2 Corinthians 6

1 Ale matan enrÌa rÌa tapala na vavahinau non Moli, kama lo usi kamim mo rÌilangi vara ha sopo rÌomrÌomi purongo na retisohai rÌuhurÌuhu mata rÌomrÌuhu non God. 2 Matan God mo verea mara, ‘Na ranina tataholo na rongoho, Na rani mata juri na tueniho.’ Isa 49.8 VararÌuhu, God mo lo tatamahu mata i tueni kamim nakerihi. Nakerihi enia rani mata juri. 3 Kama sopo sile na masapa vara tea i pa rÌohu hin Moli na sava kama lo vaia, matan vara tea i sopo erÌi hite te hina sati na nomam vavahinau. 4 Matan hinau tari kamam vaharÌule kama lo vaira, kama vaihitea vara tamlohi la hitea vara vararÌuhu kamam vaharÌule vararÌuhu non God. Kama lo rÌomperavu tarea na rongohaji peresi na rani rÌilangi peresi na rani sasati tinatinapua, 5 ale na rani tamlohi la tamaji kamam, teni vara la pulahi kamam na lolo ima rÌilangi, teni vara vao tamlohi la meresahi hin kamam, teni vara kama voko mate, ale kama kilau rani vaha visa, ale kama marohati. 6 Kama lo hahau na posposi vokevoke, kama lo vujangi na nomam lelevosahi hin KrÌisto, ale na nomam rÌomperavu, na nomam rÌomrÌuhu, na nomam opoia vararÌuhu, ale na suihan Tanume Tapu. 7 Kama lo turu rÌilangi na retivujavujangi mata retivararÌuhu. Suihan God mo lo voko hin kamam. Nomam posposi tataholo mo sohena sita vuro matea mata i taijovjovi na hehe na matua limamam, ale tingting matea mata i turuhoro na meresahi na marau limamam. 8 Kama lo volitusi isan God, hina purongo vara tamlohi la sile na oloolo isamam teni vara la rÌohu hin kamam, hina purongo vara la vererÌesrÌesi kamam teni la hasohaso kamam. Kama lo vararÌuhu, pani hai la verea lara kama tamlohi halu! 9 Tamlohi la levosahi mamahuni kamam, pani la vai kamam sohena la sopo levosahi kamam. Kama lo toho na matarua mateia, pani ka hitea kama pa lo mauri nahai! La hamaji komokomo kamam pani kama sopo mate, 10 ale rÌomimam la sati, pani kama avulahi, kama sohena tilavono, pani kama vai na mauri tamlohi matuvana la mele rÌuhu jea, ale sohena mo sopo te nomam hinahinau, pani hinau tari enira nomam. 11 La tapala rÌuhurÌuhu matan Corinth, kama lo retireti tataholo peresi kamim, kama avulahi tarea mata kama tueni kamim. 12 Mo sopo te hinau i turuhoro na nomam opoia isamim, pani matan kamim purongo ka horo na nomim opoia isamam. 13 Ale ka levosahia vara na lo retireti isamim na opoia sohena natuku tataholo, ale kamim sohena, ha avulahi vara rÌa mele tapala. 14 Ha sopo turu jara matea na vavahinau non la haratu la sopo usuri na mauri rasua, matan i pa sohena sava vara tea i vai na posposi tataholo i erÌi tapala peresi la haratu la lo tope na leu? Teni sohena sava natu malarani i erÌi tapala peresi na rÌorÌoha? 15 KrÌisto enia Tiapolo la erÌi turu jara matea hin te hinau teni mo vono? Ka levosahia vara la haratu la rasu God la lo lotua, pani la haratu la sopo rasua la lo lotulotu vono. 16 Ale sohena sava natu hinau mata lotulotu vono i erÌi turu jara matea na lolo Temple non God? Matan enrÌa rÌa temple non God sei mo lo mauri, mo sohen God mo retitauhi hinira moiso mara, ‘A pa toho hinira ale a pa lo hahau na livuhara. Enau a pa nora God, ale enira la pa noku tamlohi.’ Lev 26.12; Ezek 37.27 17 ‘Matana, ha malue hinira ale ha turu hasemim hinira, Moli mo verea. Ha sopo tikeli na nora hina lumiha, ale a pa avulahi hin kamim.’ Isa 52.11; Ezek 20.34 18 ‘A pa Tamamim, ale kamim ha pa natuku, peresi na venatuku, Moli God Suiha mo verea.’ 2 Sam 7.14