Matthew 13

1 Hitahu hin rani atu, Iesu mo malue na ima, ale mo sivo mo sakele na pahisa tasi. 2 Ale matan vao tavera la mai la lo turu porotia, Iesu mo vele na boti matea mo sakele hinia, ale vao tari sei la lo turu na oneone. 3 Moiso mo verera na hinau matuvana na titileu mara, “Tamlohi haporÌahi matea mo vano vara i haporÌahi te piri. 4 Mo pa lo haporÌahi na piri, tatuara la jovi na malele, ale maji avuavu la mai la hani vevuhira. 5 Tatua piri la jovi na vatuvatu, lepa mo tavinvin purongo, ale la tuvu vahatea matan mo tavinvin, 6 pani alo mara mo vele mo sulira, ale la mahoa matan la sopo wariha. 7 Tatua piri tinapua la jovi na livuha vipahai ngarÌngarÌiha, ale la vipahai ngarÌngarÌiha atu la ulua la punira. 8 Tatua piri tinapua la jovi na lepa rÌuhu la namaha, hai la tikeli vaha ngavu sangavulu (100) hai vaha ngavulu limarave (60) hai vaha ngavulu tolu (30) hin haratu mo lo haporÌahira tiroma. 9 Haratu mo peroha i tapurongo!" 10 Nona tamlohi usuri la mai la verea isana lara, “Mata sava ko lo retireti na titileu isara?" 11 Moiso mo rÌaramira mara, “Isamim God mo majinga vara ha pa levosahi na hina luhu matan mauri atu God mo aulu hinia, pani isara, mo sopo majinga. 12 Matan isan haratu mo lavi te lelevosahi na mapuna, God i pa sile na lelevosahi i lo masurere isana, pani isan haratu mo sopo te lelevosahi na mapuna, sava hinau mo rongoa, i pa tihai. 13 Na lo retireti na titileu isara matan harihi, matan la lo hitea, pani la pa sopo rongovosahia, la lo rongoa, pani la pa peropero, ale la pa sopo levosahia. 14 VararÌuhu, sava Isaiah mo reti mangovia hinia moiso mo masese hinira vara, ‘Ha pa rongoa, pani ha pa sopo erÌi levosahia, ale ha pa hitea, pani ha pa sopo erÌi rongovosahia. 15 Matan mapura la mai la praprasa, perora la peroputu, ale matara la pelati, matan vara la pa sopo hite na matara, teni rongo na perora, ale la rongovosahi na mapura matan vara la erÌi posi la mai isaku matan vara a vai mamahuni na mapura na nora rojoa.’ Isa 6.9â10 16 Pani la matamim sei, la avulahi tavera mata sava la erÌi hitea, ale peromim la erÌi rongovosahi na sava la lo rongoa. 17 VararÌuhu na verea isamim, tuai prÌovet matuvana peresi na tamlohi tataholo la opoia vara la erÌi hite na sava ka lo hitea, pani la sopo hitea, ale vara la rongo na sava ka lo rongoa, pani la sopo rongoa. 18 Ha tapurongo na rÌarami titileu matan tamlohi haporÌahi atu: 19 Vara tea mo rongo na reti matan mauri atu God mo aulu hinia, pani mapuna mo sopo levosahia, ale Tiapolo mo mai mo reve narÌihi na sava mo lavoa na mapuna. Haranike enia piri sei mo lavoa na malele. 20 Hin haratu mo lavoa na lepa rÌilangi, haranike enia haratu sei mo rongo na RetirÌuhu, ale vahatea purongo mo lavia na avulahi, 21 pani matan mo sopo te nona jara turu, mo turu makomona purongo, ale vara rani rÌilangi mo mai teni la tipahia mata RetirÌuhu, vahatea purongo i pa rovo na nona rasua. 22 Hin haratu mo lavoa na livuha vipahai ngarÌngarÌiha, enia haratu mo rongo na RetirÌuhu, pani masalo mauri peresi na rÌomrÌomi tavtav mo turuhoro na RetirÌuhu, ale mo sopo namaha. 23 Pani hin haratu mo haporÌahia na lepa rÌuhu, enia haratu mo rongo na RetirÌuhu, ale mo rongovosahia. Enia mo namaha mo tavera, hin tea i pa tikeli vaha ngavu sangavulu (100x) hai mo tikeli vaha ngavulu limarave (60x) ale hai mo tikeli vaha ngavulu tolu (30x) hin haratu mo lo lavoa." 24 Mo mele verera na titileu tinapua matea mara, “Mauri atu God mo aulu hinia, mo sohena tamlohi matea mo lo haporÌahi na piri rÌuhu na lolo isana, 25 pani na rani nona tamlohi voko la juruvi rÌomaliho, nona meresahi mo mai mo haporÌahi na piri rÌuvu hin isa wit atu moiso mo mele rÌovo. 26 Ale lara la tuvu, ale la namaha rÌuvu sohena la pala. 27 Moiso volitusi non tamlohi tavera mata ima la mai isana lara, ‘Tamlohi tavera, avei, kama rÌom vara ko haporÌahi na piri rÌuhu purongo na isam, pani sohena sava natu, rÌuvu la tuvu hinia?’ 28 Ale mo verea isara mara, ‘Noku meresahi matea mo vai hinau sei.’ Ale nona volitusi lara, ‘Ale ko opoia vara kama vano kama saputira?’ 29 Pani mo verea mara, ‘Mo vono! Mo sopo rÌuhu vara ha saputira matan ha pa erÌi saputi na wit peresira. 