Galatians 4

1 RÌarami noku reti enia vara natun tamlohi matea enia i pa lavi na korun tamana, enia mo sopo tinapua na slev matea, hina purongo vara hinau tari enia nona. 2 Pani natirihi atu, i pa lo toho na ruhuruhu lima tamlohi matea mata i pa kilaua peresi na volitusi non tamana i tikeli rani atu tamana mo taua moiso. 3 Mo sohen haratu isarÌa, na rani rÌa pa lo natuvarihi, norÌa rÌomrÌomi mo lo toho na ruhuruhu liman vui varama nike. 4 Pani rani tataholo mo pala, God mo rÌule Natuna, mo vora isana harÌai matea, mo vora na ruhuruhu leu, 5 vara i volituhu la haratu la lo toho na ruhuruhu leu, matan vara God i pa korohirÌa rÌa mai natuna tataholo. 6 Ale matan ka natun God, enia mo rÌule na Tanumen Natuna mo mai na lolo mapurÌa, mo vairÌa rÌa erÌi tovi God sohena, “Tata, Tamaku”. 7 Matan haratu, ko sopo mele slev, pani ko natun God, ale vara natun God, o pa lavi na vua retitauhi non God. 8 Tuai ka sopo lo levosahi God, ka lo toho na ruhuruhu lima vui varama sei tamlohi hai la verea vara enira god, pani enira la sopo god. 9 Pani nake, matan ka levosahi God, pani vara a reti tataholo, God mo levosahi kamim tiroma, ale mata sava ka opoia vara ha mele slev nona vui varama sei, la sopo erÌi vai te hinau, ale la sopo rÌuhu hin te hinau hatelete? 10 Ka lo oloolo hin te rani tapu, teni te vitu tapu, teni te taro, teni te tauni mata sava? 11 Enau na lo rÌomrÌomia vara korong vara i vono, na lo kalvono purongo matamim. 12 La vorai peresi na vevorai, na usia isamim vara ha materi soheku, matan na sohemim kamim mo sopo Jew, ka materi na leu. Hin rani atu na lo toho peresi kamim, ka sopo vai te hinau i sati isaku. 13 Ka levosahia vara hin rani atu, na pa tapulo retivujavujangi na retirÌuhu isamim, na rojo makomona. 14 Hina purongo vara epeku mo sati sohena vaihite matea isamim, pani kamim ka sopo hitelehilehiau teni tipahiau. Ka kilauau sohena enau angelo non God matea teni sohen KrÌisto Iesu. 15 Pani nake nomim avulahi mo haipu? Na levosahi mamahunia vara hin rani atu, vara ha erÌi vaia, korong ka julai narÌihi na matamim moiso vara ha silera isaku vara i tueniau na noku rojoa. 16 Korong na mai sohena nomim meresahi matan na lo vere na retivararÌuhu isamim? 17 La tamlohi vujangi haluhalu atu sei la lo vaihitea vara ha usurira, mo sopo matan vara la pa tueni kamim. La vaihitea vara ha rÌohu hiniau matan vara ha tapurongo isara purongo. 18 Tarea mo rÌuhu vara ha turu rÌilangi mata vai na vavahinau rÌuhu, mo mele rÌuhu jea na rani na sopo toho peresi kamim. 19 La natuku rÌuhurÌuhu, enau na sohena harÌai matea mo rongohaji vara i mele lavilavi, ale i pa lo sohena isaku i tikeli rani atu, maurin KrÌisto i jea isamim. 20 Vara a pa lo toho peresi kamim nakerihi, a pa retireti malum peresi kamim, matan na sopo levosahia vara a pa mele vai na sava isamim. 21 Ha to verea isaku kamim sei ka opoia vara ha lo toho na ruhuruhu leu, ka levosahi na sava leu mo lo verea? 22 Matan la ulia na Retiulia, vara Abraham natuna lamane mo rua, matea isana harÌai slev matea, moiso matea isana harÌai materi matea, narouna. 23 Pani natun harÌai slev atu, mo vora na masalo tamlohi purongo, ale natun narouna, mo vora usuri na retitauhi non God. 24 Ale la harÌai atu mo rua la tovongi la retitauhi atu mo rua sei God mo vaira. HarÌai sei Hagar, mo sohena retitauhi sei God mo vaia na vutivutin Sinai, hin jara atu natu, tamlohi la tapulo mai slev mata leu ea. 25 Ale Hagar enia vutivutin Sinai atu Arabia; enia mo sohen Jerusalem sei matan nona tamlohi la lo toho na ruhuruhu leu, la sohena slev mo kakau nake. 26 Pani Sarah, harÌai materi atu mo sohen Jerusalem aulu na tuka, enia tinarÌa. 27 Ale Isaiah mo ulia na Retiulia mo verea mara, ‘HarÌai aroaro, o avulahi, o avulahi tavera, o ulo aulu, hina purongo ko sopo vasusui te natum, matan nake, haratu mo aroaro mo vasusui mo jeua na harÌai lahi tinapua.’ Isa 54.1 28 Ale nake la vorai peresi na vevorai, kamim ka sohen Isaac, ka natuvarihi mata retitauhi. 29 Pani nake, mo pa lo sohen rani atu, haratu sei mo vora usuri na masalo tamlohi, mo lo tipahi haratu sei mo vora usuri na Tanumen God. 30 Pani Retitapu mo vere na sava? Mo verea mara, ‘O tipahi narÌihi na harÌai slev enia natuna, matan natuna i sopo lavi na korum, matan korum enia non natun harÌai materi purongo.’ Gen 21.10 31 Ale la vorai, mo sohena natu, enrÌa rÌa sopo natun harÌai slev atu, pani enrÌa natun harÌai materi atu.