1 Corinthians 4

1 Kamim mo tataholo vara ha kilau kamam sohena volitusi non KrÌisto, volitusi sei mata tauri na hina tatalanghi non God. 2 Ale aulu hinia, mo tataholo vara la haratu la lo tauri na hinau sohena, la pa turu rÌilangi na sava la lo vaia. 3 Pani enia hina rihirihi purongo isaku vara te vonamim teni te court nona tamlohi hatea i ariau. VararÌuhu, matan enau haseku na sopo ariau. 4 Na sopo rÌomrÌomi te hinau vara na vaia mo sati, pani mo sopo haratu natu vara mo vaiau na tataholo na nahon Moli, matan Moli hasena i pa ariau. 5 Matan hinau sei, ha sopo sile te talai i tiroma hin rani atu mata aria, i tiroma na mele mai non Moli sei i pa lavi na hina luhu na rÌorÌoha nake la mai na malarani, ale i pa vujangia vara tamlohi la lo vai na nora vavahinau mata sava. Ale hin rani atu, God i pa sile na nona reti rÌuhu isara hatehateahi. 6 La voraiku, na lo verea enau Apollos sohen tovongi matea isamim mo usuri na noku vujangi nike. Ale vara ha turu na sava la ulia na Retitapu moiso, ha pa sopo erÌi retihapahapa hin te tamlohi hatea matan mo pa aulu na vavahinau non tinapua. 7 Sava mo vai kamim ka rÌomrÌomia vara ka rÌuhu ka jeu na tinapua? Sava enia nomim sei God mo sopo silea isamim? Ale vara hinau tari nomim mo tai isan God, mata sava ka lo retihapahapa sohena vara ka sopo lavi te hinau isana? 8 Ka pete lavi vevuhi na hinau tari ka opoira moiso. Ka pete tavtav moiso. Ka jeu kamam matan ka pete supe moiso, ale i pa rÌuhu vara ka pete tauri suiha atu moiso matan kama pa tauri na suiha peresi kamim. 9 Matan na hitea sohena vara God mo tau kamam vaharÌule sohen tovongi matea, mo tau kamam hitahu jea na tamlohi, sohena tamlohi la lo vano na nora mateia, kama mai sohena hinau matea varama peresi na angelo peresi na tamlohi la pa varoia. 10 Kamam kama tamlohi rongorongo vono matan KrÌisto, pani kamim ka tamlohi lelevosahi hin KrÌisto. Kamam kama tamlohi malum, pani kamim ka tamlohi rÌilangi. Kamim, tamlohi la sile na oloolo isamim, pani kamam, la hitelehilehi kamam. 11 Mo mai nake, kama pa lo marohati, ale kama pa lo marÌohu, nomam ruru la sopo rÌuhu, tamlohi la vailehilehi kamam, ale mo sopo te imamam. 12 Ale kama kalvono, kama voko na limamam, vara la veresatihi kamam, kama lerÌuhu hinira, ale vara la tipahi kamam, kama turu rÌilangi tarea, 13 vara la vererÌesirÌesi kamam, kama reti rÌuhu isara. Kama mai sohena, ale kama pa lo toho sohena utauta na varama, sohena tapahuri. 14 Na sopo uli la hinau nike, matan vara a vai kamim ha mahanuhanu, pani vara a retirÌoarÌoahai kamim sohena natuku rÌuhurÌuhu. 15 Matan hina purongo vara nomim tamlohi vujangi mo matuvana hin KrÌisto, tamamim mata rasua la tupu visalete purongo. Matan enau na mai tamamim hin KrÌisto Iesu na RetirÌuhu. 16 Ale matana, na lo usia rÌilangi isamim vara ha usuri na noku tovongi. 17 Matan hinau sei natu, na pa rÌule Timothy natuku rÌuhurÌuhu isamim, ale enia mo rÌomturu rÌilangi tarea hin Moli, i pa mai vara i mele vere kamim na noku posposi hin KrÌisto, i pa vujangi kamim sohen enau na lo vujangi na vao kalesia tari na jara tari. 18 Tatuamim nake la lo mangisi tavera jea matan la lo rÌomrÌomia vara a pa sopo mele mai isamim. 19 Pani vara masalon Moli, a pa mele mai isamim vila, ale a pa vileiulia vara la tamlohi mangisi nike la lo vaore purongo teni vara nora suiha mo tai isan God. 20 Matan mauri atu God mo aulu hinia mo sopo turu na retireti nona tamlohi purongo, pani na suihan God. 21 Ka opoi na sava? A pa mai isamim peresi na hamim maja, teni a pa mai isamim peresi na opoia na posposi rÌomatano?