2 Corinthians 1

1 Enau Paul na uli leta nike peresi vorairÌa Timothy, enau vaharÌule non KrÌisto Iesu matea usuri na masalon God. Kama lo uliuli mo vano isana vao kalesia non God Corinth peresi na tapuhi sei la lo toho rÌalihi na jara tavera matan Achaia. 2 RÌomrÌuhu peresi na tamata la mai isamim la tai isan God TamarÌa peresi Moli Iesu KrÌisto. 3 Hasohaso tavera i vano isan God sei Taman norÌa Moli Iesu KrÌisto, enia God mo lo rÌomopoi na tamlohi, ale God mata tahe la haratu rÌomira la jovi. 4 Enia mo lo tahe na rÌomimam na nomam rani rÌilangi tari matan vara kama erÌi tahe na rÌomin tinapua na nora rani rÌilangi hin nanauhi sei God mo silea isamam. 5 Ale sohena kamam kama lo lavi na rani rÌilangi matuvana matan KrÌisto, ale hin KrÌisto sohena nomam nanauhi mo marÌivi savulevule. 6 Pani vara kama lo lavi na mauri rÌilangi, ka levosahia vara kama lavira mata i tahe na rÌomimim ale mata maurimim la juri; ale vara God mo tahe na rÌomimam, enia matan vara kama erÌi tahe na rÌomimim na nomim rani rÌilangi. Ale matana, ha erÌi rÌom peravu ha turu rÌilangi na rani rÌilangi sei sohen kama lo lavira. 7 Kama levosahi mamahunia vara ka lavi na rani rÌilangi peresi kamam, God i pa tahe na rÌomimim sohen mo lo vaia isamam. 8 Matan, la vorai peresi na vevorai, kama opoia vara ha levosahi mamahuni na rani rÌilangi sei kama lavira na jara tavera matan Asia. La lo puhoni kamam la jeu na suihamam tari, ale kama rÌom vara kama pa mate. 9 VararÌuhu, kama rÌom vara talai mata mateia mo jovi isamam moiso hin la rani rÌilangi atu, ale matana, kama sopo mele rasu na suihamam pani kama tau na nomam rasua hin God sei mo sauteterahi la haratu la mate. 10 God mo sau narÌihi kamam na liman mateia, ale i pa juri kamam, ale kama tau na nomam rÌomtoho isana vara i pa mele juri kamam. 11 Kamim sohena, ha pa tueni kamam na nomim usiusi matamam, ale vuana, tamlohi matuvana la pa vere meje isan God matamam matan enia mo juri kamam na usiusi nona tamlohi matuvana. 12 Kama lo retihapahapa sohena matan kama erÌi vere tataholoia vara rÌomimam la sopo pisuhi kamam hin te nomam vavahinau mo sati kama lo vaira na naho tamlohi tari teni isamim. Kamam kama lo turu na rÌomrÌuhu non God, mo sopo na lelevosahi nona tamlohi, kama rÌomatano kama lo hahau sohena natirihi na naho tamlohi, ale kama lo vaia nike isamim mo jeu na jara tinatinapua. 13 Matan kama lo uli na sava mo lo toho na rÌomimam hin leta nike matan vara ha erÌi levosahi mamahunia, ale na lo rÌomtau vara ha pa levosahi mamahuni kamam, 14 hina purongo vara nake ka sopo lo levosahi mamahuni kamam. Hin rani atu vara norÌa Moli Iesu i mele pala, kamim ha pa hapahapa matamam sohen nake kamam kama lo hapahapa matamim. 15 Ale matan na levosahi hinau atu, na lo verea isamim tiroma vara a pa rohi kamim mata a sile na lerÌuhu vaha rua isamim vara a toho peresi kamim. 16 Hin rani atu na rÌomi vara a pa toho peresi kamim na maleleku na lo vano Macedonia, ale vara a lo mele mule ha pa tueniau na maleleku vara a sivo Judea. 17 Korong ka rÌomrÌomia vara na posi na rÌomiku vara a pa rohi kamim matan na sopo mele pala isamim sohen na verea moiso. Korong kara na lo halu sohena tamlohi varama sei lara “io” pani rÌarami nora retireti tataholo enia “mo vono”. 18 Sohen God mo lo vararÌuhu tarea, nomam retisohai isamim mo sopo “io” ale hitahu “mo vono”. 19 Matan Natun God, Iesu KrÌisto, haratu sei enau, Silas peresi Timothy, kama lo retivujavujangia isamim enia mo sopo “io” ale hitahu “mo vono”, pani hin Iesu enia “io” tarea. 20 Matan retitauhi tari non God hin Iesu enira mo isoiso “io”, ale matan haratu natu rÌa lo vere “amen” na rani rÌa lo hasohaso God hin KrÌisto. 21 Pani God natu mo vai kamam kama rÌilangi peresi kamim na rasua hin KrÌisto, ale enia natu mo virÌonirÌa mata nona vavahinau, 22 ale enia mo tapuhirÌa, ale mo tau na Tanumena na mapurÌa mo sohena vara mo tau na sope volirÌa tiroma na hinau tari la pa mai hitahu. 23 Ale na nahon God, na sopo halu, na sopo mele mai isamim Corinth matan na sopo opoia vara a vere komokomo kamim. 24 Na sopo opoia vara kama aulu na nomim rasua, pani vara kama tapala peresi kamim na vavahinau matan vara nomim avulahi i pa marÌivi na nomim turu rÌilangi na nomim rasua.