1 Peter 4

1 Ale, matan KrÌisto mo lavi na rongohaji na epena, ha tau na rÌomimim vara ha lavi na rongohaji sohen KrÌisto, matan haratu mo tatamahu vara i lavi na rongohaji, mo isoiso na hehe, 2 matan vara nake, i pa sopo usuri na masalona, pani i pa usuri na masalon God purongo i tikeli na isoiso maurina. 3 Matan tauni matuvana moiso, ka lo vai na opoia nona masalo tamlohi rÌorÌoha, sohena nora posposi viriu, la lo usuri na rÌomrÌomi lumiha, la lo putu na wai rÌilangi, la lo matavuhi mata lavilavi na tinapua, la lo matavuhi mata inu na wai rÌilangi, la lo vai na vaivaileu na nora lotulotu vono, 4 hin harihi, enira la verea vara kamim ka tinapua, matan ka sopo mele vano peresira na nora posposi lumiha sei, mo mai sohena wai tavei, ale la lo veresatihi kamim matana, 5 pani enira la pa turu na nahon haratu sei mo tatamahu vara i ari la haratu la mauri peresi la haratu la mate. 6 VararÌuhu, matan hinau atu natu, KrÌisto mo retivujavujangi na RetirÌuhu isan la haratu la mate moiso, hina purongo vara la lavi na talai mata mate na epera, pani la pa erÌi mauri sohen God mo lo mauri. 7 Nake, isoiso hinau tari mo lo mai mariviti; ale matana, ha hase taurilati kamim hasemim, ale ha tatamahu mata nomim usiusi, 8 hina aulu hin la hinau sei, enia vara ha opoiopoi kamim i rÌilangi, matan opoia mo kamoti narÌihi na hehe matuvana. 9 Ha roi na imamim isamim hatehateahi, ale ha sopo ngutungutu matana. 10 Ale sohen kamim hatehateahi ka lavi na otori isan God moiso, ha tuetueni kamim hinira, sohena volitusi rÌuhu sei la lo kilau na otori rÌuhu matuvana non God; 11 vara tea nona enia mata i retivujavujangi, i pa reti sohen God mo lo retireti hinia, ale vara tea nona enia mata i tuetueni, i pa vaia hin suiha atu God mo silea isana, matan vara na hinau tari, God i pa lavi na hasohaso hin Iesu KrÌisto. Isan KrÌisto hasohaso tavera, ale suiha i pa toho na limana mata pongi tari tui tui. Amen. 12 La tapala rÌuhurÌuhu, ha sopo marÌurahi hin te rani sasati mata vaihite kamim. Ha sopo hitera sohena hina marÌurahi hai la pala isamim, 13 pani ha avulahi jea na rani ka lo lavi na rani rÌilangi sohen KrÌisto mo lavia, matan vara ha pa avulahi i tavera jea sohena hin rani atu hasohasona i pala na naho tamlohi. 14 Vara tamlohi la veresatihi kamim matan ka lo lavi na hijan KrÌisto, kamim la haratu sei la pa lavi na lerÌuhu, matan Tanume mata hasohaso tavera sei enia Tanumen God, mo lo taua isamim. 15 Pani i sopo tea isamim i lavi na rani rÌilangi mata mo ori sohena tamlohi vili tamlohi matea teni te tamlohi vavanaho matea, teni te tamlohi lejileji matea, teni sohena tamlohi matea mo lo sohai na ngalsuna na hinau nona tinapua. 16 Pani vara tea i lavi na rani rÌilangi matan enia kalesia matea, i pa sopo mahanuhanu matana, mo vono, pani i pa tahe na hijan God aulu na hijan KrÌisto. 17 Matan nake, aria i pa tapulo na lolo vaon God tiroma; ale vara i tapulo hinirÌa tiroma, i pa sohena sava isan la haratu la sopo oloolo na RetirÌuhu non God? 18 Ale, ‘Vara mo rÌilangi jea vara tamlohi tataholo la erÌi juri, i pa sohena sava isan la haratu la lo usuri na posposi varama teni la haratu la lo hehe?’ Prov 11.31 19 Ale isan la haratu la lo lavi na rani rÌilangi mata masalon God, mo tataholo vara na nora hahau tari la tau na maurira na limana matan enia mo lo rÌomturu rÌilangi tarea.