Romans 15

1 EnrÌa sei norÌa rasua mo rÌilangi, mo tataholo vara rÌa tueni la haratu rÌomira mo sopo rÌilangi, mo sopo tataholo vara rÌa hase kilaurÌa purongo. 2 Mo tataholo vara enrÌa hatehateahi rÌa vaia i rÌuhu isana tavtavuirÌa, rÌa tuenira la ulua na nora rasua, 3 matan KrÌisto mo vai na tovongi matea isarÌa mo sopo hase kilaua purongo, pani sohen la ulia vara KrÌisto mo verea isan God mara, ‘Na rani tamlohi la veresatiho, enau na rongo mo sati matana.’ Psa 69.9 4 Matan sava la ulia tuai la ulia matan vara i pa vujangirÌa, la lo silerÌa na rÌomtoho, la tahe na rÌomirÌa na norÌa saovi na rÌomperavu mata Retitapu non God. 5 Ale nake na lo usiusi vara God mata rÌomperavu peresi na tuetueni, i tinarÌihia vara ha rÌomrÌomi na tinapua i tataholo hin kamim sohen KrÌisto Iesu mo lo vaia, 6 matan vara kamim mo isoiso na leo matea, ha pa sile na hasohaso tavera isan God Taman norÌa Moli Iesu KrÌisto. 7 Matana, ha avulahi hin kamim hatehateahi sohen KrÌisto mo avulahi hin kamim matan vara God i lavi na hasohaso matana. 8 Ka levosahia vara KrÌisto mo sinai sohena volitusi isana Jew, vara i vujangia vara God mo sopo tope na nona reti mo retitauhi hinia isana tama Jew tuai, 9 ale matan vara tamlohi rÌorÌoha la pa hasohaso God mata nona rÌomopoia sohen la ulia vara, ‘A pa hasohasoho isana tamlohi mara jara tinatinapua, a pa lalavete a tahe na hijam i aulu.’ Psa 18.49 10 Mo mele verea na jara tinapua vara, ‘Kamim tamlohi rÌorÌoha! Ha avulahi peresi na nona tamlohi, tavtavuin Israel.’ Deut 32.43 11 Ale mo mele verea vara, ‘Kamim tamlohi sei ka tamlohi rÌorÌoha, ha hasohaso Moli, ale tamlohi tari ha tahe na hijana i aulu.’ Psa 117.1 12 Ale mele vahatea, Isaiah mara, ‘Mahapin Jesse matea i pa turu, enia sei i pa aulu na tamlohi rÌorÌoha, ale enira la pa lo rÌomtoho isana.’ Isa 11.10 13 Ale nake na lo usiusi vara God sei mo lo sile na rÌomtoho, i marÌivisi kamim na avulahi peresi na tamata na nomim rasua, matan vara na suihan Tanume Tapu nomim rÌomtoho i pa marÌivi savulevule. 14 Ale la voraiku peresi na vevoraiku, na hase levosahia mo rÌuhu vara ka lo vai na posposi rÌuhu isana tinapua, matan ka pete levosahi na sava God mo opoia moiso, ale ha pa erÌi vere tataholoia isamim hasemim. 15 Pani hin te hinau, na lo uliuli rÌilangi isamim vara ha mele rÌomrÌomira, na vaia matan rÌomrÌuhu non God enia mo virÌoniau, 16 matan vara a volitusi non KrÌisto Iesu isana tamlohi rÌorÌoha, vara a lavi na RetirÌuhu non God isara sohena vavahinau nona prÌis matea matan vara haratu la tamlohi rÌorÌoha la erÌi tau na nora rasua hin KrÌisto, la mai sohena malamalai rÌuhu matea God mo avulahi hinia, ale matan vara i pa vaira la vokevoke na suihan Tanume Tapu. 17 Hin KrÌisto Iesu enau a erÌi hapahapa na noku vavahinau na vaia non God, 18 matan a pa sopo vere te hinau, pani sava KrÌisto mo vaia hiniau matan vara haratu la tamlohi rÌorÌoha la oloolo na RetirÌuhu na noku retireti peresi na noku vavahinau, 19 ale hiniau la oloolo mata suiha mata matamata peresi na hina marÌurahi tavera na suihan Tanumen God, matan vara i tapulo Jerusalem i rÌalihi i tikeli Illyricum, enau na marÌivisi vevuhi na vavahinau mata RetirÌuhu non KrÌisto; 20 ale na tau na rÌomiku vara a retivujavujangi na RetirÌuhu, pani mo sopo na jara sei la pete rongo na hijan KrÌisto ea moiso, mo sopo rÌuhu vara a voro na jara nona tamlohi tinapua enia mo pete tapulo voro na vao kalesia tiroma ea moiso, 21 pani mo lo usuri na sava la ulia vara, ‘La haratu mo sopo tea la sorahia isara hin te rani, la pa hitevosahia, ale la haratu la sopo lo rongo na sorasorahina hin te rani, la pa rongovosahia.’ Isa 52.15 22 Vavahinau atu natu, mo horoau vaha visa moiso vara a mai isamim. 23 Pani nake, matan mo sopo te mele masapa vara a vavahinau hin la jara atu na lo vano hinira moiso, ale matan tuai moiso na opoia vara a pa mai isamim, 24 na lo rÌomtoho vara na malele vara a sivo Spain a pa rohi kamim, na opoia vara a pa toho peresi kamim mata makomo rani, ale na rani vara a malue, ha pa tueniau na maleleku. 25 Pani nake, na lo sivo Jerusalem, na lavi na silesilea mata mania vara i pa tueni na tapuhi non God atu. 26 Matan tamlohin Macedonia peresi Achaia la avulahi vara la sile te silesilea matan vara i pa tueni na tapuhi tilavono Jerusalem. 27 Enira la avulahi vara la tuenira, ale mo tataholo vara la vaia isara, matan haratu tamlohi rÌorÌoha sei la lavi na hina rÌuhurÌuhun Tanumen God mo silea, i pa tataholo vara la ase na nora silesilea mata mania isara Jerusalem. 28 Hin rani atu vara a tau pa mania atu isan la haratu Jerusalem, moiso vara na maleleku vara a sivo Spain a pa rohi kamim. 29 Na levosahia vara a mai isamim, a pa mai na lerÌuhu non KrÌisto sei i pa rÌuhu jea matamim. 30 La voraiku peresi na vevoraiku, na lo usia rÌilangi isamim na hijan Moli Iesu KrÌisto, ale na opoia non Tanumen God, ha turu peresiau na nomim usiusi isan God mataku, 31 ha usiusi vara i juriau na liman la haratu Judea sei la sopo rasua, ale vara noku vavahinau Jerusalem i pa tataholo na naho tapuhi non God ea, 32 matan vara na masalon God, a pa mai isamim na avulahi, ale rÌa pa rongo i rÌuhu jara matea matan a pa toho peresi kamim. 33 God mata tamata i pa toho isamim mo isoiso, amen.