Romans 8

1 Ale matan sava God mo vaia hin KrÌisto Iesu, nake natu, mo sopo te talai non la haratu sei la lo toho hin KrÌisto Iesu. 2 Matan suiha non Tanume mata mauri hin KrÌisto Iesu mo teriho na suiha mata hehe peresi na mateia. 3 Matan leu mo sopo te suihana vara i erÌi posi na masalo varama na loloku, pani God mo vaia hin Natuna sei mo rÌulea mo mai vara i tamlohi, matan vara i mai sohena malamalai mata hehe, pani mo sopo te hehe hinia, ale hinia, God mo komo na suihan hehe sei mo lo aulu hinirÌa, 4 matan vara sava hinau tataholo sei leu mo lo verea la pa toho na maurirÌa sei rÌa sopo mele hahau usuri na masalo varama, pani rÌa lo hahau usuri na Tanume Tapu. 5 Matan la haratu la lo usuri na masalo varama, la lo tau na rÌomira na hinau mata masalon mauri atu, pani la haratu la lo usuri na Tanume Tapu na maurira, la lo tau na rÌomira na hinau non Tanume Tapu. 6 Matan vua rÌomrÌomi mata masalo varama, enia mateia, pani vua rÌomrÌomi mata Tanume Tapu enia mata mauri peresi na tamata. 7 Matan rÌomrÌomi atu mo lo usuri na masalo varama, enia meresahi isan God, matan enia mo sopo oloolo na leu non God, matan i pa sopo erÌi oloolo hinia. 8 La haratu la lo usuri na masalo varama, la pa sopo erÌi vai na sava God mo avulahi hinia. 9 Pani kamim sei, ka sopo toho na ruhuruhu suihan masalo varama, matan ka lo toho na ruhuruhu suihan Tanume Tapu, vararÌuhu vara Tanumen God mo lo toho isamim. Vara tea mo sopo lavi na Tanumen KrÌisto, enia mo sopo nona. 10 Pani vara KrÌisto mo lo toho hin kamim, hina purongo vara epemim la pa mate mata hehe, Tanumena mo sile kamim na mauri matan mo vai kamim ka tataholo na nahona. 11 Vara Tanumen haratu sei mo lo sauteterahi Iesu na mateia mo lo toho hin kamim, haratu mo sauteterahi KrÌisto Iesu na mateia i pa sile na mauri na epemim na Tanumena sei mo lo toho hin kamim. 12 Matan haratu, la vorai peresi na vevorai enrÌa tamlohi ave, pani mo sopo isana masalo varama, rÌa sopo usuri na masalon mauri atu. 13 Matan, vara ha lo usuri na masalo varama, ha pa mate, pani vara hin Tanume Tapu ka lo tau narÌihi na vavahinau sasati nona epemim, ha pa mauri. 14 Matan tamlohi tari sei Tanume Tapu mo lo tiroma hinira, enira natun God. 15 Matan ka sopo lavi na Tanumena vara ha lo sohena slev sei la lo juhajuha mata matahu, pani ka lavi na Tanumena vara i korohi kamim sohena natuna, ale hinia, rÌa lo ulo vara, ‘Tata, Tamaku!’ 16 Tanume Tapu hasena mo lo vujangi mamahuni na mapurÌa hinia mara enrÌa rÌa natun God, 17 ale vara enrÌa rÌa natuna, enrÌa rÌa pa lavi na hinau God mo silea isan Natuna KrÌisto, vara rÌa lavi na rani rÌilangi peresia matan vara rÌa pa erÌi lavi na hija aulu peresia. 18 Matan enau na levosahia vara rani rÌilangi mata mauri nake, enira hina purongo na hina hasohaso rÌuhurÌuhu sei God i pa vujangia isarÌa. 19 Matan hinau tari God mo vaira la lo sasaovi vara la hite rani atu natun God la pa pala hinia. 