Hebrews 11

1 Rasua enia sava? Enia levosahi mamahuni sei vara sava rÌa lo rÌomtoho matana i pa masese. Enia norÌa levosahi mamahuni na hinau sei rÌa sopo lo erÌi hitera nake. 2 Na rasua, rÌa levosahia vara varama nike mo pa pala usuri na reti non God, ale na rasua rÌa levosahia vara hinau tari rÌa lo hitera la tai na hinau rÌa sopo erÌi hitera. God mo avulahi na tamlohi matan tuai mata nora rasua. 4 Enia mata rasua sei, Abel mo sile na malamalai mo jeu Cain, ale God avulahi hinia ale hinau nike mo vujangia vara Abel mo tataholo na nahon God. Ale hina purongo vara Abel mo mate tuai rÌuhu moiso, tovongi mata nona rasua mo pa lo retireti isarÌa nake. 5 Enia mata rasua sei, Enoch mo sahe na tuka mo sopo mate â ‘vahatea purongo mo tihai matan God mo lavi narÌihia, matan God mo avulahi hinia mata nona rasua’. Gen 5.24 6 Ale ka hitea, o sopo erÌi vai God i avulahi vara mo sopo te nom rasua. Tea vara mo opoia vara i mai isana, i pa rasua vara God mo lo toho ale enia i pa voli la haratu sei la lo alea vararÌuhu. 7 Enia mata rasu sei, Noah mo voro na aka matea vara i pa juri na vao imana hin wai tatave tavera atu. Matan mo lo lotu God na matahu, mo lo oloolo na nona retirÌoarÌoahai mata hinau matea mo sopo lo masese hin te pongi. Sava mo vaia usuri na nona rasua mo sile na talai isana tamlohi tari na varama hin rani atu, ale matan nona rasua sei mo mai mo tataholo na nahon God. 8 Enia mata rasua sei Abraham mo oloolo hin God hin rani atu mo tovia vara i malue na jarana vara i vano na jara tinapua matea, jara atu God i pa silea sohena koruna isana. Abraham mo vano pani mo sopo levosahia vara i pa vano tataholo epu. 9 Ale mara mo kakau hin jara atu God mo retitauhi hinia isana, mo lo toho atu na rasua matan enia mo sohena vinano matea, ale mo lo juruvi na tent matea. Ale Isaac enia Jacob la juruvi na tent sohena. Retitauhi atu God mo silea isan Abraham enia nora sohena. 10 Abraham mo pa vaia sohena matan mo lo kilau toho matan taon tavera atu sei mo puloha, ale God sei mo voroa usuri na rÌomina. 11 Enia mata rasua sei Sarah enia Abraham la erÌi tape na natirihi matea, hina purongo vara la vajiaha sasati moiso ale Sarah enia mo aroaro. Abraham mo rasua vara God i pa vai na nona retitauhi isan Sarah. 12 Ale vao tavera sei la malue hin tamlohi nike matelete purongo sei mo vajiaha sasati moiso vara i erÌi vasusu, mahapina la vao vao sohena vitusarasara na masapa, ale mo sohena piri oneone na pahisa tasi sei tea i sopo erÌi evira. 13 La tamlohi tari nike la mate, pani la sopo lo lavi na sava God mo retitauhi hinia isara, pani na nora rasua la kilau vano la hitea mo lo toho asau, ale la avulahi na retitauhi non God. La majinga vara enira la vinano purongo ale mata hahau rÌalihi purongo na varama. 14 Matan tamlohi sei la lo retireti sohen haratu na varama, la lo vujangia mo memera vara enira la lo kilau toho mata jarara tataholo. 15 Vara la lo rÌomrÌomi na jara sei la malue hinia, korong la mele mule moiso. 16 Pani enira la lo ale na jara rÌuhu matea aulu na tuka. Matan haratu, God mo avulahi vara la tovia nora God matan enia mo tatamahu na taon tavera matea na tuka matara. 17 Enia mata rasua sei Abraham mo sile Isaac sohena malamalai matea hin rani atu God mo vaihitea aulu hin vutivuti atu. Pa Abraham atu sei mo lo lavi na retitauhi non God mo tatamahu vara i vilimatei natuna vorahese Isaac sohena malamalai. 18 God mo retitauhi isan Abraham mara, ‘Hin natum Isaac natu mahapim la pa lo tauri na hijam’. Gen 21.12 19 Abraham mo rÌomrÌomia mara vara Isaac i mate, God i erÌi mele vaia i mauri. Ale na malele matea, vararÌuhu Abraham mo pa mele lavi natuna na mateia. 20 Enia mata rasua sei Isaac mo lerÌuhu hin la natuna atu mo rua, Jacob enia Esau. Enia mo levosahi mamahuni na sava God i pa vaia na pongi mo lo mai. 21 Enia mata rasua sei Jacob hin rani atu mo vajiaha ale mariviti vara i mate, mo lerÌuhu na natun Joseph hatehateahi, ale Jacob mo popovitoho mata lotu God, ale mo lo tauri na tihonina. 