Mark 16

1 Saturday na ravravi jea na isoison rani mapu atu, Mary Magdalene, Mary tinan James enia Salome, la vano la voli te hasori rÌuhu vara la pa vano la taua na tarapen Iesu vara i mele rani sahe. 2 Sunday rÌalavuho jea alo mo pa lo tapulo vele purongo, la vano hin papa vatu atu. 3 La pa lo vano la lo vereverea isara lara, “Hare i pa tuenirÌa vara i kuresi narÌihi vatu atu na mataruan papa atu?" 4 Ale lara la tarÌa sahe aulu, la hite vatu tavera atu la pete kuresi narÌihia moiso. 5 La sahe la unu hin papa atu ale la hite na uluvou matea, mo ru na ruru lulu mo lo sakele na matuana, ale la hutura hinia. 6 Ale mo verea isara mara, “Ha sopo matahu! Ka lo ale Iesu mara Nazareth haratu sei la vosaea na talopeilopei? Mo turu na mateia moiso, enia mo sopo toho nike. Ha to hite na jara sei la taua hinia. 7 Pani ha vano ha verea isana nona tamlohi usuri peresi Peter, ha verera vara Iesu mo vano Galilee tiroma hin kamim moiso. Ha vano ha pa hitea ea sohen mo lo verea isamim tiroma moiso." 8 La harÌai atu lara la malue la rovo hin papa atu matan matahu mo sohonira ale la savaravara. La sopo vere te hinau isan tea matan la matahu. e Tiroma Isoison Mark â (Mt 28.9â10; Jn 20.11â18) Ale la vere vevuhi na hinau tari isan Peter peresi na tapalana. Hitahuna Iesu mo rÌulera la vano na varama, la vano Opae mo sivo mo tikeli Marino, la lavi nona RetirÌuhu tapu mata juri sei mo lo sile na mauri tui sei i sopo erÌi tihai hin te rani. Amen. 9 Iesu mo mele turu na Sunday na rÌalavuho jea, ale Mary Magdalene natu enia harÌai tiroma mo hitea, enia natu Iesu mo titiu narÌihi na tanume sasati mo limaravrua isana. 10 Hitahu Mary mo vano mo verea isana nona tamlohi usuri sei la lo rongo mo sati ale la lo tangisia. 11 Pani lara la rongoa vara Mary mo hite Iesu mo mele mauri, la sopo rasua. 12 Hitahun la hinau atu Iesu mo mele pala isana tupra rua sei la lo hahau mata jara tinapua matea, pani la sopo hitevosahia matan mo posi na nahona. 13 Hitahuna lara la hitevosahia la mele hilu vilavila la sahe vara la verea isana tatuara, pani tea i sopo rasura. 14 Hitahuna Iesu mo pala isan la tupu sangavulu rÌomana matea atu lara la lo hanhani. Ale mo reti rÌilangi isara matan mo sopo te nora rasua, ale mata rÌomira mo rÌilangi jea. Mo reti rÌilangi sohena matan la sopo rasu la haratu sei la hitea vara mo mele mauri. 15 Ale mo verea isara mara, “Ha vano na jara tari na varama, ale ha vereuli na noku RetirÌuhu isana tamlohi tari. 16 Sava tamlohi mo rasua ale mo paptijo, God i pa juria, pani haratu mo sopo rasua, God i pa aria. 17 God i pa sile la matamata tavera akerihi natu i usuri la haratu la rasuau: na hijaku la pa erÌi titiu narÌihi na tanume sasati, ale la pa erÌi retireti na leo paro tinapua, 18 ale la pa tauri na mata sasati jea na limara, ale vara la inu te wai mata vilimatei na tamlohi la pa sopo erÌi mate matana. La pa tau na limara na tamlohi rojoa moiso ale nora rojoa i tihai." 19 Iesu mara mo vere la hinau atu isara mo isoiso, God mo lavi narÌihia mo sahe aulu na tuka, ale mo sakele na jara mata suiha na matuan God. 20 Ale nona tamlohi usuri la vano la retivujavujangi na jara hatehateahi. Moli Iesu mo lo tuenira na nora vavahinau, ale mo vujangia vara nora reti mo tai isana na matamata matuvana.