Romans 5

1 Ale matan nake rÌa tataholo moiso na nahon God na rasua, rÌa toho na tamata peresi God hin norÌa Moli Iesu KrÌisto. 2 Hinia, rÌa erÌi unu na rÌomrÌuhu sei rÌa lo turu hinia mata rasua, ale rÌa lo avulahi tavera matan rÌa lo rÌomtoho vara rÌa pa toho peresi God na hasohasona. 3 Aulu hin haratu, rÌa avulahi na norÌa rani rÌilangi, matan rÌa levosahia vara norÌa rani rÌilangi, vuana enia posposi mata turu rÌilangi, 4 ale posposi mata turu rÌilangi, vuana enia jelu na hinau vaihite, ale posposi mata jelu na hinau vaihite, vuana enia rÌomtoho, 5 ale norÌa rÌomtoho sei i pa sopo erÌi vano rÌomrÌomi purongo matan Tanume Tapu sei God mo silea isarÌa mo surei na opoia non God na mapurÌa. 6 Matan na rani mo sopo lo te norÌa suiha, na ranina tataholo, KrÌisto mo mate matarÌa tamlohi sei rÌa lo usuri na posposi varama. 7 I pa rÌilangi vara o erÌi vilei tea vara i mate mata tamlohi tataholo matea, pani korong, tea i pa erÌi rÌomrÌilangi vara i mate matan te tamlohi rÌuhu hatea; 8 pani God mo vujangia vara nona opoia matarÌa mo sohena sava matan, hin rani atu rÌa pa lo tamlohi hehe, KrÌisto mo mate matarÌa. 9 Matan rÌa mai rÌa tataholo na nahon God mata rÌaen Iesu moiso, ale nake, mo sopo te retiusia hatea vara Iesu i erÌi jurirÌa na talai lolokoru non God mata hehe. 10 Matan, vara God mo sari tamata peresirÌa na mateia non Natuna na rani rÌa pa lo nona meresahi, nake matan rÌa turu na tamata peresia moiso, mo sopo te retiusia hatea vara rÌa pa erÌi juri na maurina teni i vono. 11 Aulu hin haratu, rÌa avulahi tavera hin God hin norÌa Moli Iesu KrÌisto, ale hinia, nake rÌa lavi na nona sari tamata, rÌa mai rÌa tapalana. 12 Ale matana, sohena hehe mo mai na varama na tamlohi matea purongo, ale mateia mo mai mata hehe, ale sohena, mateia mo tikeli na tamlohi tari matan enira mo isoiso la vai na hehe, 13 matan hehe mo lo toho na varama moiso God mo pa sile na leu, ale mo sopo te hehe vara i sopo te leu hatea i pisuhia. 14 Hina purongo matana, mateia mo lo aulu na tamlohi mo tapulo hin Adam mo tikeli Moses, hina purongo vara la sopo vai na hehe sohena hehe non Adam, mateia mo lo aulu hinira. Ale Adam enia tovongi matea hin harasei mo lo mai hitahu. 15 Pani hehe non Adam mo sopo sohen rÌomrÌuhu sei God mo sile purongoia, matan hehe nona tamlohi matea purongo, mateia mo vano isana tamlohi matuvana, pani hin na tamlohi tinapua matea, Iesu KrÌisto, God mo sile purongoi na otori rÌuhu mata rÌomrÌuhu mo masurere isana tamlohi matuvana. 16 Ale otori rÌuhu sei God mo sile purongoia, mo sopo sohena vua hehe non tamlohi atu, matan vua aria matan hehe atu enia matea purongo, mo lavi na talai mo mai, pani otori rÌuhu sei God mo sile purongoia, mo mai hitahun na hehe matuvana, mo roi na malele vara God i erÌi verea vara tamlohi la mai tataholo na nahona. 17 VararÌuhu, mateia mo aulu na tamlohi tari matan hehe atu matea non tamlohi atu matea purongo, pani la haratu la lo lavi rÌomrÌuhu sei mo marÌivi savulevule peresi na otori sei God mo sile purongoia mata i vai na tamlohi la tataholo na nahona, enira natu, maurira la pa aulu na mauri nake ale hitahu hin tamlohi atu matea, enia Iesu KrÌisto. 18 Ale matana, sohena hehe nona tamlohi matea purongo mo vai na talai mo mai isana tamlohi tari, ale vavahinau tataholo matea purongo, mo vai na malele vara God i verea vara tamlohi la tataholo na nahona, ale matan vara i erÌi sile na mauri isana tamlohi tari. 19 Ale sohena lejileji nona tamlohi matea purongo mo vai na tamlohi matuvana la hehe, ale mo sohena oloolo nona tamlohi matea purongo mo vai na tamlohi matuvana la tataholo na nahon God. 20 Ale nakerihi natu, leu mo mai vara i vai na hehe i memera i rÌuhu, pani vara hehe mo mai mo mele tavera, rÌomrÌuhu natu, mo mai mo mele marÌivi savulevule jea, 21 matan vara sohena mateia mo vujangi na suiha nona hehe, rÌomrÌuhu i pa erÌi vujangi na nona suiha hin malele sei God mo vai na tamlohi la tataholo na nahona hinia, ale vuana, enia mauri tui hin Iesu KrÌisto norÌa Moli.