3 John 1

1 Leta nike, enau patu tamlohi rasua sei John na ulia isan tapalaku rÌuhurÌuhu sei Gaius, na opoiho na retivararÌuhu. 2 Tapalaku rÌuhurÌuhu, na usiusi vara hinau tari la pa rÌuhu isam, na lo rÌomtoho vara epem i pa suiha sohen ko suiha na nom mauri rasua. 3 Na rani vorai kalesia la rohi kamam nike, la verea vara engko, ko lo hahau usuri na retivararÌuhu, ale enau na avulahi tavera matana. 4 Mo sopo te hinau hatea i vaiau a avulahi tavera sohen harihi hin haratu na rongoa vara natuku la lo hahau usuri na retivararÌuhu. 5 Tapalaku rÌuhurÌuhu, ko vai na hina tataholo mata rasua matan ko lo tueni na vorai kalesia sei la lo mai isam, hina purongo vara enira la tamlohi tinapua, 6 enira la vere na nom opoia isan la vao kalesia nike. Ale mo rÌuhu vara o rÌulera na nora hahau na posposi mo tataholo na nahon God, 7 matan la lo hahau mata hijan Moli, la hatihia moiso vara la pa sopo lavi te tuetueni isan te tinapua vara mo sopo levosahi God. 8 Matana, mo rÌuhu vara rÌa tueni na tamlohi sohen harihi, matan vara rÌa erÌi voko peresira na retivararÌuhu. 9 Na uliuli mo vano isana vao kalesia atu moiso, pani Diotrephes mo opoia vara enia i pa tiroma hinira, mo rÌohu vara i tapurongo hin kamam. 10 Ale vara a mai, a pa reti isana matan mo lo verelejileji kamam, ale mo sopo haratu purongo mo vaia, pani mo lo turuhoro na vorairÌa la lo mai vara la rohi na vorai rasua ea. Ale mo tau narÌihi na tamlohi mata vao kalesia matan la opoia vara la sile na retioloolo isara. 11 Tapalaku, o sopo tisuri na posposi sasati, pani o tisuri na posposi rÌuhu matan haratu la lo vai na hina rÌuhu enira natun God, pani la haratu la lo lejileji tarea la pa sopo levosahi God. 12 Tamlohi tari la verea vara Demetrius enia tamlohi rÌuhu matea, ale nona vujangi mo vararÌuhu matan la vujangia vara enia tamlohi rÌuhu. Kamam sohena, kama lo verea vara enia tamlohi rÌuhu matea, ka levosahia vara kama lo verea vararÌuhu. 13 VararÌuhu na opoia vara a mele vere kamim na hinau matuvana, pani na sopo opoia vara a ulia hin leta nike purongo. 14 Pani na lo rÌomtoho vara a pa mai nohorihi purongo, ale rÌa pa sorasora matavuhi. 15 Na usiusi vara tamata non God i pa toho isam. Tapalam nike, la sohai na nora retioloolo isam, ale o pa sile na retioloolo isana tapalarÌa hatehateahi atu.