Luke 24

1 Pani na Sunday na rÌalavuho jea, pa la harÌai atu la vano na taptap, la lavi na lai ponaha rÌuhu sei la tatamahunira moiso. 2 Ale lara la kau na taptap la hite vatu tavera atu mata matarua la kuresi narÌihia moiso, 3 pani lara la unu la sopo hite na tarapen Moli Iesu, 4 rÌomira mo pa lo tihai, ale la pa hutura purongo, tamlohi mo rua la lo turu na pahisara, nora ruru la memera tavera. 5 Ale la matahu tavera, la popovi na nahora atano na lepa, ale la tamlohi atu la verea isara lara, “Mata sava ka lo ale na tamlohi mauri na jara mate? 6 Enia mo sopo toho nike, pani mo mele turu moiso. Ka lo rÌomrÌomi na sava mo verea isamim hin rani atu mo pa lo toho Galilee, 7 mara Natun Tamlohi i pa vano na lima tamlohi sasati matan vara la pa vosaea na talopeilopei, ale i pa mele turu na hatolu rani." 8 Ale la pa mele rÌomrÌomi na nona retireti, 9 ale la malue na taptap la vano la vere na hinau tari isan la tupu sangavulu rÌomana matea atu, peresi la haratu la lo toho peresira. 10 Ale Mary Magdalene, Joanna, Mary tinan James peresi na harÌai tinapua hai sei la lo toho peresira, enira natu la vere la hinau sei isan la vaharÌule atu. 11 Pani la rongoa sohena sorasora rongorongo vono matea, ale la sopo rasura. 12 Pani Peter mo turu mo maro mo vano na taptap, mo riorio sivo mo hite na tavalu ruru lulu purongo la pa lo toho atu, ale mo mele mule mo marÌurahi tavera na sava mo masese. 13 Tataholo hin rani atu, tamlohi mo rua isara, la lo vano na vanuan Emmaus, mariviti kilometre i sangavulu rÌomana matea hin Jerusalem. 14 Ale la lo sorahi na hinau tari sei la masese Jerusalem. 15 La pa lo retireti la lo sorahia, Iesu mo mai mo hahau peresira. 16 Pani la sopo hitevosahia matan God mo horora. 17 Ale mo verea isara mara, “Avei, sava sei ka lo sorahia na nomim hahau?” La turu vahatea ale nahora mo vujangia vara rÌomira mo sati. 18 Ale vonara matea, hijana Cleopas mo rÌaramia mara, “Avei, korong engko hasem purongo sei ko rohi Jerusalem, ale ko sopo levosahi na sava mo masese hin la rani akerihi sei la vano moiso?" 19 Ale Iesu mo verea isara mara, “Sava hinau natu?” Ale la verea isana lara, “Hinau la vaia isan Iesu mara Nazareth, enia prÌovet sei nona retireti peresi na suihana la rÌuhurÌuhu jea na nahon God, peresi na tamlohi tari. 20 Ale sohena sava nomam tamlohi aulu nona prÌis peresi na tamlohi aulu la taua na liman Pilate, vara i sile na talai isana mata mate, ale la vosaea na talopeilopei. 21 Pani kama lo rÌomtoho vara enia natu, haratu sei i pa juri Israel. Pani mo sopo haratu purongo, nahapani enia hatolu rani usuri la hinau sei la masese. 22 Ale aulu hin haratu, nomam harÌai hai, la vai kamam kama marÌurahi jea. Enira la lo toho na tapuna na rÌalavuho jea. 23 Ale lara la sopo hite na tarapena, ale la mele hilu mai, la verea isamam vara la hite na angelo hai, ale la verea isara vara mo mele mauri. 24 Tatuamam la rongoa la vano na tapuna vara la hitea, ale la hitea mo tataholo sohen haratu la harÌai atu la lo verea, ale la hitea vararÌuhu tarapen Iesu mo tihai." 25 Ale Iesu mo verea isara mara, “Ka tamlohi rongorongo vono! Mapumim la rÌilangi mata rasu na hinau tari prÌovet la verea moiso! 