Revelation 12

1 Ale matamata marÌurahi tavera matea mo pala na tuka: enia harÌai matea mo ruru na alo sohena ruruna, ale vitu mo lo toho na ruhuruhu palona, ale vitusarasara mo sangavulu rÌomana mo rua la vai na rÌongorÌongo nona supe matea na patuna, 2 mo pangepange, ale mo tangi aulu mata rongohaji tavera, mo lo tangi matan mo tatamahu vara i lavilavi. 3 Ale matamata tinapua matea mo pala na tuka, e! Dragon hahara tavera matea. Patuna mo limaravrua la lavi na rÌongorÌongo matematea, ale palana mo sangavulu. 4 Ale virÌina mo haro na hatolu vitusarasara tari na tuka mo pulahira la sivo na varama. Moiso dragon atu mo turu na nahon harÌai atu mo tatamahu vara i rÌolomi na natuna vara harÌai atu i lavilavi. 5 HarÌai atu mo vasusui na natirihi lamane matea sei enia i pa aulu na mara jara tinatinapua tari na varama, ale i pa tamajira na maja aen matea. La reve narÌihi natirihi lamane atu mo sahe isan God, ale mo sakele na nona jara sakele nona supe. 6 Ale harÌai atu mo rovo mo vano na jara hasetoho matea sei God mo tatamahunia matana moiso. Ale la pa kilaua atu mata rani i tari vahatea i ngav sangavulu rua i ngavulu limarave (1,260). 7 Hitahun haratu vuro mo tapulo na tuka, ale Michael patu angelo peresi na nona angelo la valum peresi dragon atu tolu na nona angelo, ale dragon atu peresi na nona angelo la vai na vuro peresi Michael, 8 pani enira la jeu na dragon peresi na nona angelo hin vuro atu, ale la titiura na tuka, 9 Ale dragon tavera atu, enia mata sasati atu tuai, haratu la tovia Tiapolo teni Setan, tarea enia mo lo halu na tamlohi tari na varama, la pulahia peresi na nona angelo la sivo na varama. 10 Ale na rongo na leo tavera matea na tuka mo verea mara, “Nake rani mo mai moiso vara vavahinau mata juri non norÌa God la masese, nake i pa turu na nona rÌilangi peresi na nona suiha mata supe, nake rani vara KrÌisto i tauri na nona suiha, enia sei God mo virÌonia vara enia i pa Jujuri. Ale matana, mo pulahi narÌihi meresahi atu vara i sivo na varama, enia haratu mo lo tuvai na vorairÌa na nahon God tarea. 11 Ale la jeu Setan mata rÌaen Natu Sipsip ale mata nora vereulia na retivararÌuhu matan la tatamahu vara la mate mata nora rasua. 12 Matana, tuka aulu ha pa avulahi peresi la haratu la lo toho atu, pani varama peresi na tasi ha rÌomsati matan la pulahi Tiapolo mo sivo isamim, ale mo lolokoru patuna matan mo levosahia vara nona rani mo vejuveju." 13 Na rani dragon atu mo hitevosahia vara la titiua mo sivo na varama, mo levuti pa harÌai atu sei mo lo vasusui natuna lamane atu. 14 Pani la sile na hapa mala tavera mo rua isana vara i avu i rovo i vano hin jara atu God mo tatamahunia matana, vara la pa kilaua hin jara hasetoho atu. Dragon i pa sopo erÌi komoa hin jara atu mata tauni i tolu peresi na sope tauni matea. 15 Ale dragon atu mo sosoro na wai sohena wai roro matea, mo malue na jingona mo usuri harÌai atu, ale mo vaihitea vara i tivesi narÌihia hin wai tatave atu, 16 pani lepa mo tuenia, lepa mo roi, ale mo rÌolomi wai tatave atu sei mo lo malue na jingon dragon atu. 17 Ale dragon atu mo lolokoru sasati hin harÌai atu. Ale mo malue mo vano vara i vai na vuro peresi te natun harÌai atu tinapua. Enira la tamlohi atu sei la lo oloolo na retileu non God, ale la lo usuri na vereulia sei Iesu mo vujangia isara. 18 Moiso dragon atu mo turu na pahisa tasi na oneone.