2 Peter 3

1 La tapalaku rÌuhurÌuhu, ka levosahia vara harihi enia harua leta na ulia isamim. Na lolon la leta nike, na lo retirÌoarÌoahai na nomim rÌomrÌomi rÌuhu, 2 matan vara ha mele rÌomrÌomi na reti nona prÌovet tapu tuai peresi na retileu non Moli norÌa Jujuri atu sei nomim vaharÌule la silea isamim. 3 Hinau tiroma vara ha pa levosahia, enia vara na pongi hitahu, tamlohi vaivai na tamlohi la pa vaivai na tamlohi, moiso la pa usuri na masalora sasati, 4 la pa verea vara, ‘Nene nona retitauhi sei mo verea vara i pa mele mai? Hin rani atu tamamam la mate, hinau tari la pa lo toho sohena pongi tiroma sei God mo vai na hinau tari mo tikeli nake.’ 5 Matan, enira la lo kilau purongoi na retivararÌuhu sei vara reti non God mo vai na masapa aulu mo lo toho tuai tuai jea, ale mo vai na varama narÌihi na wai, ale mo vai na varama hin wai atu, 6 ale hin malele atu natu wai tavei mo putehi na varama tuai, ale mo tihai. 7 Pani hin reti non God atu natu, nake God mo tatamahuni na masapa peresi na varama mata hapu, la pa toho i tikeli rani aria tavera atu peresi na komokomo nona tamlohi sasati. 8 La tapalaku rÌuhurÌuhu, ha sopo kilau purongoi hinau nike, vara isan Moli, rani matea mo sohena tauni mo tari vahatea (1000) ale tauni mo tari vahatea mo sohena rani matea. 9 Moli mo sopo vaimalum vara i marÌivisi na nona retitauhi sohena tamlohi hai la rÌomrÌomia vara enia mo vaimalum, pani mo lo rÌomperavu matamim, matan mo sopo opoia vara tea i tihai, pani vara tamlohi tari la posi na nora hehe. 10 Pani rani non Moli i pa mai sohena tamlohi vavanaho matea, tamlohi la pa hutura hinia, masapa i pa tihai na rÌorÌoa hapu tavera, ale majou peresi na vitusarasara tari la pa koru la tihai, ale varama peresi na vavahinau nona tamlohi hinia la pa toho na jara tavera. 11 Matan la hinau sei la pa tihai sohen harihi, kamim ha pa usuri na posposi mo tapu, ale la rÌuhu sohen God mo opoia na maurimim, 12 ha lo saovia, ale ha vaihitea vara rani non God atu i pala vila. Matan God i pa jilangi na masapa na hapu, ale i pa tihai, ale hinau tari na masapa la pa lolo hin tutuni hapu atu. 13 Pani enrÌa rÌa lo usuri na nona retitauhi matan tuka paro peresi na varama paro sei mauri tataholo i pa toho hinira. 14 Matana, la tapalaku rÌuhurÌuhu, matan ka lo saovi la hinau sei, ha vaihitea vara i pa sopo vilei te hina lumiha teni te hinau i erÌi tuvai kamim hinia, ale ha toho na tamata. 15 Ale ha hitevosahia vara rÌomperavu non norÌa Moli mo lo sile na masapa matan vara tamlohi la pa erÌi juri hinia. Mo sohen vorairÌa Paul mo uliuli matana moiso usuri lelevosahi atu God mo lo silea isana â 16 mo sohen mo lo vai na nona leta tari na rani mo lo retireti hin la hinau nike. Te hinau mo ulira la rÌilangi vara tea i erÌi levosahira, harihi, tamlohi sei la sopo lelevosahi peresi la haratu la lo rÌom rua, la lo pori na rÌaramira, ale la lo pori na rÌarami retireti na Retitapu sohena â pani la pa vano na nora komo matan posposi sei. 17 Ale matana, la tapalaku rÌuhurÌuhu, matan ka levosahi la hinau nike moiso, ha lo kilau! Ha pa sopo majinga vara te tamlohi vaivaileu i tikauleji kamim na nona haluhalu, vara i vono, ha pa jovi na nomim pulo turu rÌilangi na retivararÌuhu sei ka lo turu hinia moiso. 18 Pani kamim ha ulua na hina rÌuhu peresi na levosahi non norÌa Moli, norÌa Jujuri Iesu KrÌisto. Isana, rÌa pa sile na hasohaso tavera nake pongi tui tarea, amen.