26 Mo mera purongo na sava la ulia lara KrÌisto i pa lavi na rongohaji tiroma, moiso i pa lavi na hasohasona tavera." 27 Ale Iesu mo tapulo vereuli na hinau tari sei Moses peresi na prÌovet la ulira na jara tari na Retitapu sei la vereulia vara maurina i pa sohena sava. 28 Ale lara la lo mai mariviti hin vanua atu sei la lo hahau matana, Iesu mo lo hahau o hitea sohena vara i pa jeu vanua atu, 29 pani la verea rÌilangi isana lara, “O lo toho peresi kamam matan mo ravravi moiso, ale alo mo sakele na vuti moiso.” Ale mo usurira, mo lo toho peresira. 30 La sakele na tep, ale mo lavi na pereti mo lerÌuhu hinia, mo topea, moiso mo silea isara. 31 Ale vahatea purongo, matara la roi la hitevosahia, ale mo tihai isara. 32 La verea isara hasera lara, “VararÌuhu sei matan mapurÌa la avulahi jea na rani Iesu mo lo retireti peresirÌa na malele sei mo vai na Retiulia la roi isara?" 33 Ale la turu vahatea la hilu, la mele vano Jerusalem, la tapai la tupu sangavulu rÌomana matea atu peresi la haratu la lo toho peresira la lo pulutahi na jara matea. 34 Ale la verea isan la tupra rua atu lara, “VararÌuhu, Moli mo mele turu, mo pala isan Simon Peter moiso!" 35 Moiso la tupra rua atu la pete vere na sava mo masese na malele, ale sohena sava la pa hitevosahia na rani mo tope na pereti. 36 La pa lo sorahi la hinau sei, Iesu mo turu na livuhara, mo verea isara mara, “Tamata i toho isamim!" 37 Pani la hutura hinia, la matahu tavera matan la rÌom vara la hite na tanume matea. 38 Moiso mo verea isara mara, “Ka matahu mata sava? Ale rÌomkaka mo malue na mapumim mata sava? 39 Ha hite na limaku peresi na paloku vara enau vararÌuhu nahai. Ha tikeliau, ale ha levosahia, matan tanume mo sopo te epena soheku sohen ka lo hitea." 40 Ale mara mo verea moiso, mo vujangi na limana peresi na palona isara. 41 Ale la sopo lo rasu na sava la hitera matan la marÌurahi tavera hinia, ale mo verea isara mara, “Avei, te hanhani nike?" 42 Ale la silea na tavalu maji matea mo noha na wai tutuni, 43 ale mo lavia mo hania na nahora. 44 Ale Iesu mo verea isara mara, “Reti nike enira noku reti sei na pete verea moiso isamim hin rani atu na pa lo toho peresi kamim, vara hinau tari sei la ulia na Leu non Moses peresi na Retiulia nona prÌovet peresi na puku non psalms la pa masese." 45 Moiso mo vai na rÌomira la roi matan vara la erÌi rongovosahi na Retitapu, 46 ale mo verea isara mara, “La ulia sohen harihi lara, KrÌisto i pa lavi na rongohaji moiso i mate, ale na hatolu rani i pa mele turu na mateia, 47 ale la pa retivujavujangi na posi mata hehe, ale God i pa rÌomi na nora hehe na hijan KrÌisto, la pa retivujavujangia i vano isana tamlohi mara jara tinatinapua tari i tapulo Jerusalem i vano. 48 Kamim ka hite la hinau sei na matamim. 49 Ale ha levosahia vara na lo rÌule na Tanume Tapu usuri na retitauhi non Tamaku isamim. Pani ha lo toho Jerusalem i tikeli rani atu suiha aulu matan na tuka i jovi hin kamim." 50 Moiso mo tiromara la malue la vano la tikeli Bethany, ale mo tahe na limana mo lerÌuhu hinira. 51 Mo pa lo lerÌuhu hinira, God mo lavi narÌihia mo sahe aulu na tuka. 52 Ale la lotua, la mele hilu la vano Jerusalem peresi na avulahi tavera, 53 ale la vano la lo toho tarea na Temple mata hasohaso God ea.