20 Matan God mo tau na lesati isana hinau tari na varama tuai tuai jea, mo sopo matan la opoia vara la sohena, pani matan God mo taura sohena, ale la lo kilau matan rani atu, 21 hinau tari na varama peresi na natun God la pa lavi materi sei mo rÌuhurÌuhu jea. La pa malue hin mauri atu mata mate peresi na mauri mata rÌovo. 22 Matan rÌa levosahia vara hinau tari God mo vaira, la lo ngutu na rongohaji mata vasusu mo tikeli nake. 23 Ale mo sopo hinau God mo vaira purongo, pani enrÌa sohena sei rÌa lavi na tiroma asitauni isan Tanume Tapu, rÌa lo ngutu na lolorÌa, rÌa lo saovi matan rani atu sei rÌa pa mai sohena natuna tataholo, ale rÌa lavi na eperÌa paro. 24 Matan hin rÌomtoho sei, God mo jurirÌa. Vara rÌa lo hite na sava rÌa lo rÌomtoho hinia, mo sopo rÌomtoho vararÌuhu natu. Matan hare mo lo rÌomtoho na hinau mo erÌi hitea? 25 Pani vara rÌa lo rÌomtoho na hinau rÌa sopo hitea, rÌa pa lo kilau matana na norÌa rÌomperavu. 26 Mo sohena natu, Tanume Tapu mo lo tuenirÌa na norÌa vejuveju, matan rÌa sopo levosahia vara rÌa pa usiusi mata sava hinau sohen God mo opoia, pani Tanume Tapu hasena mo lo usiusi norÌa na malele matea mo sopo te reti vara i erÌi vere na rÌaramina. 27 Pani haratu sei mo levosahi na mapu tari, mo levosahi na sava mo lo toho na rÌomin Tanume Tapu, matan Tanume Tapu mo lo usiusi nona tapuhi usuri na masalon God. 28 Ale rÌa levosahia vara la haratu la opoi God, hinau tari la voko jara matea mata rÌuhu non la haratu God mo tovira usuri na nona rÌomrÌomi tavera. 29 Matan la haratu mo virÌonira tiroma, mo pete tapuhira moiso vara la pa mai sohen Natuna, matan vara enia i pa vora tiroma na vorai matuvana. 30 Ale la haratu mo pete tapuhira moiso, mo tovira, ale la haratu mo tovira, mo vaira la tataholo na nahona, ale la haratu mo vaira la tataholo na nahona, mo tahera aulu na hasohasona. 31 RÌa pa verea sohena sava natu? Vara God enia norÌa, hare i pa erÌi komorÌa? 32 Vara God mo sopo horo Natuna tataholo, pani mo silea matarÌa enrÌa mo isoiso, sohena sava natu, God sei mo sile KrÌisto isarÌa i pa sopo erÌi sile na hinau tari isarÌa? 33 Hare i erÌi pisuhi na virÌoni non God matan te hinau? God natu, mo vaira la tataholo na nahona. 34 Hare natu i pa verea vara i pa erÌi sile na talai isarÌa? KrÌisto Iesu enia haratu mo mate, aulu hin haratu, enia mo turu na mateia, ale mo lo toho na suiha na matuan God, ale enia natu mo lo usiusi norÌa. 35 Hare i pa aserÌa na opoia non KrÌisto? Rani rÌilangi, teni rani sasati, teni tipahi, teni marÌua, teni malamala, teni hinau mo erÌi komo na mauri, teni vuro? 36 VararÌuhu la uli la hinau sei moiso na Retiulia vara, ‘Matam, mateia mo lo toho na nahomam tarea, ale la hite kamam sohen natu sipsip sei la pa vilimateira’. Psa 44.22 37 Mo vono, hina purongo hin la hinau tari sei matan rÌa erÌi jeura hin KrÌisto sei mo opoirÌa. 38 Matan na levosahi mamahunia vara rÌa mate teni rÌa lo mauri, teni angelo, teni tamlohi aulu, teni hinau nake la lo toho, teni hinau la pa mai, teni haratu la rÌilangi, 39 teni te hinau aulu na masapa teni na puaha atano na lolo tasi teni varama, teni te hinau tinapua na varama, i pa sopo erÌi aserÌa na opoia non God hin KrÌisto Iesu norÌa Moli.