2 Thessalonians 1

1 Enau Paul na uli leta nike isamim vao kalesia Thessalonica hin God TamarÌa peresi Moli Iesu KrÌisto, Silas peresi Timothy la lo toho peresiau nike. 2 RÌomrÌuhu peresi na tamata mo tai isan God Tama peresi Moli Iesu KrÌisto i pa toho isamim. 3 La vorai peresi na vevorai, tarea mo tataholo vara kama vere meje isan God matamim, ale mo tataholo matan nomim rasua mo lo ulua mo tavera, ale nomim opoia isamim hatehateahi mo lo tavera jea. 4 Mo vai kamam kama lo retihapahapa matamim isana vao kalesia tinapua sei la rasu God mata nomim turu rÌilangi peresi na nomim rasua na rani tipahi tari peresi na rani rÌilangi ka lo lavira. 5 Harihi mo vujangi na aria tataholo non God, matan vara i vai kamim ha tataholo mata ha lavi mauri atu God mo aulu hinia, sei ka lo lavi na rani rÌilangi matana. 6 Matan mo tataholo vara God i sile na rani rÌilangi isan la haratu sei la lo sile na rani rÌilangi isamim, 7 ale God i pa sile na mapu isamim sei ka lo lavi na rani rÌilangi sohemam hin rani atu Moli Iesu i pala na tuka. Enia i pa mai peresi na nona angelo suiha jea, 8 na pepe hapu tavera jea vara i lavi na talai tavera i silea isan la haratu la sopo levosahi God peresi la haratu sei la lo rÌohu vara la oloolo na RetirÌuhu non norÌa Moli Iesu. 9 Nora talai i pa vaikomokomora i sopo te isoisona, la pa toho mata rani tui tui hasera asau na nahon God peresi na mera suihana tavera jea, Isa 2.10 10 hin rani atu vara Iesu i mele mai vara i lavi na hasohaso isana nona tapuhi sei la tau na nora rasua hinia, la pa marÌurahi tavera matana, matan ka lo rasu na nomam retisohai isamim. 11 Matan haratu kama lo usiusi tarea vara norÌa God i pa vai kamim ha tataholo mata lavi mauri atu mo tovi kamim matana, ale matan vara i tueni kamim na suihana mata vai vevuhi na nomim hinau rÌuhu tari peresi na vavahinau ka lo vaira mata rasua, 12 matan vara hijan norÌa Moli Iesu i pa lavi na hasohaso hin kamim, ale kamim hinia, i usuri na rÌomrÌuhu non norÌa God peresi Moli Iesu KrÌisto.