Revelation 22

1 Ale angelo atu mo vujangiau hin wai roro mata mauri atu sei mo niro sohena glas sei crystal, ale mo lo roro mo lo malue na jara sakele nona supe non God enia Natu Sipsip. 2 Ale mo roro usuri na livuha malele tavera hin taon tavera atu. Na tavalun wai roro atu hatehateahi vipahai sei mo lo sile na mauri peresi na vuana mo sangavulu rÌomana mo rua tinatinapua, la mena na vitu hatehateahi na tauni matea, ale raura la pa vai mamahuni na rojoa nona mara jara tinatinapua. Gen 2.9 3 I pa sopo te hinau hatea God i pa rÌohu hinia atu, matan jara sakele nona supe non God peresi Natu Sipsip i pa lo toho ea, ale nona volitusi la pa lotua. Zec 14.11; Gen 3.17 4 Ale la pa lo hite na nahona, ale hijana i pa toho na pungorira. 5 Vutepongi i sopo erÌi mele pala, ale la haratu la lo toho ea, la pa sopo erÌi opoi na memera lamu teni alo matan Moli God enia i pa sasarami isara moiso, enira la pa tauri na suiha mata rani tui tui tarea. Isa 60.19; Dan 7.18 6 Ale angelo atu mo verea isaku mara, “La reti atu o pa erÌi rasura, ale la vararÌuhu. Ale Moli enia God mata tanume prÌovet, ale enia natu, mo rÌule na nona angelo vara i vujangi na sava God mo virÌonia vara i pa masese i pa sopo tuai isana nona volitusi." 7 Iesu mo verea mara, “Ha lo levosahia! A pa mele mai i sopo tuai! Avulahi isan la haratu la lo taurilati la reti hin puku mata retimangovi nike." 8 Enau John, enau natu na hitea, ale na rongo la hinau nike, nara na rongora, ale na hitera, na juruvi popovi atano na palon angelo atu mo lo vujangiau hin la hinau sei vara a lotua, 9 pani angelo atu mo verea isaku mara, “O sopo vaia sohena! Enau volitusi matea sohem peresi na voraim la prÌovet tolu la haratu la oloolo na reti hin puku nike. O lotu God!" 10 Ale mo verea isaku mara, “O sopo jarohi na reti mata retimangovi hin puku nike, matan i pa sopo tuai la pa masese. 11 Haratu mo lo vai na hehe, i pa lo vai na hehe; haratu rÌomina mo lumiha, rÌomina i pa lo lumiha; ale tamlohi tataholo i pa lo vai na hina tataholo, ale haratu mo tapu i pa lo tapu." 12 Ale Moli mara, “Ka levosahia! Enau na lo mai vila, ale a pa sile na voli tamlohi tari i tataholo na sava la vaia moiso. 13 Enau na tiroma na hinau tari, enau na isoiso hinau tari, enau pulo hinau tari, enau na hitahu, enau tapulo hinau tari, enau isoiso hinau tari." 14 Avulahi isana tamlohi tari sei la lo hoje na nora ruru peravu matan vara la pa tataholo vara la hani na vuan vipahai atu sei mo lo sile na mauri, ale la pa erÌi unu hin taon tavera atu na mataruana. Gen 2.9; 3.22 15 Pani na jingoima hin taon tavera atu, viriu sei haratu la lumiha peresi na tamlohi mahumahu na suiha tanume peresi haratu posira la lumiha peresi na tamlohi vilimatei na tamlohi peresi la haratu la lo lotulotu vono, ale tamlohi tari sei tarea la opoia vara la lo halu. 16 “Enau Iesu, enau na rÌule na noku angelo vara i vereuli la hinau tari sei isamim mata vao kalesia tari. Enau tahisan mahapin Supe David, ale enau na majou rÌalavuho sei mo memera.” Isa 11.1, 10 17 Ale, Tanume Tapu peresi harÌai atu i pa lahi lara, “O mai!” Ale isan haratu mo erÌi rongo, o verea vara “O mai!” Ale isan haratu mo marÌohu, “O mai!” Ale isan haratu mo opoia, o lavi na wai mata mauri mo sopo te volina. 18 Haranike enia noku retirÌoarÌoahai isana tamlohi tari sei la rongo la reti mata retimangovi hin puku nike. Deut 4.2; 12.32 Vara tea i mele tau te reti tinapua na sava la ulia moiso, God i pa tau la rongohaji sasati atu puku nike, mo lo verea isana. 19 Ale vara tea i lavi narÌihi te reti hin retimangovi nike, God i pa lavi narÌihi na rungana hin vipahai atu mata mauri peresi taon tapu atu sei la uliuli matana hin puku nike. 20 Ale haratu mo lo vereuli la hinau nike mara, “Io, enau na lo mai vila!” Amen! O mai Moli Iesu! 21 RÌomrÌuhu non Moli Iesu i toho isamim mo isoiso. Amen.