Philemon 1

1 Enau, Paul peresi vorairÌa Timothy nike, kama uli leta nike isam Philemon. Nike Rome, na lo toho na lolo ima rÌilangi, mata noku vavahinau na lo vaia matan KrÌisto Iesu. Ale engko tapalamam, kama lo hiteho sohena voraimam matea na vavahinau non Moli. 2 Ale leta nike, mo vano isan vevorairÌa Apphia sohena, ale isan Archippus tamlohi vuro matea mata rasua sohemam hin Iesu, ale isana vao kalesia la lo matavuhi na imam. 3 RÌomrÌuhu peresi na tamata non God TamarÌa peresi Moli Iesu KrÌisto i pa toho isamim. 4 Tarea na noku usiusi na lo vere meje isan noku God matam, 5 mata na rongoa vara nom rasua hin Moli Iesu peresi na nom opoia isan la haratu la tapuhi non God, mo rÌilangi. 6 Enau na lo usiusi vara nom mauri rasua sei ko lo vujangia isana tamlohi rasua tinapua, i pa ulua, matan vara o pa levosahi mamahuni na hina rÌuhu matuvana na maurirÌa matan KrÌisto. 7 Voraiku, nom opoia mata tamlohi tinapua mo vaiau na avulahi mo tavera jea, ale mo tahe na rÌomiku matan ko lo tueni na rÌom tapuhi non God la mele rÌilangi. 8 Ale matan ko opoi na tapuhi non God, enrÌa rua rÌa levosahia vara i pa tataholo vara a vereho vara o vai na hinau tataholo purongo, pani na posposi opoia, na lo usiho vara o vai na hinau matea. Enau Paul na vajiaha nake, ale na lo toho na ima rÌilangi matan KrÌisto Iesu, 10 ale na lo retireti matan nom slev sei Onesimus, enia mo mai natuku na rani sei mo lo rohiau nike na ima rÌilangi. 11 Tiroma mo sopo rÌuhu matan te hinau hatea isam, pani nake mo rÌuhu isarÌa, enrÌa rua. 12 Hina purongo vara na opoia mo tavera jea, na lo rÌulea vara i mele hilu mai isam. 13 Na pa lo opoia vara i lo toho peresiau matan vara i lavi na jaram nike, vara i tueniau na noku rani rÌilangi mata RetirÌuhu na ima rÌilangi. 14 Pani na sopo opoia vara a vai te hinau ko sopo avulahi hinia, teni matan vara te hina rÌuhu o pa vaia, o pa vaia i usuri na masalom purongo, pani mo sopo matan na lo ngurunguru hinia. 15 Korong Onesimus mo rovo hiniho mata makomo rani purongo, matan vara i mele mai isam i pa toho jejeu, 16 pani nake, enia mo sopo slev purongo, pani mo jeu na slev, isaku enia vorai rÌuhurÌuhu matea, ale vararÌuhu enia i pa sohena isam, i pa mele hilu isam sohena tamlohi tuetueni matea, ale vorai matea hin Moli. 17 Ale vara ko lo rÌomrÌomia vara enrÌa rÌa tapala, o mele lavi Onesimus i mai isam sohena ko laviau. 18 Vara Onesimus mo lejiho teni mo ave hin te hinau isam, enia i pa noku ave. 19 Enau Paul, na lo hase uliuli isam, na sopo halu, enau a pa voli na nona ave, ale a pa sopo mele verea vara maurim enia noku, matan ko pa lavi na mauri paro mata RetirÌuhu isaku. 20 Ale voraiku, mo rÌuhu vara, o pa vai te hina rÌuhu hatea isaku matan Moli, o vaiau a avulahi, 21 na lo uliuli isam, na lo levosahia mo rÌuhu, vara o pa vai na sava na lo verea. 22 Moiso, mele hinau matea, o tatamahuni te jaraku hatea, matan na lo rÌomtoho vara a pa malue na ima rÌilangi nike, a pa mele mai isam matan ko lo usiusi matana. 23 Epaphras enia soheku mo lo toho na ima rÌilangi matan KrÌisto Iesu, enia mo sohai na retioloolo isam. 24 Ale, Mark, Aristarchus, Demas peresi Luke, la haratu la lo vavahinau peresiau sohena, la sohai na nora retioloolo isam, 25 Ale rÌomrÌuhu non Moli Iesu KrÌisto i pa toho na mapumim mo isoiso.