Acts 15

1 Pani tamlohi hai la tai Judea la sinai la tapulo vujangi na kalesia vara, “Vara ha sopo tairÌalihi sohen leu non Moses mo verea, ha pa sopo erÌi juri!" 2 Paul enia Barnabas lara la rongoa la sopo avulahi, la vauriuri tavera peresira matana. Ale vao kalesia atu la virÌoni Paul enia Barnabas peresi na nora tamlohi hai, vara la sivo Judea matan la sahe Jerusalem vara la sorahia peresi na vaharÌule tolu na tamlohi tatavera nona vao kalesia Jerusalem. 3 Vao kalesia Antioch la rÌulera la sivo, ale lara la lo sivo la rohi Phoenicia peresi Samaria, ale la sorahia sohena sava la haratu la tamlohi rÌorÌoha la posi, ale vorai kalesia hin la jara atu la avulahi tavera matana. 4 Ale hin rani atu la kakau Jerusalem, kalesia tari, vaharÌule peresi na vajiahara, la lavi Paul enia Barnabas na avulahi. Ale la vere vevuhi na sava God mo vaia na nora vavahinau. 5 Pani tamlohi rasua hai sei la tai na vao Pharisee, la turu lara, “Ha vujangi la haratu la tamlohi rÌorÌoha vara la pa tairÌalihi, ale la pa usuri na leu non Moses." 6 VaharÌule peresi na vajiahara la pulutahi vara la sorahi hinau sei. 7 Retireti matuvana la vano moiso, Peter mo turu ale mara, “La vorai, ka levosahia vara tiroma God mo virÌoniau vara a vano a retivujavujangi isan la haratu la tamlohi rÌorÌoha, matan vara la erÌi rongo na retisohai mata RetirÌuhu, ale la rasua. 8 God sei mo levosahi na mapu tamlohi, mo vujangia vara enia mo avulahi hinira, matan enia mo sile na Tanume Tapu isara sohen mo lo silea isarÌa nike. 9 Na nahon God, enrÌa rÌa sopo tinapua hinira, matan mo vai na mapura la vokevoke na rasua sohena. 10 Ale vara mo sohena, mata sava ka lo vaihite God, matan ka opoia vara ha tau na tetehi puhoni isana tamlohi usuri sei la tamlohi rÌorÌoha? Hinau sei, enrÌa teni norÌa pua la sopo erÌi solotia! 11 Pani rÌa rasua vara God i pa jurirÌa na rÌomrÌuhu non Moli Iesu sohera." 12 Ale rÌomrÌomi atu mo moti, ale tamlohi tari la tapurongo isan Barnabas enia Paul, la sorahi na matamata tavera peresi na hinau marÌurahi sei God mo lo vaira na naho tamlohi la tamlohi rÌorÌoha. 13 La retireti mo isoiso, James mo turu mo verea mara, “La vorai, ha tapurongo isaku. 14 Ka rongoa Simon Peter mo verea moiso sohena sava God mo rÌulea isana tamlohi rÌorÌoha vara i lavi narÌihi na nona tamlohi isara. 15 Ale reti nona prÌovet la majinga hin hinau sei sohen la ulia na Retiulia lara, 16 ‘Hitahun hinau sei a pa mele pala, ale a pa mele voro na jaran supe David sei mo jovi. A pa mele voroa hin la sopesopena sei la lo toho, ale a pa mele turuhia, 17 matan vara tamlohi tinatinapua na varama la pa hite Moli ea, la haratu sei la tamlohi rÌorÌoha sei, na tovira moiso vara la pa noku. Harihi enia sava Moli mo verea.’ Amos 9.11â12 18 Haratu sei mo lo vereuli la hinau nike tuai moiso. 19 Matan haratu, noku kilakilau rÌa sopo mele sile te rani rÌilangi tinapua isana tamlohi rÌorÌoha sei la lo posi la mai isan God, 20 pani mo rÌuhu vara rÌa uli te leta hatea mata i verea isara vara i horora vara la sopo hani na mit sei la silea isana tamasi moiso, ale vara la toho asau na mauri maji, ale vara la sopo hani te maji sei la punia, ale la sopo inu na rÌae. 21 Matan la leu nike non Moses la retivujavujangira na ima lotu nona Jew na taon tavera tari na Sabbath mata tauni mo visa moiso." 