1 Corinthians 1

1 Enau Paul, na vaharÌule non KrÌisto Iesu usuri na masalon God, peresi vorairÌa Sosthenes, 2 kama sohai leta nike isana vao kalesia non God Corinth, isana tapuhi hin KrÌisto Iesu, God mo tovi kamim tapuhi peresi la haratu na jara tari sei la lo lotu Moli Iesu KrÌisto, nora Moli, ale enia norÌa Moli, 3 rÌomrÌuhu peresi na tamata la tai isan God TamarÌa, peresi Moli Iesu KrÌisto, la vano isamim. 4 Na lo vere meje isan God tarea matamim matan rÌomrÌuhu sei God mo silea isamim hin KrÌisto Iesu, 5 matan enia mo vai kamim ka ulua mo rÌuhu hinia na retireti tari peresi na lelevosahi tari, 6 harihi mo vujangia vara sava na verea isamim matan KrÌisto mo vararÌuhu na maurimim, 7 matan vara ka sopo vejuveju hin te otori sei Tanumen God mo lo silea, ale ka lo kilau matan rani atu norÌa Moli Iesu KrÌisto i pa mele pala hinia, 8 enia i pa vai na nomim rasua i rÌilangi i kakau na isoisona, i pa sopo tea i erÌi tuvai kamim hin te hinau hin rani atu non norÌa Moli Iesu KrÌisto. 9 God enia i sopo erÌi tope na nona retitauhi, God mo tovi kamim vara ha tapala peresi Natuna, Iesu KrÌisto, norÌa Moli. 10 Na lo usia rÌilangi isamim la voraiku peresi na vevoraiku, na hijan norÌa Moli Iesu KrÌisto, vara kamim mo isoiso nomim reti i matea, ale i sopo te patumasa isamim, pani ha matea na rÌomrÌomi matea, ale ha matea na nomim ari. 11 Matan la voraiku peresi na vevoraiku, na rongo na reti matea mo tai na vaon Chloe vara, kamim ka lo vasvas isamim. 12 Na lo verea matan vonamim hai la lo verea lara, “Enau na usuri Paul!” tea la vara “Enau na usuri Apollos!” tea la vara “Enau na usuri Peter!” moiso tea la vara “Enau na usuri KrÌisto!" 13 Ha erÌi topetope KrÌisto? Paul mo mate na talopeilopei matamim? Teni ka lavi na paptijo na hijan Paul? 14 Enau na lo vere meje isan God matan enau na sopo paptijo hin te vonamim hatea, pani Crispus peresi Gaius purongo, 15 matan vara i pa sopo te vonamim hatea i erÌi verea vara enia mo lavi na paptijo na hijaku. 16 VararÌuhu, na paptijo na vao iman Stephanas, pani korong na sopo mele paptijo hin te tinapua. 17 Matan KrÌisto mo sopo rÌuleau vara a paptijo, pani vara a retivujavujangi na RetirÌuhu ale mo sopo hin te reti mo rÌilangi mata levosahia, vara i vono talopeilopei non KrÌisto i pa sopo te rÌaramina. 18 Matan reti mata talopeilopei enia hina rongorongo vono isan la haratu la lo vano na komokomo, pani isarÌa sei rÌa juri hinia, enia suihan God. 19 Matan Isaiah mo ulia vara, ‘Enau a pa komo na lelevosahi nona tamlohi lelevosahi, ale a pa vai na rÌomrÌomi nona tamlohi lelevosahi i mai hina purongo.’ Isa 29.14 20 Nene tamlohi lelevosahi? Nene tamlohi vujangi mata leu non God? Nene tamlohi mo erÌi retireti na varama nake? RÌa erÌi verea vara God mo vai na lelevosahi nona tamlohi mata varama la mai hina rongorongo vono purongo. 21 Matan usuri na lelevosahi non God, God mo taua vara tamlohi na varama, la sopo erÌi lavutia na nora lelevosahi purongo. God mo avulahi vara i juri la haratu la rasu na hina rongorongo vono sei kama lo retivujavujangi hinia, 22 matan Jew la lo usia rÌilangi vara God i vai te matamata vara la hitea ale la pa rasua, ale tamlohi rÌorÌoha la opoi vara la ale na lelevosahi vara la rasua, 23 pani kamam kama lo retivujavujangi na mateia non KrÌisto na talopeilopei, enia hina tialahalaha matea isana Jew, ale enia hina rongorongo vono isana tamlohi rÌorÌoha sohena mara Greek. 24 Pani isarÌa sei God mo tovirÌa, hina purongo vara enrÌa Jew teni tamlohi rÌorÌoha, enrÌa rÌa erÌi hitevosahi na suihan God peresi na nona lelevosahi rÌuhu hin KrÌisto. 25 Matan hina rongorongo vono non God enia mo jeu na lelevosahi nona tamlohi, ale hinau non God sei tamlohi la verea vara mo sopo te suiha hinia, enia mo jeu na suiha nona tamlohi. 26 Ale la voraiku peresi na vevoraiku, ha to rÌomrÌomia vara hin rani atu God mo tovi kamim, mo sopo te matuvana isamim ka tamlohi lelevosahi na naho tamlohi, mo sopo te matuvana ka tauri na suiha, mo sopo te matuvana ka vora tamlohi aulu. 27 Pani God mo virÌoni na hinau la rongorongo vono na varama matan vara i vai na tamlohi lelevosahi la mahanuhanu; ale God mo virÌoni na hinau sei mo sopo te suiha hinira na varama vara i vai na tamlohi suiha la mahanuhanu. 28 God mo virÌoni na hinau la atano na varama, tamlohi la hiterÌesira, hinau mo sopo te hinau hinira, mo vaira matan vara i vai la hinau sei tamlohi la lo verea vara la hina aulu, la mai hina purongo, 29 matan vara tea i pa sopo erÌi retihapahapa na nahon God. 30 Enia pulo maurimim hin KrÌisto Iesu. God mo vai KrÌisto enia norÌa hina lelevosahi, enia natu, mo vairÌa rÌa tataholo na nahon God, ale enia malele mata vairÌa rÌa tapu, enia mo hase silea vara i volituhurÌa. 31 Ale matan haratu sohen la ulia vara, ‘Mo rÌuhu vara haratu mo lo retihapahapa, i pa hapahapa hin Moli.’ Jer 9.24