1 John 4

1 La tapalaku rÌuhurÌuhu, ha sopo rasu na tanume tari vara la verea vara la lo retireti na suihan Tanume Tapu, pani ha vaihitera vara la tai isan God teni mo vono, matan prÌovet haluhalu matuvana la vano na varama moiso, 2 ale kamim ha pa erÌi levosahia vararÌuhu vara sahara mo tai isan God sohen harihi: haratu mo verea vara Iesu enia KrÌisto, ale vara mo verea vara Iesu mo mai tamlohi vararÌuhu, tanume atu natu mo tai isan God. 3 Pani haratu mo sopo taviti vara Iesu enia KrÌisto mo sopo tai isan God, ha pa levosahia vara enia meresahi non KrÌisto sei ka rongoa moiso vara i pa mai, ale nake mo pete toho na varama moiso. 4 Natuvarihi, kamim non God, ale kamim ka jeu la meresahi atu moiso matan Tanumen God mo lo toho hin kamim, ale enia mo suiha mo jeu haratu mo lo toho na varama. 5 La meresahi nike, la tai na varama, ale matana, tamlohi na varama mo tapurongo isara matan la lo retireti na masalon varama. 6 EnrÌa non God, ale la haratu sei la levosahi God la pa tapurongo isarÌa, pani la haratu la sopo levosahi God la pa sopo tapurongo isarÌa. Hin posposi atu natu, rÌa pa erÌi levosahia i rÌuhu vara hare mo lo retireti: Tanume Tapu atu mo vararÌuhu teni te tanume haluhalu. 7 La tapalaku rÌuhurÌuhu, rÌa pa opoiopoirÌa mata opoia mo tai isan God, ale haratu mo lo sile na opoia, enia mo vora isan God, ale mo levosahi God. 8 God enia opoia. Ale vara tea mo sopo opoi na tinapua, enia mo sopo levosahi God. 9 God mo vuhesi na nona opoia isarÌa sohen harihi: mo rÌule Natuna vorahese mo mai na varama matan vara rÌa pa mauri hinia. 10 Pulo opoia vararÌuhu enia mo sohen harihi; enrÌa rÌa sopo opoi God tiroma, pani God mo opoirÌa tiroma. God mo rÌule Natuna vara i voli narÌihi na norÌa sasati. 11 La tapalaku rÌuhurÌuhu, matan God mo opoirÌa mo tavera sohen harihi, mo rÌuhu vara rÌa pa opoiopoirÌa. 12 Tea mo sopo lo hite God hin te pongi, pani vara rÌa opoiopoirÌa, God mo lo toho hinirÌa, ale nona opoia mo lo toho vararÌuhu na mapurÌa. 13 Matan God mo silerÌa na Tanumena, rÌa levosahia vara enrÌa rÌa lo toho hinia, sohen enia mo lo toho hinirÌa. 14 Ale kama hitea, kama lo vereulia isana tinapua vara God mo rÌule Natuna vara i mai Jujuri mata varama. 15 Vara tea mo taviti vara Iesu enia Natun God, God mo lo toho isana, ale enia mo lo toho isan God. 16 Ale rÌa levosahi mo rÌuhu moiso, rÌa rasua vara God mo opoirÌa vararÌuhu. God enia opoia. Vara rÌa lo opoiopoirÌa, enrÌa rÌa pa matea na mapurÌa peresi God, ale enia i pa toho peresirÌa. 17 Hin malele akerihi, opoia mo jea vararÌuhu matan vara rÌa pa erÌi rÌomrÌilangi hin rani aria atu, ale matana, rÌa pa hahau sohen KrÌisto mo lo hahau na varama. 18 Opoia jea sohena, i pa levuti narÌihi na matahu. Ale haratu mo lo matahu enia mo matahu mata rÌomrÌomi mata aria, ale mo vujangia vara nona opoia mo pa lo makire. 19 RÌa opoi God matan God mo opoirÌa tiroma. 20 Pani vara tea mo verea vara mo opoi God, pani mo sopo opoi na voraina, enia tamlohi halu. Mo sopo erÌi hite God nake, pani mo sohena sava natu, vara mo vere vara mo opoi God, pani mo sopo opoi na voraina mo erÌi hitera? 21 Retileu sei God mo silerÌa hinia mo sohen harihi, “Haratu mo opoi God, enia i pa opoi na voraina."