Revelation 7

1 Hitahun haratu na hite la angelo atu mo vati, la lo turu hin la pulo varama atu mo vati, ale la angelo atu la lo taurilati la langi atu mo vati na varama vara i pa sopo te langi hatea i erÌi sere na varama teni i sere na tasi teni i sere te vipahai hatea. 2 Ale na hite na angelo tinapua matea mo lo vele Opae mo tauri na taipulu non God mauri, ale mo ulo tavera isan la angelo atu mo vati sei la lavi na suiha vara la pa erÌi komo na varama peresi na tasi, Jer 49.36; Dan 7.2; Zec 6.5 3 mo verea mara, “Ha sopo komo na varama teni tasi teni te vipahai hatea tako matan rÌa sopo lo tau na taipulu na punghori volitusi non norÌa God.” Ezek 9.4, 6 4 Ale na rongo na evin la tamlohi atu la tau na taipulu hinira, mo tikeli 144,000 ale la tamlohi atu la tai na tavtavui tari matan Israel: 5 12,000 na tavtavuin Judah, 12,000 na tavtavuin Reuben, 12,000 na tavtavuin Gad, 6 12,000 na tavtavuin Asher, 12,000 na tavtavuin Naphtali, 12,000 na tavtavuin Manasseh, 7 12,000 na tavtavuin Simeon, 12,000 na tavtavuin Levi, 12,000 na tavtavuin Issachar, 8 12,000 na tavtavuin Zebulun, 12,000 na tavtavuin Joseph, peresi 12,000 na tavtavuin Benjamin. 9 Hitahun haratu na kilau vano, e! Vao tavera matea tea i sopo erÌi evira, la mara jara tinatinapua tari, tavtavui tari, ale tamlohi purongo tari, peresi na leo tari la lo turu na naho jara sakele non supe, ale na nahon Natu Sipsip. La ruru na ruru lulu peravu, ale la lo tauri na rau viniu na limara, 10 ale la lo ulo lara, “Suiha mata juri na tamlohi mo lo toho na liman norÌa God, mo lo sakele na jara sakele non supe peresi Natu Sipsip." 11 Ale angelo tari sei la lo turu rÌalihi na jara sakele non supe peresi la tamlohi aulu tari atu peresi la hinau mauri atu mo vati, enira mo isoiso la juruvi popovi na lepa atano na naho jara sakele non supe, ale la lotu God. 12 Lara, “Amen! Avulahi isana, hasohasona, lelevosahi, vere meje, oloolo, suiha peresi na rÌilangi, enira non norÌa God mata rani tui tui tarea! Amen!" 13 Ale vonan la tamlohi aulu atu matea mo usia isaku mara, “Ko levosahi la tamlohi nike sei la lo ruru na ruru lulu peravu? Ko levosahia vara la tai epu?" 14 Na rÌaramia nara, “Tapala, mo vono, pani engko ko levosahia!” Ale mo verea isaku mara, “La haranike natu, la jelu hin pongi rÌilangi tavera atu. La hoje na nora ruru peravu na rÌaen Natu Sipsip ale mo vaira la lulu. 15 Ale matana, la erÌi turu na naho jara sakele nona supe non God vara la lotua tarea na nona Temple, ale haratu mo lo sakele na jara sakele nona supe enia i pa lo kilaura. 16 La pa sopo erÌi marohati teni la marÌohu hin te rani, ale alo i pa sopo erÌi vilira, teni langi tutuni i komora, 17 matan Natu Sipsip sei na livuha jara mata jara sakele nona supe i pa kilaura, ale i pa tiromara la vano na patu wai sei la sile na mauri, ale God i pa kamoti na waimata na matara."