22 Ale enia mata rasua sei Joseph hin rani atu mariviti vara i mate, mo retireti sohen mo levosahi mamahunia vara God i pa lavi narÌihi na tamlohin Israel la malue Egypt vara la sahe Canaan. Mo levosahi mamahunia hin rani atu sei mo retileu isara mara vara la malue la pa lavi na suina peresira. 23 Enia mata rasua sei taman Moses enia tinana la jarohia mata vitu mo tolu. La hitevosahia vara God mo silera na natirihi matea mo tinapua, ale la sopo matahuni na sava supe nona mara Egypt i erÌi vaia isara. 24 Enia mata rasu sei Moses hin rani atu mo ulua, mo rÌohu vara la kilaua sohena natun venatun supe nona mara Egypt matea. 25 Moses mo tau na rÌomina vara i pa usuri na malele mata rani rÌilangi peresi na tamlohi non God. Mo sopo opoia vara i avulahi na hehe sei avulahina mo lo toho mata makomo rani purongo. 26 Enia mo levosahia vara i pa mele rÌuhu jea vara i lavi na rani rÌilangi matan KrÌisto, mo jeu haratu vara i lavi vevuhi na tavtav matan Egypt, matan mo lo kilau toho mata nona otori tavera atu sei God i pa silea isana. 27 Enia mata rasua sei Moses mo malue na lepan Egypt hina purongo vara supe nona mara Egypt mo lolokoru hinia. Enia mo turu mo lo vano matan mo lo kilau matan haratu sei tea i sopo erÌi hitea. 28 Hitahu enia mata rasua sei Moses mo retileu isana tamlohin Israel vara la taurilati na Passover, ale vara la turusi na rÌae na peri matarua matan vara angelo mata mateia i pa sopo vilimatei na natura vora tiroma. 29 Enia mata rasua sei tamlohin Israel la hahau roto tasi sei la tovia Tasi Hahara sohena vara la lo hahau na lepa mamasa purongo. Pani hin rani atu mara Egypt lara la usurira, enira mo isoiso la pute la mate. 30 Enia mata rasua sei, tamlohin Israel la hahau rÌalihi na taon tavera matan Jericho mata rani mo limaravrua, ale rorona la maroe la jovi. 31 Enia mata rasua sei, Rahab harÌai malele atu mo sopo mate peresi na tamlohi tari hin nona taon tavera atu Jericho sei la rÌohu vara la oloolo hin God. Mo sopo mate matan enia mo avulahi vara i jarohi la tamlohin Israel atu sei la luhu na imana. 32 Vara mo sohen haratu a pa mele vere na sava? I pa mele lavi na rani peravu jea vara a vere vevuhi na sorasora mata rasua non Gideon, Barak, Samson, Jephthah, David, Samuel peresi na prÌovet tari. 33 Enia mata rasua sei la tamlohi nike la pulahi na jara nona supe tinatinapua, la aulu na jarara usuri na posposi tataholo, ale la lavi na sava God mo retitauhi hinia isara. La pelati na jingo lion, 34 la vuni na pepe hapu, la rovo na mateia na voro sita vuro. Epera malokoloko, mo posi mai epe rÌilangi. La mai la rÌilangi jea na vuro ale la levuti na vao tamlohi vuro tinatinapua la maro. 35 HarÌai la mele lavi la haratu sei la opoira na mateia. Pani hai la rasu God, tamlohi la vailejlejira, la rÌomrÌomia vara mate i pa mele rÌuhu, i jeua vara la vaharÌi hin God vara la materi na ima rÌilangi. La tau na nora rÌomtoho na sauteterahi mata mauri rÌuhu jea tinapua matea. 36 Tamlohi la kerehi hai, ale la rupi kotkotira na asi maja. Ale hai la lihora na jen na jara rÌorÌoha na lolo ima rÌilangi. 37 Hai la mate matan la parura, ale hai la soara sopera mo rua; hai la vilira na sita vuro, ale hai la pa lo hahau la ru na huri sipsip peresi na nani purongo, la marohati, la lavi na rani rÌilangi jea ale tamlohi la vailejlejira. 38 Enira la rÌuhu hajavua mata toho hin varama nike. La hahau roto na tano koru peresi na vutivuti, la luhu na papa vatu ale na koko lepa. 39 La tamlohi tari nike sei kama verera moiso, God mo avulahi hinira enira mo isoiso mata nora rasua, pani te vonara hatea mo sopo lo lavi na hinau tari sei God mo lo retitauhi hinira. 40 Matan God mo tatamahuni na hinau rÌuhurÌuhu hai matarÌa matan vara God i erÌi vaira la tataholo rÌuhu peresirÌa nake vahatea.