Ephesians 3

1 Matan rÌomrÌuhu non God sei natu, enau Paul na lo toho na ima rÌilangi matan noku vavahinau non KrÌisto Iesu matamim la tamlohi rÌorÌoha. 2 Na levosahia vara ka levosahi moiso sohena sava God mo sileau hin vavahinau rÌuhu nike mata vereuli na sava hinau rÌuhu mo vaia mata juri kamim. 3 Sohena na ulia makomona tiroma moiso hin leta nike vara God hasena mo vuhesi na nona rÌomrÌomi luhu isaku moiso. 4 Vara ha lo evia, ha pa erÌi hitevosahi na sava na levosahia moiso hin hina luhu atu hin KrÌisto. 5 Hina luhu nike, God mo sopo vuhesi isan te pina tamlohi na varama tuai sohena Tanumena mo vuhesia nake isana nona vaharÌule tapu peresi na prÌovet. 6 Hina luhu atu enia harihi: enia vara tamlohi rÌorÌoha tolu na Jew tari enira la pa lavi na hina rÌuhurÌuhu sei God i pa silea isana natuna. Enira tupra rua la pa juri matan la rasu na RetirÌuhu, ale la sopesope tavalu epe matea purongo, ale enira tupra rua la pa lavi na vua retitauhi hin KrÌisto Iesu. 7 Enau na mai volitusi matea non RetirÌuhu nike usuri na otori rÌuhurÌuhu mata rÌomrÌuhu non God sei mo silea isaku usuri na nona vavahinau na suihana. 8 Hina purongo vara enau na atano jea na tapuhi non God, enia mo rÌomrÌuhu isaku vara a pa retivujavujangi na rÌuhurÌuhun KrÌisto isana tamlohi rÌorÌoha na sava tea i sopo erÌi levosahi te hinau matana, 9 ale vara a vai na tamlohi tari la memera na rÌomrÌomi luhu non God sei mo vai na hinau tari sei mo jarohia tuai moiso. 10 RÌomrÌomi tavera non God enia mata vujangi na nona lelevosahi na malele tinatinapua tari na lima nona tamlohi isana vui varama sei la lo aulu peresi la haratu la lo tauri na suiha na masapa peresi na tuka. 11 Haratu natu mo usuri na nona rÌomrÌomi sei mo taua matan tuai tiroma moiso vara KrÌisto Iesu norÌa Moli i pa vai marÌivisia. 12 Matan hin KrÌisto rÌa erÌi turu rÌilangi, ale enia mo vairÌa rÌa erÌi rÌomrÌilangi na norÌa rasua rÌa sopo matahu vara rÌa mai na nahon God. 13 Matan haratu, na lo usi kamim vara mapumim la sopo jovi mata noku rani rÌilangi matamim, ha lavia sohena hina rÌuhu matea isamim. 14 Matan hinau nike, na lo papaohi atano na nahon God Tama, 15 enia haratu sei mo tau na hija vao tari na tuka peresi na varama. 16 Na lo usiusi vara God na nona lerÌuhu rÌuhurÌuhu matuvana, i tinarÌihia vara i vai na lolomim la suiha hin suiha atu Tanume Tapu mo lo silea. 17 Na lo usiusi vara KrÌisto i pa toho na lolo mapumim na nomim rasua, na lo usiusi vara na nomim wariha i rÌilangi na opoia rÌuhurÌuhu non God, 18 na lo usiusi vara ha pa erÌi hitevosahia peresi na tapuhi tari vara nona opoia mo tavera sohena sava, mo peravu sohena sava, mo aulu sohena sava, ale mo puaha sohena sava, 19 ale matana, na lo usiusi vara rÌa erÌi levosahi na opoia non KrÌisto sei mo jeu na lelevosahi, matan vara ha pa marÌivi savulevule na mauri peresi na suiha tari sei la lo tai isan God. 20 Na lo usiusi isan God sei suihana tavera jea mo lo voko hinirÌa sei i erÌi vai na hinau la jeu na sava rÌa lo usia teni rÌa lo rÌomrÌomia, 21 vara i lavi hasohaso tavera na vao kalesia tari, ale hin KrÌisto Iesu na rani tari, tui tui, amen.