Rut 2

1 Domer shäng kjlÌara ko Booz, e Elimélec, Noemí lÌanma dëna lÌi pjeyo. E dbur ara bakoe. 2 Dbar kjwara ga Rut tjlÌẽ Noemí kong ga «Rokër bop kong ga tja ichos jek oba parkë dwlÌa skok lÌöng lÌishko. Eni ga ëbo, tja iche kjwe dwlÌa bo beno tjeng ba irgo lÌi töng» lÌe. Kuya ga tjlÌẽ ba kong ga «JölÌö, toguë» lÌe. 3 Eni ga Rut jek öötong shäng dwlÌa bo kjrëba lÌöng lÌi irgo. Shäng parkëshko lÌi kjokyo sogo, e Booz, Elimélec lÌi pjeyo. 4 Eshko ga Booz tek tjwe shäng Belén kjokyo dwayo ga tjlÌẽ ba parkagaga lÌöng lÌi kong ga «Miga. Pjãy kjimtaga ber Jehovárë» lÌe. Kuya lÌok ga tjlÌẽ ba kong ga «Kjobe. Pja kjimtaga ber Jehovárë bakoe» lÌe. 5 Eshko ga tjlÌẽ ba parkagaga tjeng lÌi kägäyo kong ga «¿WalÌë shäng kjwe ë pjeyo?» 6 «Kjwe Moab so. WalÌë to tek Noemí tjok Moab kjokyo dwayo lÌi kjwe. 7 Kjok shröngto ga tjlÌẽ bor kong ga “Tja ichos dwlÌa bo lÌlÌë beno tjeng ba skogaga irgo lÌi töng sira” lÌe. Ga “JölÌö” lÌër ba kongshko ga jek parkë, ga beno shäng parkë kjweshko. Woshtono shäng eeri jã ukwang kjwe dorko» lÌe ba kong. 8 Eshko ga Booz jek Rut zlÌong bäng, ga tjlÌẽ ba kong ga «Chiya, tja kuzong. Pja dwlÌa bo töng shto oblÌë lÌlÌëme. Pja ber shäng jÅ©shko bor parkagaga walÌëga tjeng wlÌe tjok. 9 Domerga to lÌöng dwlÌa bo skok tjeng lÌi töngshko ga pja parkë jek ba irgo. Pja twe lÌok tjötö lÌlÌëme lÌoror bor parkagaga domerga kong tjän. Ga pja wodogroshko ga di kjrëp di bapkwo dlÌina domergarë tjeng wlÌe roy dwayo» lÌe. 10 Kuya ga kjök tono, kjujono bokdo kjlÌay klÌung go, tjlÌẽ ga «Tja shto oblÌë so. ¿Bop bokso ga tja pjlÌúe lÌëp ega?» 11 «Pja roy kuror uunkong. Bop lÌanma wolÌono tek lÌëkong ga bop ëm, e kjimtëp shäng ara. Bop data, bop mekë, bop kjok, e rayorop pjir, ga pja to tek shrono beno sök nopga miydëp lÌlÌëm lÌöng lÌi tjok. 12 Jehová, e Israel tjëyo Sbö. Pja opyono beno sök ba sjäÌgä dirko wlÌeni, pja de wlÌo. Eni ga rokër ba kong ga pja potjwlÌẽya, lÌlÌëye shäryorop lÌi kjÄ©shko» lÌe ba kong. 13 Kuya ga tjlÌẽ ba kong ga «Woydër ga bop bokso ga tja pjlÌúe lÌëp Ä©yado. Bop tjlÌõkwo, tja ie dbokjrë jek obi. Tja tjwlÌõ lÌlÌëm, bop parkagaga walÌëga tjeng wlÌe dorko. Eni ëmdë ga pja tjlÌẽ shäng bor kong yõtso, wlÌẽpe» lÌe. 14 Ga öötong iozlÌong dlÌoyo goshko ga Rut rokara Boozdë, tjlÌẽ ba kong ga «Pja tegö. PjlÌung shosho suk pjir wlÌe kjros, ga pös kjilÌlÌgwo bo dyo shpoä wlÌe go, ga uozong» lÌe. Kuya ga wlÌoktëng sök parkagaga tjeng lÌi tjrëko, ga kong dwlÌa jnena tjeng lÌi twara Boozdë ba kong kjwöböso. Eni ga kjrara, uara beno shäng bö tjung, wopjlÌú, ga beno obie. 15 E irgo ga jek dwlÌa skok tjeng lÌi töng obi, ga Booz tjlÌẽ ba parkagaga lÌöng lÌi kong ga «Iëmi dwlÌa töng kjone pogoshko, töÌya töng tjeng dlÌuw wlÌeshko ëmdë ga wẽyẽ. 16 DwlÌa skomi, tömishko ga lÌomi pjlÌöbö pjlÌöbö, töÌya bomi irgo wlÌo. Ga kong lÌlÌëye lÌëmi lÌlÌëme» lÌe. 17 Eni ga Rut dwlÌa bo töno shäng kjok eshko äär jong kjok sënge. E irgo ga kjwokära bayo gök kësbang tjung wlÌeni kjwo sak kjwara (10). 18 E irgo ga söra jek u lÌok lÌishko, ga pina ba ëm kong. DlÌi twara ba kong lÌlÌamo lÌi shira, twara ba kong, ue wlÌo bakoe. 19 Ĩya ga tjlÌẽ ba kong ga «¿Eerishko ga pja dwlÌa bo töng shäng kjone? ¿Pja parkë shäng kjone? Pja kjimtara kjok sogo lÌirë ara kjÄ©shko ga rokër Jehová kong ga e kjimte ara bakoe» lÌe. Kuya ga tjlÌẽ ba kong ga «Tja parkono domer shäng kjlÌara ko Booz tjok» lÌe. 20 Kuya ga tjlÌẽ ba kong ga «Eni ga rokër Jehová kong ga e kjimte. Jehová, shji nopga lÌöng së obi lÌi kjimte jlÌõkoyo. Nopga wolÌono tjän lÌi kjimte bakoe. Shji kjimte bi pjeyoga soshko tjeng lÌirë kjlÌuwe. Ga bi pjeyoga kjlÌara jÅ©ni, e Booz» lÌe. 21 Eshko ga tjlÌẽ ba ëm kong ga «Tja ichara ber shäng eshko, ba parkagaga walÌëga tjeng lÌi tjok, äär dwlÌa bo kjrozlÌong dbaryo pjitong guing» lÌe. 22 Kuya ga tjlÌẽ ba kong ga «Toguë, pja ber shäng ba parkagaga walÌëga tjeng lÌi tjok ga ber bop kong pjlÌúe. Pja jek shto oblÌë kjwe ga lÌlÌëbo wen bop kong owa kjwe» lÌe. 23 Eni ga Rut beno shäng parkë Booz parkagaga walÌëga tjeng lÌi tjok, dwlÌa bo kjrozlÌong dbaryo pjitong guing. Gueniyo beno sök ba ëm shwoy.