomjea tarea mata rÌa vai na vavahinau rÌuhu. Psa 130.8; Exo 19.5 15 Enira natu, la hinau atu o pa vujangira. O retituetueni, ale o retitataholoira na nom suiha mata aulu. O sopo tinarÌihia vara tea i hitelehilehi na nom reti.