2 Corinthians 10

1 Enau Paul haseku, na lo usia rÌilangi isamim vara ha tapurongo isaku. Na lo vaia usuri na rÌommalum peresi na posposi malum non KrÌisto, enau sei tamlohi hai Corinth la lo verea vara enau na malum vara na lo toho isamim pani vara na malue na lo rÌilangi isamim na noku leta! 2 Na lo rÌomtau vara i pa sopo sohena, pani korong vara na mai a pa rÌilangi isan la haratu sei la rÌom vara kama lo vavahinau usuri na posposi tamlohi purongo. 3 Hina purongo kamam kama tamlohi varama, pani kama sopo vai na vuro usuri na rÌomrÌomi nona tamlohi, 4 matan nomam hinahinau mata vai na vuro mo sopo matan varama nike, pani God mo vai na retivararÌuhu mo suiha mata vilijovjovi na rÌomrÌomi rÌilangi non Tiapolo sei la lo taurilati na tamlohi. Ale la suiha mata la vilijovjovi na rÌomrÌomi 5 peresi na rÌomaulu tari sei la lo turuhoro na tamlohi na lelevosahi hin God. Ale kama taurilati na rÌomrÌomi tari na retivararÌuhu, ale kama vaira la oloolo hin KrÌisto. 6 Ale kama lo tatamahu mata kama sile na talai isana tamlohi lejileji tari sei atu, ale kama pa vaia hin rani atu vara kamim mo isoiso ka lo oloolo hin KrÌisto moiso. 7 Kamim ka lo kilau na huri tamlohi purongo. Kamim ka hitevosahia moiso vara kamam kama tamlohi non KrÌisto, sohen la haratu sei la lo reti hapahapa lara enira non KrÌisto. 8 Korong, ha pa hitea vara na lo pohapoha na suiha sei Moli mo silea isamam. Pani suiha nike enia matan vara i turuhi kamim, mo sopo matan vara i vilijovjovi kamim. Ale a pa sopo tinarÌihia vara tea i vaiau a mahanuhanu, vara i vai na noku vavahinau isamim i mai hina purongo. 9 Na sopo opoia vara tea i rÌomrÌomia vara na lo rÌilangi na noku leta purongo ale i vai na tamlohi la matahuniau matana, 10 matan hai la lo verea lara, “Paul enia hare? Nona leta la rÌilangi pani enia mo sopo te suihana, ale mo sopo tamlohi matea mata retireti i rÌuhu." 11 La haratu la lo retireti sohen harihi, la levosahia moiso vara kamam kama lo rÌilangi na nahomim sohen kama lo rÌilangi na nomam leta. 12 Matan kamam kama sopo rÌomrÌomia vara kama pa verea vara kama tamlohi rÌuhu i tikeli la tamlohi sei la lo verea vara enira io. Pani ka hitea, enira la lo hase kilau usurira na tatuara purongo vara hare natu mo rÌuhu sohena sava. Hinau akerihi enia rongorongo vono purongo! 13 Pani kama pa sopo reti hapahapa hin te hinau sei mo sopo nomam. Mata kama tau na rÌomimam mata vai na vavahinau sei God mo taua na limamam purongo, ale mo taua vara kama pa vavahinau na jaramim mara Corinth. 14 Matan mo tataholo purongo vara kama lo verea vara kama aulu hin kamim na mauri rasua, matan kamam natu, kama tiroma tamlohi sei mata lavi na RetirÌuhu non KrÌisto isamim. 15 Ale kama sopo lavi na hasohaso mata vavahinau nona tinapua, mo vono, kama lo rÌomtau vara nomim rasua i pa ulua, ale vara nomam vavahinau isamam i pa ulua i mele tavera jea, 16 matan vara kama pa retivujavujangi na jara tinapua sei tele vano na jaramim. Ale kama pa sopo reti hapahapa hin te vavahinau tamlohi tinapua la vaira hin la jara tinapua atu. 17 Pani Retitapu mo verea vara, ‘Vara tea mo opoia vara i reti hapahapa, i pa reti hapahapa na sava Moli mo vaia purongo.’ Jer 9.24 18 Matan hina aulu mo sopo haratu sei mo hase verea hasena, pani haratu Moli mo verea vara mo vaia mo rÌuhu.