22 Ale vaharÌule peresi na vajiahara peresi na vao kalesia Jerusalem, la virÌoni na tamlohi hai, ale la rÌulera la sahe Antioch matan Syria peresi Paul enia Barnabas, vara la vereuli na rÌaramin rÌomrÌomi atu la lo hahau matana. La tamlohi atu la virÌoni na patu tamlohi nona vao kalesia mo rua, Judas sei tapala hijana Barsabbas peresi Silas. 23 Harihi enia leta atu la lo lavia peresira: “Retioloolo isamim la vorai kalesia Antioch, Syria peresi Cilicia sei ka tamlohi rÌorÌoha, mo tai isana vorai kalesia nike Jerusalem, peresi na vaharÌule peresi na vajiaha sei la aulu na vao kalesia nike. 24 Kama levosahia vara tamlohi hai la tai nike la vano isamim ale la vai na rÌomimim la kaka na nora vujangi, pani kama sopo rÌulera hin te hinau sohena. 25 Ale matana, kama hitea vara mo tataholo vara kama rÌule la vaharÌule sei Judas enia Silas peresi la vorai rÌuhurÌuhu sei Paul enia Barnabas isamim usuri na rÌomrÌomi kamam tari nike kama hatihia. 26 Paul enia Barnabas sei mariviti la mate matan Moli Iesu KrÌisto. 27 Ale matana, kama lo rÌule Judas enia Silas vara la pa vereuli na sava kama ulia hin leta nike na nahomim. 28 Matan kama majinga peresi na Tanume Tapu vara i pa mele rÌuhu vara kama sopo mele tau te retileu rÌilangi isamim, pani la retileu nike mo visalete purongo: 29 Vara ha sopo hanhani na mit sei la silea isana tamasi moiso, ale vara ha sopo hani te maji sei la punia, ale ha sopo inu na rÌae, ale vara ha toho asau na mauri maji. Vara ha sopo vai la hinau atu, i pa rÌuhu jea isamim. Enia natu, enrÌa vuho." 30 Ale la vaharÌule tupu vati atu la malue, vahatea la sahe Antioch. La tovi matavuhi na kalesia tari la mai jara matea atu, ale la evi leta atu isara. 31 Ale avulahi tavera mo jovi isana kalesia tari hin rani atu, lara la rongo retisohai rÌuhu atu. 32 Ale Judas enia Silas enira tupra rua la prÌovet, ale la retireti mo peravu isana kalesia vara la tueni na nora rasua vara i ulua i mele rÌilangi. 33 La lo toho atu mata makomo rani moiso, la rÌulera la mele sivo Jerusalem peresi na lerÌuhu nona kalesia isan la haratu sei la lo rÌulera. 34 Pani Paul enia Barnabas la lo toho Antioch, la lo vujangi, ale la retivujavujangi na reti non Moli peresi na tamlohi tinapua hai. 36 Rani hai la vano moiso, ale Paul mo verea isan Barnabas mara, “RÌa mele sahe rÌa rohi na vorai hin la taon tavera tari sei rÌa lo retivujavujangi na reti non Moli ea, ale rÌa hitea vara la lo sohena sava." 37 Barnabas mo avulahi ale mo opoia vara i lavi John Mark. 38 Pani Paul mo rÌohu rÌilangi, matan John Mark mo rovo hinira tiroma Pamphylia ale mo sopo tuenira na nora vavahinau. 39 La sopo erÌi mai na rÌomrÌomi matelete mo vaia Barnabas mo lavi John Mark peresia ale la vele na boti la sahe Cyprus, 40 pani Paul mo virÌoni Silas ale la malue peresi na lerÌuhu nona vorai kalesia lamane peresi na harÌai. 41 Mo sahe roto Syria peresi Cilicia mo tueni na vao kalesia tari ea vara la turu rÌilangi na nora rasua.