1 Thessalonians 1

1 Enau Paul na uli leta nike isamim vao kalesia sei Thessalonica, na hijan God Tama peresi Moli Iesu KrÌisto, Silas peresi Timothy la lo toho peresiau nike. RÌomrÌuhu peresi na tamata i pa toho isamim. 2 Kama lo vere meje isan God tarea matamim mo isoiso na nomam usiusi, 3 kama lo vere kamim isan norÌa God TamarÌa, mata nomim voko sei ka lo vaira mata nomim rasua, ale mata nomim vavahinau sei ka lo vaira mata nomim opoia, peresi na nomim turu rÌilangi tarea sei ka lo vaia matan ka lo rÌomtoho matan norÌa Moli Iesu KrÌisto. 4 La voraiku peresi na vevoraiku rÌuhurÌuhu, God mo opoi kamim, ale kama levosahia mo rÌuhu vara God mo virÌoni kamim, 5 matan nomam RetirÌuhu mo mai isamim, mo sopo mai na retireti purongo, pani mo mai peresi na suiha matan Tanume Tapu mo tueni kamim matan vara ha pa levosahia i rÌuhu vara RetirÌuhu enia mo vararÌuhu. Kamim ka levosahia mo rÌuhu vara posimam hin rani atu kama lo toho isamim mo sohena sava matamim, 6 ale ka lo tovongi kamam peresi Moli matan kamim ka lavi na RetirÌuhu, hina purongo vara ka lavi na rongohaji sasati matana, pani ka avulahi na avulahi non Tanume Tapu, 7 matan ka mai sohena tovongi matea isana tamlohi rasua tari Macedonia peresi Achaia. 8 Mata reti non Moli sei mo lo malue isamim mo roroa Macedonia peresi Achaia, ale nomim rasua hin God mo roroa na jara tari, ale mo vaia kama sopo erÌi mele vere te hinau mata nomim rasua isara. 9 Matan enira hasera la lo mele verea vara ka lavi kamam na posposi rÌuhu sohena sava na nomam hahau. La verea sohena sava ka vaharÌi na tamasi, ale ka posi ka vano isan Moli matan vara ha volitusi isan God vararÌuhu sei mo lo mauri, 10 ale ka lo saovi matan Natuna sei i pa tai na tuka, God mo sauteterahia na mateia, Iesu, enia mo jurirÌa na talai lolokoru non God mata hehe sei mo lo mai.