Hebrews 8

1 Ale rÌomrÌomi tavera kama lo verea enia nahai: NorÌa PrÌis Aulu mo sakele na jara aulu mata oloolo mo jeu na tinapua na tuka na tavalu liman God. 2 Hin jara atu norÌa PrÌis Aulu Iesu mo lo vavahinau na lolo jara tapu sei Tabernacle vararÌuhu na tuka God sei mo voroa, mo sopo tamlohi. 3 Ale matan prÌis aulu tari la lo sile na silesilea peresi na malamalai isan God, matan haratu mo tataholo vara norÌa PrÌis Aulu sohera i pa sile te hinau sohera. 4 Vara enia i pa lo toho hin varama nike, i pa sopo prÌis matea, matan prÌis la pete toho moiso mata sile na silesilea sei leu non Moses mo verea. 5 La lo volitusi na tent sei la tovia Tabernacle nike na varama, ale enia tovongin haratu na tuka purongo, hina vararÌuhu mo lo toho na tuka. Matan hin rani atu Moses mo tatamahu vara i voro Tabernacle atu, God mo sile retirÌoarÌoahai nike isan Moses mara, ‘O lo kilau mamahunia vara ko lo voroa, o voroa usuri tovongi atu na vujangia isam nike na vutivuti’. Exo 25.40; 26.30 6 Pani norÌa PrÌis Aulu mo lavi na vavahinau matea mo aulu mo jeu la haratu la lo volitusi usuri na leu tuai. Ale matan enia natu mo lo toho hinia, retitauhi sei God mo silea mo mele rÌuhu jea matan mo turu na retitauhi rÌuhu mo jeu la haratu mo lo silera tiroma. 7 RÌa levosahia vara retitauhi atu tiroma usuri na leu mo sopo rÌuhu, matan God mo mele vai na harua retitauhi tinapua matea vara i lavi na jarana. 8 God hasena mo hitea vara tiroma retitauhi atu mo sopo rÌuhu hin haratu mo verea akerihi mara: ‘Rani matea i pa mai, Moli God mo lo verea vara: A pa vai na retitauhi paro matea peresi na tavtavuin Israel peresi la haratu Judah. 9 Retitauhi paro nike i pa sopo sohen haratu na vaia tiroma peresi na nomim pua hin rani atu na lo tauri na limara ale na tiroma hinira la malue Egypt. La sopo usuri tataholoi na noku retitauhi ale na vaharÌi hinira, Moli God mo verea. 10 Pani matan harihi natu, a pa vai na retitauhi paro sei peresi na tavtavuin Israel hin rani atu mo lo mai, enau Moli God na verea nara: A pa tau na noku leu na rÌomira, matan vara la erÌi rongovosahira, ale a pa ulira na mapura, matan vara la erÌi oloolo hinira. Enau a pa nora God, ale la pa noku tamlohi. 11 Ale la pa sopo mele vujangi na tavtavuira tinapua teni na voraira hatehateahi lara, “Ha levosahi Moli God!” Matan tamlohi tari, mo tapulo na tamlohi purongo mo tikeli na tamlohi aulu, enira mo isoiso la pa levosahiau. 12 Ale a pa rÌomi na nora hehe, ale a pa sopo mele rÌomrÌomi na nora hehe.’ Jer 31.31â34 13 Ale hin rani atu God mo retireti hin retitauhi paro nike, mo rÌaramia vara retitauhi tuai atu mo vaia tiroma mo pete isoiso moiso. Enia mo pete vajiaha moiso ale mariviti i tihai.