Matthew 19

1 Ale Iesu mara mo vere la hinau atu mo isoiso, mo malue Galilee mo unu na jara matan Judea na tavalu vano wai Jordan. 2 Ale vao tavera la lo usuria, ale mo vai mamahuni na nora rojoa ea. 3 Pharisee la mai isana vara la vaihitea lara, “Mo tataholo usuri na leu vara tea i erÌi tipahi narouna matan te hinau?" 4 Pani Iesu mo rÌaramira mara, “Ka sopo lo evia vara haratu mo vaira na pongi tiroma mo vaira lamane peresi na harÌai. Gen 1.27; 5.2 5 Ale mo verea mara, ‘Ale matana, tamlohi i pa tinarÌihi tamana enia tinana, ale i sorÌotahi isan narouna, ale la pa epe matea?’ Gen 2.24 6 Ale matana, la pa sopo mele tamlohi mo rua, pani epe matea purongo. Ale sava God mo sorÌotahia jara matea, te tamlohi i pa sopo mele asehia." 7 La verea isana lara, “Mata sava natu, Moses mo retileu vara tea i erÌi sile na pepa mata rÌohu hin narouna matan vara i tipahi narouna?” Deut 24.1â4; Mt 5.31 8 Mo verea isara mara, “Moses mo tinarÌihia vara ha pa erÌi tipahi na naroumim matan mapumim tamlohi hin Israel la rÌilangi, pani na pongi tiroma mo sopo sohena. 9 Ale na lo verea isamim vara tea mo tipahi narouna, pani mo sopo matan te hinau tinapua, pani mata mo vaivaileu peresi te tinapua, ale vara haratu mo tipahia mo lahi na tinapua, enia mo vaivaileu peresi harÌai atu." 10 Nona tamlohi usuri la verea isana lara, “Vara mo sohena natu, isana tamlohi matea peresi narouna, i pa mele rÌuhu jea vara tea i sopo lahi." 11 Pani mo verea isara mara, “Mo sopo tamlohi tari sei la pa erÌi lavi reti sei, pani haratu purongo sei God mo tinarÌihira vara la lavi reti sei. 12 Matan, te tamlohi la vora la povota moiso, ale tea tamlohi la votaira, ale tea la sopo lahi matan la hase tapuhira matan mauri atu God mo aulu hinia. Haratu mo erÌi lavi reti nike, i lavia." 13 Ale tamlohi la lavi na natura la mai isana vara i tau na limana isara i usiusi matara, pani tamlohi usuri la reti rÌilangi isara, 14 pani Iesu mara, “Ha tinarÌihi na natuvarihi la mai isaku, ha sopo horora matan la haratu la sohera la pa lavi mauri atu God mo aulu hinia." 15 Ale mo lerÌuhu hinira mo tau na limana hinira moiso mo malue hin jara atu. 16 Ale hin rani atu, tamlohi matea mo mai isana mara, “Tija, sava hina rÌuhu natu, vara a vaia a pa lavi na mauri tui matana?" 17 Ale Iesu mo verea isana mara, “Mata sava ko lo usiau na sava mo rÌuhu? God purongo enia mo rÌuhu. Vara ko opoia vara o lavi na mauri, o toho usuri na retileu." 18 Ale mo usia isana mara, “Sahara nakonako?” Iesu mo verea mara, “‘O sopo vilimatei na tamlohi, o sopo vaivaileu peresi na tinapua mo lahi, o sopo vavanaho, o sopo tuetueni na halu non tea, 19 o oloolo hin tamam enia tinam moiso’, Deut 5.16 ale ‘O opoi na tinapua sohen ko lo opoiho hasem’.” Lev 19.18 20 Uluvou atu mo verea mara, “La hinau tari sei na lo vaira moiso, pani sava natu, na sopo lo vaia?" 21 Iesu mo vere isana mara, “Vara o pa tataholo i rÌuhu, o vano, o harÌehi vevuhi na nom tavtav, ale o sile na volina isana tamlohi tilavono, ale o pa lavi na tavtav na tuka; ale o mai, o usuriau." 22 Pa tamlohi atu mara mo rongo retireti atu, mo malue, rÌomina mo sati matan nona tavtav mo tavera jea. 23 Moiso Iesu mo verea isana nona tamlohi usuri mara, “VararÌuhu na verea isamim, mo rÌilangi jea vara tamlohi tavtav matea i erÌi lavi mauri atu God mo aulu hinia. 24 A mele verea isamim, vara i pa mele malum jea isana camel matea vara i majorÌole na koko niteli, mo jeu na tamlohi tavtav matea vara i erÌi lavi mauri atu God mo aulu hinia." 25 Tamlohi usuri lara la rongo reti sei, la marÌurahi tavera lara, “Hare natu, i pa erÌi juri?" 26 Pani Iesu mo kilau vano isara mara, “Isana tamlohi hinau atu i pa sopo te malelena, pani isan God hinau tari la maleleha." 27 Moiso Peter mo rÌaramia mara, “Ko hitea, kamam kama tinarÌihi vevuhi na nomam hinau tari, ale kama usuriho. Sava natu, i pa nomam?" 28 Ale Iesu mo verea isara mara, “VararÌuhu na verea isamim, hin varama paro atu vara Natun Tamlohi i sakele na nona jara sakele mata suiha merana mo tavera jea, kamim haratu ka lo usuriau ha pa sakele na jara sakele mata suiha mo sangavulu rÌomana mo rua, ha pa ari la tavtavuin Israel atu mo sangavulu rÌomana mo rua. 29 Ale tamlohi tari sei la malue la tau na imara, teni voraira, teni vevoraira, teni tamara, teni tinara, teni natura, teni nora lepa mata hijaku, God i pa silera la pa mele lavia vaha ngav sangavulu (100x) hin haratu la taua, ale la pa lavi na mauri tui hitahu, 30 pani tamlohi matuvana nake sei la lo aulu, la pa sopo aulu hin pongi atu mo lo mai, pani la haratu la sopo aulu nake, la pa aulu."