Matthew 24

1 Hitahu, Iesu mara mo lo malue na Temple non Jerusalem, nona tamlohi usuri la mai isana vara la verea vara la ima tavera atu la rÌuhu sohena sava. 2 Pani Iesu mo rÌaramira mara, “Ka hite la ima tari akerihi? VararÌuhu na verea isamim vara i pa sopo te vatu hatea i pa lo toho aulu na vatu tinapua sei vara la pa sopo atu jovjovira!" 3 Hitahuna, Iesu mo lo sakele na vuti talu Olive, ale nona tamlohi usuri la mai rÌorÌo isana, la verea lara, “O to vere kamam hinia vara sava matamata natu, kama pa lo kilau matana, vara kama pa levosahia vara nom mele mai peresi na pongi hitahu mo pala." 4 Iesu mo rÌaramira mara, “Ha lo kilau ha sopo tinarÌihi tea i halu kamim, 5 matan tamlohi matuvana la pa mai na hijaku la pa verea vara enira natu pa KrÌisto atu, la pa tikau leji na tamlohi matuvana. 6 Ale ha pa rongo na vuro peresi na sorasorahi vuro, pani ha sopo matahu matan harihi natu, i pa mai tiroma, pani pongi hitahu mo sopo lo pala. 7 Mara jara tavera tinatinapu la pa meresahi hinira, ale supe matea i pa meresahi na supe tinapua. Marua tavera i pa mai, ale mihi i pa hisuhi na jara matuvana. 8 La hinau tari sei la sohena tapulo rongohaji na epe harÌai vara i lavilavi. 9 Ale la pa tauri kamim ha vano na rani rÌilangi sati, la pa vilimatei kamim. Tamlohi tari na jara tavera na varama la pa hitesatihi kamim mata hijaku. 10 Vao tavera la pa tinarÌihi na nora rasua hin rani atu, ale la pa turuturuposi hinira, la pa hitesasatihira. 11 Ale prÌovet haluhalu matuvana la pa pala, la pa tikau leji na tamlohi matuvana. 12 Ale matan vaivaileu i pa tavera jea, opoia nona tamlohi matuvana la pa tihai. 13 Pani harepu mo lo turu rÌilangi mo tikeli na pongi hitahu, i pa juri. 14 Ale tamlohi la pa retivujavujangi na RetirÌuhu matan mauri atu God mo aulu hinia isana mara jara tinatinapua na varama matan vara la pa levosahia, moiso pongi hitahu i pa pala. 15 Vara ha hite hina lumiha sei God mo rÌohu hinia, haratu sei prÌovet Daniel mo lo verea tuai moiso, vara mo turu na jara tapu na lolo Temple, hare mo lo evi reti nike i levosahi na rÌaramina, Dan 9.27 16 mo rÌuhu vara la haratu la lo toho Judea la rovo la sahe na vutivuti. 17 Mo rÌuhu vara haratu mo lo toho aulu na pusa imana i pa sopo sevuti sivo na lolona vara i lavi narÌihi na nona hinahinau hinia, 18 Ale mo rÌuhu vara haratu mo lo voko na isa i pa sopo posi vara i ale na nona jaket. 19 I pa rani rÌilangi isana harÌai sei la pangepange peresi la haratu la pa lo vasusui na nora pipi hin rani atu! 20 Ha usiusi isan God vara nomim rovorovo i pa sopo jovi na taro hamariri teni na rani Sabbath. 21 Mo sopo lo te rani sohen rani rÌilangi tavera atu, mo tapulo na pongi tiroma mo tikeli nake, ale i pa sopo mele tea sohena hin te rani. Dan 12.1 22 Ale vara God i sopo lo vai la rani rÌilangi atu evira la mele vejuveju, i pa sopo te tamlohi hatea i pa mauri. Pani matan la haratu God mo virÌonira, enia i pa vai la rani atu evira la mele vejuveju. 23 Moiso vara tea mo verea mara, ‘Ha kilau mai nike! KrÌisto atu enia nahai, teni enia natu, sevano’ â mo vono, ha sopo rasua. 24 Matan krÌisto haluhalu peresi na prÌovet haluhalu la pa pala, ale la pa vai na matamata tatavera peresi na hinau marÌurahi, matan vara la vaihitea vara la erÌi tikau leji la haratu Moli mo virÌonira. 25 Ka hitea, mo sopo lo ranina tataholo pani na lo vere kamim hinia moiso. 26 Ale vara la verea isamim lara, ‘Ha kilau vano, enia natuvano na jara tano koru!’ â ha sopo vano atu! Teni vara la verea lara, ‘Ha kilau mai nike, enia nahai mo lo toho na lolo ima nike!’ â ha sopo rasua! 27 Matan rani mata mele mai non Natun Tamlohi i pa mera sohena vaha sei mo vilasi, merana mo tai Opae mo sivo Marino. 28 Vara ko hite na karai la lo avu vano hin te jara, o pa levosahia vara te pahai mo mena atu. 29 La hinau rÌilangi atu vara la vano moiso, ‘Vahatea purongo mera alo i pa tihai, vitu i pa sopo mele sile na memerana, vitusarasara la pa jovjovi na masapa, ale God i pa hutehi na suiha tari na tuka’. Isa 13.10; Joel 2.10 30 Ale matamata matan Natun Tamlohi i pa pala na masapa aulu, ale tavtavui tari mata varama la pa tangi mata matahu, moiso la pa hite Natun Tamlohi i pa lo mai na telangi matan tuka na nona suiha peresi na merana tavera. Dan 7.13; Zec 12.10â14 31 I pa rÌule na nona angelo na tiv tavera mata trumpet matea, moiso la pa takonahi la haratu mo virÌonira rÌalihi na varama na jara tari na masapa aulu na varama. 32 Ha lo levosahi na titileu mata vipahai fig: na rani rangana la lo sasarÌira, ha pa levosahia vara taro mamasa mo lo mai. 33 Ale kamim sohena, vara ha hite la hinau nike, na lo verea isamim la lo tapulo masese, ha pa levosahia vara Natun Tamlohi mo lo mai mariviti moiso, mo lo turu na matarua. 34 VararÌuhu na verea isamim, vara pina nike sei mo lo mauri hin rani atu, la pa sopo erÌi tihai, vavano la hinau nike, la masese vevuhi tiroma. 35 Tuka enia varama la pa tihai, pani noku reti la pa sopo erÌi tihai hin te rani. 36 Pani rani atu tea i pa sopo erÌi levosahia vara enia sava rani teni aoa natu. Mo sopo te angelo na tuka, teni Natuna, pani Tama hasena purongo mo levosahia. 37 Hin rani atu Natun Tamlohi i pa mele mai, i pa sohena rani non Noah. Gen 6.5â8 38 Matan sohen hin pongi atu tuai wai tavera mo sopo lo lolovi na varama, tamlohi la lo vai na hanhani tavera, ale la lo vai na lahi, la lo tulatulahi vavano Noah mo unu na Ark. 39 Ale tamlohi la sopo levosahi na sava i pa mai mo sinai wai tatave tavera atu mo mai mo tivesi vevuhira. I pa sohen haratu hin pongi atu Natun Tamlohi i pa mele mai hinia. Gen 7.6â24 40 Hin pongi atu, tamlohi mo rua la pa lo voko na isa, la pa lavi narÌihi matea, matea i pa lo toho. 41 Ale harÌai mo rua la pa lo visi na flaua, la pa lavi narÌihi matea, matea i pa lo toho. 42 Ale matan haratu, ha tatamahu! Ka sopo levosahia vara sava rani natu, nomim Moli i pa mele mai hinia. 43 Ale ha lo levosahi hinau akerihi, vara tamlohi tavera mata ima matea i pa lo levosahi na sava aoa na vutepongi sei vara tamlohi vavanaho i pa mai hinia, i pa lo kilau, ale i pa sopo tinarÌihia vara i unu na imana. 44 Ale matan haratu, kamim sohena ha tatamahu, matan ha pa sopo levosahi aoa atu Natun Tamlohi i pa mele mai hinia. 45 Harepu natu, enia sohen volitusi lelevosahi matea, ale mo lo rÌomturu rÌilangi tarea, vara nona tamlohi tavera mo virÌonia vara i lo kilau na vao volitusi na imana matan vara i sile na hara hinau isara na rani tataholo? 46 Avulahi tavera isan volitusi atu mo lo vai na sava nona tamlohi tavera mo verea hin rani atu vara i mele mai. 47 VararÌuhu, na verea isamim, tamlohi tavera atu i pa taua i aulu na nona hinahinau tari. 48 Pani vara volitusi sasati matea mo lo hase rÌomrÌomia vara, ‘Noku tamlohi tavera i pa sopo mai vila sei!’ 49 Moiso mo tapulo tamaji na tatuana volitusi tinapua, ale mo lo hanhani, ale mo inu peresi la haratu la lo sasarÌuhu. 50 Nona tamlohi tavera atu i pa pala na rani teni aoa sei volitusi atu mo sopo levosahia vara i pa pala hinia, 51 ale i pa tai rotoa i taua peresi na tapnetano. Hin jara atu la pa tangtangi, ale la pa ngarÌngarÌori na hurÌura mata rongohaji."