1 Corinthians 13

1 Vara a erÌi reti na leo nona tamlohi tinatinapua, teni na leo nona angelo na tuka, pani vara mo sopo te opoia isaku, enau na lo vaore purongo sohena belo sei mo lo tangi teni mo lo kolekole roro purongo. 2 Vara a lavi na suiha mata retimangovi, ale a levosahi na hina luhu tari peresi na lelevosahi tari, ale vara noku rasua mo rÌilangi vara a erÌi juhati te vutivuti, pani vara mo sopo te opoia isaku, enau hina purongo matea. 3 Vara a lo sile na noku hinau tari isana tinapua, teni vara a sile na epeku vara la sulimateia, pani vara i sopo te opoia isaku, enau na sopo rÌuhu hin te hinau. 4 Opoia na maurirÌa mo sohen harihi: Opoia enia rÌomperavu, ale enia rÌomrÌuhu. Opoia mo sopo mereimerei, teni mo sopo retihapahapa. 5 Opoia enia mo sopo vai na hina mahanuhanu na naho tamlohi. Opoia enia mo sopo opoi na masalona purongo. Opoia enia mo sopo lolokoru vila. Opoia enia mo sopo evi na hehe nona tinapua isana. 6 Opoia enia mo sopo avulahi na posposi hehe, pani mo avulahi na retivararÌuhu. 7 Opoia enia mo tatamahu mata hina rÌilangi tari. Opoia enia mo lo kilau mata hina rÌuhu purongo. Opoia enia rÌomrÌilangi mata hina rÌuhu la pa mai. Opoia enia turu rÌilangi tarea. 8 Opoia, i pa sopo te isoisona hin te rani pani retimangovi la pa tihai, leo tinatinapua la pa isoiso, ale lelevosahi la pa tihai. 9 Matan enrÌa rÌa levosahi makomona purongo, ale rÌa lo retimangovi makomona purongo, 10 pani vara haratu sei mo sopo vejuveju hin te suiha hatea i pala, rÌa pa sopo mele opoi la hinau sei rÌa lo vejuveju hinira nake, matan la pa tihai. 11 Hin pongi atu na lo natirihi, na retireti sohena natirihi. Na lo rÌomrÌomi sohena natirihi, noku kilakilau mo sohena natirihi. Hin pongi atu na mai tamlohi, na tau narÌihi na posposi nona natuvarihi. 12 Matan nake norÌa kilakilau mo pa lo vusovusoha, pani na pongi hitahu norÌa kilakilau i pa mera i rÌuhu. Nake na lo levosahi na makomona purongo, pani hitahu a pa levosahi vevuhia tataholo sohena God mo pete levosahi vevuhiau moiso. 13 La hinau akerihi mo tolu natu, la pa lo toho jejeu: rasua, rÌomtoho, peresi na opoia, pani hinau aulu hinira, enia opoia.