Luke 21

1 Iesu mo kilau vano mo hite na tamlohi tavtav, la lo tau na nora silesilea na jara silesilea na lolo Temple. 2 Ale mo hite na harÌai malepu tilavono matea, mo tau na selen mo rua. 3 Ale mo verea mara, “VararÌuhu na verea isamim, harÌai malepu tilavono nike mo taua mo jeu na tamlohi tavtav mo isoiso. 4 Matan sava la silea mo malue na nora tavtav tavera, pani sava enia mo silea, mo malue na nona tilavono, mo tau vevuhi na sava sei vara i pa erÌi tueni na maurina." 5 Ale, la pa lo vereverea vara Temple atu mo rÌuhu sohena sava, ale sohena sava la tau mamahuni na vatu rÌuhurÌuhu hinia, ale sohena sava tamlohi hai la sile na silesilea rÌuhurÌuhu mata lakolakoa hinira, ale Iesu mo verea isara mara, 6 “La hinau sei ka lo hitera, pongi matea mo lo mai vara i pa sopo mele te vatu hatea, i lo sakele aulu na vatu tinapua sei matan la pa atu jovjovira." 7 Ale la usia isana lara, “Tija, pangisa natu la hinau sei la pa masese, ale sava matamata natu i pa vujangia vara mariviti natu vara la hinau atu la pa masese?" 8 Ale mo verea mara, “Ha sopo tinarÌihia vara tea i tikauleji kamim! Matan tamlohi matuvana la pa mai na hijaku lara, ‘Enau natu, KrÌisto!’ ale ‘Nake natu nona rani pala mo lo mai mariviti!’ Pani ha sopo usurira! 9 Ale vara ka rongo vara jara tavera la lo vai na vuro, ale vara la lo vuro na lolo jarara hasera, ha sopo matahu matan la hinau atu, la pa masese tiroma, ale pongi hitahu, i pa sopo mai vahatea." 10 Iesu mo mele verea isara mara, “Mara jara tavera tinatinapu la pa meresahi hinira, ale supe matea i pa meresahi na supe tinapua. 11 Mihi tavera la pa hisu na jara tinatinapua, ale marua peresi na rojoa tavera la pa vili na jara tinatinapua. Ale ha pa hite na hinau matahu tavera peresi na matamata tavera aulu na masapa. 12 Pani tiroma, hin la hinau nike, tamlohi la pa taurilati kamim, ale la pa tipahi kamim, la pa sile kamim isan la haratu la lo kilau na ima lotu peresi na ima rÌilangi, ale la pa lavi kamim la turuhi kamim na naho supe peresi na patu tamlohi, matan ka lo lavi na hijaku. 13 Enia masapa matea vara ha pa erÌi vereuliau na naho tamlohi. 14 Ha lo levosahia nake vara, ha sopo matahu vara ha pa rÌaramira sohena sava, 15 matan enau a pa sile kamim na reti tataholo, vara ha pa verera isana nomim meresahi, ale la pa sopo erÌi rÌaramira teni la erÌi verea vara ka lo halu. 16 Tamamim peresi na tinamim, voraimim, tahisamim peresi na tapalamim, enira sohena, la pa tau te vonamim vara la pa vilimateira. 17 Tamlohi tari la pa rÌohu hin kamim mata hijaku. 18 Pani te vulumim hatea na patumim i pa sopo erÌi tihai purongo. 19 Mauri tui i pa nomim mata nomim turu rÌilangi. 20 Pani vara ka hite na tamlohi vuro la rÌalihi Jerusalem, ka levosahia vara nona pongi maroi mo pala natu. 21 Ale la haratu la lo toho Judea, la pa rovo la sahe na vutivuti, ale la haratu la lo toho na lolon taon tavera atu la malue, ale ha pa horo la haratu la lo toho rÌalihi taon tavera atu vara la sopo unu hinia, 22 matan harihi, enira rani mata talai tavera matan vara sava la ulira moiso la pa masese. 23 I pa mele sati jea isana harÌai sei la epe puhoni, teni la haratu la pa lo susui na natura. Matan rani sasati tavera na varama peresi na lolokoru tavera non God mata hehe, i pa jovi isan la tamlohi nike. 24 La pa vilimateira na sita vuro, ale la pa tiroma hinira sohena slev la vano na jara tinatinapua na varama. Ale la haratu la tamlohi rÌorÌoha, la pa varasi Jerusalem i tikeli isoiso rani atu sei God mo taua na limara moiso. 25 Ale matamata la pa pala na alo, na vitu peresi na vitusarasara. Ale na varama, tamlohi na jara tinatinapua la pa rÌomkaka tavera mata roroa tasi peresi na loloputuna. 26 Tamlohi la pa matemate mata nora matahu peresi na sava la levosahia vara la pa masese usuri na hinau la pa mai na varama, matan suiha la lo tauri na tuka peresi na masapa la pa malue na jarara. 27 Moiso natu tamlohi tari la pa hite Natun Tamlohi i pala na telangi na suihana peresi na merana tavera. 28 Ale vara la hinau atu la lo lavi na jara, ha turu tataholo ha tarÌa sahe aulu matan nomim jujuri mo lo mai mariviti." 29 Moiso, Iesu mo verera na titileu matea mara, “Ha kilau usuri na pulo fig peresi na pulo pahai tari tinatinapua, 30 vara la tapulo sohai na perera ka hitevosahia vara taro alo mo lo mai mariviti moiso. 31 Ale mo sohena purongo, vara ka hite la hinau sei la lo mai, ka levosahia vara mauri atu God mo aulu hinia, mo lo mai mariviti. 32 VararÌuhu na verea isamim vara pina nike i pa sopo lo tihai vevuhi vavano hinau tari la masese. 33 Tuka peresi varama la pa tihai, pani noku retireti la pa sopo erÌi tihai. 34 Pani ha lo kilau! Mo sopo rÌuhu vara a tapai kamim ka lo toho purongo, teni ka lo drong, teni nomim rÌomkaka la lo taurilati kamim. Ha sopo tinarÌihia vara pongi atu i pala isamim i sarÌumahi kamim. 35 Matan i pa sarÌumahi na tamlohi tari la lo toho na varama. 36 Pani tarea ha lo kilau, ha lo usiusi vara ha pa erÌi jelu hin la hinau tari sei la pa masese, ale ha pa erÌi turu na nahon Natun Tamlohi." 37 Rani tarea, Iesu mo lo vano mo lo vujangi na lolo Temple; moiso na ravravi mo lo hilu mo lo sahe na Vuti talu Olive, ale mo lo toho ea na vutepongi. 38 Ale na rÌalavuho jea, tamlohi tari la lo mai isana na Temple vara la tapurongo isana.