2 Corinthians 12

1 Na levosahia vara noku reti hapahapa nike mo rongorongo vono, pani a pa mele vere te makomona hin te hinau sei Moli mo vujangia isaku mo sohena mamavuho matea. 2 God mo sauau na sahe aulu na hatolu tuka na rani matea tauni mo sangavulu rÌomana mo vati la vano moiso, na sopo levosahia vara na lo toho na epeku teni mo vono, pani God mo levosahia. 3 Ale na levosahia vara enau vara na epeku teni mo vono na sopo levosahia pani God mo levosahia, 4 na sahe aulu na toho Paradise na tuka, ale na rongo te hinau la tapu jea vara tea i erÌi mele verera isan tea na varama. 5 Matan la hinau atu natu God mo vujangira isaku a erÌi retihapahapa. A pa sopo erÌi retihapahapa hin na sava na vaia, pani hin haratu purongo sei na sopo erÌi vaia haseku. 6 Matan, vara a opoia vara a retihapahapa, a pa sopo tamlohi rongorongo vono matea matan na lo retivararÌuhu. Pani a pa sopo vaia matan na sopo opoia vara tea i rÌomaulu hiniau i jeu na hinau mo erÌi hitea hiniau moiso teni na sava mo rongora isaku, 7 hina purongo vara God mo vujangiau na hinau rÌuhurÌuhu jea. Matan haratu, God mo tinarÌihia vara a lavi na rani rÌilangi na lima angelo matea non Setan, ale mo vailejleji na epeku matan vara a pa sopo retihapahapa hin la hinau sei God mo vujangiau hinira. 8 Na usi Moli vaha tolu vara i lanarÌihia isaku. 9 Pani mo verea isaku mara, “Noku rÌomrÌuhu enia mo tataholo matam. Mata suihaku mo lo voko na hinau ko sopo erÌi hasem vaia.” Ale matana, nake na avulahi purongo vara a reti hapahapa na hinau na sopo erÌi vaira haseku vara suihan KrÌisto i sopo lo toho hiniau. 10 Matan haratu, enau na avulahi vara na sopo erÌi vai te hinau haseku, ale matan haratu a erÌi lavi na retisasati nona tinapua peresi na rani rÌilangi, teni vara tamlohi la tipahiau, peresi na hina puhoni na lo lavia matan KrÌisto. Matan hin rani atu natu na sopo erÌi vai te hinau haseku, suihan KrÌisto mo lo tueniau. 11 Kamim ka vaiau na vaia sohena tamlohi rongorongo vono matea, matan na lo retihapahapa sohen harihi. I pa tataholo vara ha verea tataholo isara vara enau tamlohi matea tamlohi la erÌi rasua. Matan enau na sopo vejuveju hin te hinau hatelete sohen la ‘vaharÌule aulu jea’ sevano, hina purongo vara enau hina purongo matea. 12 VararÌuhu na vai na matamata tataholo nona vaharÌule vararÌuhu. Na noku rÌomperavu na vai na matamata tavera peresi na hinau marÌurahi peresi na vavahinau mata suiha na nahomim. 13 Ale, hinau matea purongo sei na sopo vaia na lo vaia isana vao kalesia tinapua, enia vara na sopo usi te tuetueni isamim. Ha rÌomiau matan na sopo usia! 14 Ka hitea, na tatamahu moiso vara a mele rohi kamim na hatolu noku hahau. Ale na sopo opoia vara a mai tetehi puhoni matea isamim. Na sopo opoia vara a lavi te nomim hinau, na opoi kamim purongo! Matan natuvarihi varihi la sopo sile na mania isana tamara peresi na tinara mata hara hinau, pani tamara peresi na tinara la vaia mata natura. 15 Ale a pa avulahi jea vara a hase jalahi na mauriku peresi na noku hinau tari mata maurimim. Ka rÌom vara mo tataholo vara hina purongo vara noku opoia mo tavera matamim, kamim ha pa opoiau makomona purongo? 16 Vara mo sohen haratu, na sopo lo tau te tetehi puhoni isamim. Pani hai la pa lo verea vara enau na mai luhu isamim vara a tikauleji kamim na noku haluhalu. 17 Pani vara mo sohena, a pa halu kamim sohena sava? Mo toma, na vaia hin te vonan la tamlohi atu sei na lo rÌulera la vano isamim? 18 Na rani na usi Titus vara i rohi kamim ale na mele rÌule na vorai tinapua matea vara i usuria, korong Titus mo haluhalu kamim? Mo vono! Matan kamam rua kama hahau na posposi matelete purongo. Korong ka hitea vara kamam rua kama sopo vaia sohena teni mo vono? 19 Korong ka lo rÌomrÌomia vara tarea kama lo vere la hinau nike enira, matan vara kama hase verea vara kama tataholo mata vaira, pani mo vono. Kamam volitusi non KrÌisto, ale kama lo vere la hinau nike isamim na nahon God, ale na hinau tari kama lo vaira, enira matan vara la tueni kamim ha ulua. 20 Matan na levosahia vara a mai isamim, a pa sopo avulahi na sava a pa hitea isamim, ale ha pa sopo opoi na sava a pa verea matana. Na levosahia vara a pa vileia vara kamim ka lo vasvas, ka lo mereimerei, ka lo lolokoru patumim, ka lo hanmarua, ka lo verelejleji na tinapua, ka lo sorasora tamlohi, ka lo mangisi ale mo sopo te oloolo isamim. 21 Enjora, na levosahia vara a mai isamim God i pa vaiau a mahanuhanu mata nomim posposi natuvarihi, ale rÌomiku i pa sati matan matuvana isamim sei la hehe tiroma moiso, la sopo lo vaharÌi na nora posposi lumiha, teni na nora posposi maji peresi na nora marohati mata posposi sohen haratu.