30 Ha tinarÌihira la ulua jara matea vavano i tikeli na rani asitauni. Na rani asitauni a pa vere na tamlohi asitauni vara la saputi na rÌuvu tiroma, ale la otira matan vara la pa sulira, pani la pa takonahi na wit na noku ima wit.’" 31 Mo mele vere na titileu tinapua matea isara mara, “Mauri atu God mo aulu hinia mo sohena piri paka matea sei tamlohi matea mo lavia mo haporÌahi na isana. 32 Piri atu enia mo rihirihi mo jeu na piri tari, pani vara mo ulua, mo mai mo tavera mo jeu na vipahai tari, ale maji avuavu na masapa la mai la vai na taura na rangarangana." 33 Mo mele vere na titileu tinapua matea isara mara, “Mauri atu God mo aulu hinia mo sohena isi sei harÌai matea mo lavia, ale mo hoia na flaua vavano isi sei mo vaia mo sohi." 34 Hinau tari nike, Iesu mo verea isan vao atu na titileu: vararÌuhu, mo sopo vere te hinau hatea isara vara mo sopo verea na titileu. 35 Harihi mo marÌivisi na sava prÌovet la verea tuai sei vara, ‘A pa vujangi na tamlohi na titileu, a pa vereuli na sava la luhu na tapulo varama mo tikeli nake.’ Psa 78.2 36 Ale mo malue hin vao atu mo unu na ima. Moiso nona tamlohi usuri la mai isana lara, “O to vere mamahuni kamam na titileu mata rÌuvu hin isa atu." 37 Iesu mo rÌaramira mara, “Haratu mo lo haporÌahi na piri rÌuhu enia Natun Tamlohi. 38 Isa sei enia varama, moiso piri rÌuhu enia la haratu sei la lavi mauri atu God mo aulu hinia, ale rÌuvu atu enia la haratu sei la tamlohi non haratu mo sasati, 39 ale meresahi atu mo lo haporÌahira, enia Tiapolo. Asitauni enia pongi hitahu, ale tamlohi asitauni enira angelo. 40 Sohena la saputi na rÌuvu, ale la sulira na hapu, i pa sohena na pongi hitahu. 41 Natun Tamlohi i pa rÌule na nona angelo, ale la pa lavi narÌihi na hinau tari sei la lo vai na tamlohi la hehe peresi la haratu tarea la lo tope na leu na lolo jara sei enia mo aulu hinia, 42 ale la pa pulahira la sulira hin jara atu mata hapu. Hin jara atu, la pa tangi, ale la pa ngarÌngarÌori na hurÌura na rongohaji tavera. 43 Moiso haratu la tataholo la pa mera sohena alo hin mauri atu na suihan Tamara. Haratu la peroha, ha tapurongo! 44 Mauri atu God mo aulu hinia mo sohena tavtav tavera matea, tamlohi matea mo jarohia na lepa matea, ale tamlohi tinapua matea mo tapaia, ale mo mele tavuhoroa. Moiso mo avulahi tavera, mo vano mo harÌehi vevuhi na nona hinahinau matan vara i erÌi voli lepa atu. 45 Ale mele vahatea, mauri atu God mo aulu hinia mo sohena tamlohi arÌearÌehi matea mo lo aleale hurÌutavila rÌuhu, 46 ale enia mo vilei na hurÌutavila matea mo rÌuhurÌuhu jea, mo vano mo harÌehi vevuhi na nona hinahinau, ale mo volia nona. 47 Ale mele vahatea, mauri atu God mo aulu hinia mo sohena tara sei la pulahia na tasi, ale maji tinatinapua tari la kali hinia. 48 Mara mo marÌivi, tamlohi la reve hosohia, ale la sakele la virÌoni narÌihi na hina rÌuhu la sohonira na tanga, pani haratu la sati la pulahira. 49 I pa sohena na pongi hitahu. Angelo la pa mai la asehi la haratu la sasati hin la haratu la tataholo, 50 ale la pa pulahira na jara mata hapu. Hin jara atu, la pa tangi, ale la pa hatihati na hurÌura. 51 Ka lo rongovosahi la hinau sei?” La rÌaramia lara, “He’e." 52 Ale mo verea isara mara, “Ale matana, tamlohi vujangi mata leu tari sei la lavi na lelevosahi mata usuri mauri atu God mo aulu hinia, enira la pa sohena tamlohi tavera mata ima matea sei mo lavi narÌihi na nona tavtav vara i vujangira isana tamlohi, hina paro peresi na hina tuai." 53 Iesu mara mo isoiso hin la titileu atu, mo malue hin jara atu, 54 mo mai na jarana mo vujangira na nora ima lotu, ale la marÌurahi hinia lara, “Tamlohi nike, mo lavi na nona lelevosahi epu, mo pa lavi na suiha vara i vai na hina rÌuhurÌuhu epu? 55 Pani enia mo sopo natun tamlohi tapatu atu? Ale tinana la tovia Mary, ale tasina sei, James, Joseph, Simon peresi Judas. 56 Ale vetasina tari la lo toho peresirÌa nike, sava jara natu, tamlohi nike mo pa lavi na suiha vara i vai la hinau sei hinia?" 57 Ale la lo rÌohu hinia, pani Iesu mo verea isara mara, “PrÌovet matea i pa sopo erÌi lavi na oloolo na jarana teni na lolo imana." 58 Ale mo sopo vai te hina rÌuhurÌuhu matuvana ea matan la sopo rasua.