Philippians 4

1 Matan haratu, la vorai peresi na vevorai, na lo opoi kamim, ale na opoia vara a mele hite kamim, matan ka vaiau na avulahi, kamim sohena noku otori, ha turu rÌilangi hin Moli, la tapalaku rÌuhurÌuhu. 2 Na usia rÌilangi vara Euodia enia Syntyche la avulahi hinira rua hin Moli. 3 Io, ale na lo usiho tapalaku rÌuhurÌuhu, o tueni la harÌai atu, enira la lo voko jara matea peresiau hin rani atu na lo vavahinau atu mata RetirÌuhu peresi Clement peresi la tatua tapalaku atu mata vavahinau, la haratu sei hijara la lo toho na Puku mata Mauri. 4 Ha avulahi hin Moli tarea, a mele verea, ha avulahi jea! 5 Ha vujangi na nomim posposi rÌuhu isana tamlohi tari. Moli mo lo mai mariviti. 6 Ha sopo rÌomkaka hin te hinau hatea, pani na hinau tari na nomim usiusi isan God matan te hinau, ha vere meje isana, ale ha vere na nomim opoia. 7 Ale vara ha lo vaia sohena, tamata non God atu tamlohi la sopo levosahia, i pa matahi na mapumim peresi na rÌomimim hin KrÌisto Iesu. 8 Isoiso hinau la vorai peresi na vevorai, sava mo vararÌuhu, sava la tataholo mata sile na oloolo hinira, sava mo tataholo, sava mo vokevoke, sava mo rÌuhu, sava mo tataholo vara rÌa opoia, vara te posposi rÌuhu teni te hinau mata hasohasoa, ha tau na rÌomimim hinira. 9 Ale sava hinau, ka levosahia, ka lavia, ka rongoa, ale ka hitea hiniau, ha hahau hinira, ale God mata tamata i pa toho peresi kamim. 10 Na avulahi tavera hin Moli matan nake ka lo mele rÌomrÌomiau. Na levosahia vara ka rÌomrÌomiau, pani mo sopo te masapa vara ha erÌi vujangia. 11 Na sopo verea haranike matan te noku opoia, matan na levosahi na malele vara a avulahi na sava mo masese na mauriku. 12 Na levosahi na mauri tilavono, na levosahi na mauri tavtav, na levosahi na hina luhu mata avulahi na hinau tari la mai na mauriku, vara a masu teni a marohati, vara tanga mo lo masurere, teni te rani na vejuveju. 13 A erÌi vai na hinau tari matan KrÌisto mo lo tueniau. 14 Pani ka meje tavera isamim matan ka lo tueniau na noku rani rÌilangi. 15 Kamim mara Philippi ka levosahia vara na pongi tiroma ka rongo na RetirÌuhu, ale na rani na malue Macedonia, mo sopo te vao kalesia tinapua vara i tueniau na silesilea, pani kamim hasemim purongo. 16 Matan na rani na lo toho Thessalonica, ka sohai na hinau vaha visa vara i tueniau. 17 Na sopo verea matan na lo kilau mata silesilea, pani na opoia vara ha mele lavi na vua rÌuhurÌuhu mata nomim posposi rÌuhu. 18 Pani na lavi la otori sei ka sohaira mo mai isaku peresi Epaphroditus, ale hinau tari sei la marÌivi savulevule la jeu na noku opoia. Hinau sei ka vaia isaku mo sohena malamalai matea ponana mo rÌuhu, mo tataholo na nahon God, ale mo avulahi hinia. 19 Ale noku God, i pa sile kamim na hinau tari ka opoia i usuri na nona tavtav rÌuhurÌuhu hin KrÌisto Iesu. 20 Isan God TamarÌa, hasohaso i sahe isana mata rani tui tui, amen. 21 Ha sile na retioloolo i vano isana tapuhi tari non God hin KrÌisto Iesu. La vorai kalesia nike, la lo toho peresiau, la sohai na nora retioloolo isamim. 22 Tapuhi tari nike, la sohai na nora retioloolo isamim, la haratu la lo vavahinau na lolo iman supe matan Rome sohena la opoia mo tavera vara ha levosahi na nora retioloolo isamim. 23 RÌomrÌuhu non norÌa Moli Iesu KrÌisto i pa lo toho na maurimim.