Marcos 8

1 Dbar kjwara ga nopga shrono töno lÌöng ara Jesús sök lÌishko. DlÌi lÌlÌëm kuzong ga ba oppinggaga rokara Jesúsdë tek ba zlÌong bäng, ga tjlÌẽ ba kong ga 2 «Nopga kjwe lÌöng bor tjok na öötong dbargwo mya, ga lÌlÌëye uako lÌlÌëme. E kjÄ©shko ga songe lÌër. 3 Jek ichër ba ushko ië lÌlÌëm ga äe. Kjone kjone tjwe pjola dwayo. E kjÄ©shko ga wopjir irbo kjwe» lÌe. 4 Kuya lÌok ga tjlÌẽ ba kong ga «¿Nopga träk lÌlÌëm kjwe sëÌy sorë? ¿Kjok no lÌlÌëmshko ëre dlÌi wlÌẽy kjone?» lÌe. 5 Kuya ga tjlÌẽ ba kong ga «¿Pjãy pjlÌung shosho suk pjir tjeng kjwobi?» «Tjeng kjwo kjäk (7)» lÌe ba kong. 6 Eni ga nopga lÌi ichara Jesúsdë wlÌar uunkong töshko. Pjir ga pjlÌung shosho suk pjir kjwo kjäk (7) lÌi, e kjrara, ga tjlÌẽ Sbö kong ga «Tjawa kong dlÌi tworop ëre. Tjawa ber wopjlÌú bop tjok e kjÄ©shko» lÌe. E irgo ga dlÌi lÌi tora, twara ba oppinggaga kong. Ga pjlÌorgara lÌok nopga tjeng kës lÌi kong. 7 Mã tjeng kjlÌöbö chilawa bakoe. Eni ga Jesús tjlÌẽ Sbö kong ga «Tjawa kong dlÌi tworop ëre. Tjawa ber wopjlÌú bop tjok e kjÄ©shko» lÌe. E irgo ga mã lÌi twara ba oppinggaga kong, pjlÌorgue lÌok nopga tjeng kës lÌi kong wlÌo. 8 Eshko ga nopga uunkong iono beno lÌöng bö tjung, wopjlÌúe. E irgo ga dlÌi worbo töna ba oppinggagarë lÌok shing roshko, beno tjeng shing kjwo kjäk (7), tjung tjunge. 9 Domerga iono uunkong ga doglÌo sak dbäw dbäw pjlÌoglÌo pkëng (4,000) dik. WalÌëga, kjwozirga, e shtak lÌlÌëme. E irgo ga nopga briktong pjir ga 10 Jesús opyono kjyong roshko ba oppinggaga tjok, ga to ey dwayo, jek öötong lÌöng Dalmanuta kjokyo. 11 Eshko ga fariseoga tek shrono lÌöng Jesús shwoy, ba tjlÌÄ©k wlÌo. TjlÌẽ ba kong ga «LÌlÌëbo Ä©ydëba lÌlÌëm wlÌeniyo shäryos borwa kong kjrina, pja ichaga Sbörë jlÌõre miydërwa e go wlÌo» lÌe. 12 Kuya ga tjwlÌõ shrono rong, ga tjlÌẽ ba kong ga «¿Eerishko dbaryo sopga, woydëmi ga lÌlÌëbo jyãglÌo shäryër bomi kong ega? LÌër bomi kong jlÌõkoyo ga shäryër lÌlÌëme» lÌe, 13 ga rayara beno lÌöng eshko. E irgo ga opyono kjyong roy, ga dipzono jek di bäng buk kësbang lÌi kjwo kalÌëkong. 14 Ga jek lÌöng kjyong roshkoshko ga miydara ba oppinggagarë lÌok ga dlÌi söra lÌok lÌlÌëm, pjlÌung shosho suk pjir beno buk kjwara eröe. 15 Ga Jesús tjlÌẽ ba kong lÌok ga «Pjãy sjëk fariseoga, Herodes, ba pjlÌung shosho uukklÌo wlÌe tjok» lÌe. 16 Eni ga epga tjlÌẽ lÌok ëng kong ga «Shji pjlÌung shosho suk pjir söno lÌlÌëme. LÌe shäng bi kong eni e kjÄ©shko» lÌe. 17 TjlÌẽ lÌöng ëng tjok lÌlÌë lÌi miydara Jesúsdë kuzong ga tjlÌẽ ba kong ga «¿“Shji pjlÌung shosho suk pjir söno lÌlÌëme” lÌëmi ega? ¿Bor tjlÌõkwo lÌi lÌlÌë lÌoklÌo miydomirë lÌlÌëm obire? ¿LÌlÌëye kumi woydë lÌlÌëm obire? 18 Pjãy bokkwo tjok, gueniyo pjãy kjok Ä©gö lÌlÌëme. Pjãy kwomgwo tjok, gueniyo pjãy kjok kugö lÌlÌëm bakoe. ¿LÌlÌëye woyo bomi kong lÌlÌëmdo? 19 ¿Domerga sënor doglÌo sak dbäw dbäw pjlÌoglÌo shkëng (5,000), pjlÌung shosho suk pjir kjwo shkëng (5) goshko ga dlÌi beno obi tönomi shingyo kjwobi?» «Shingyo dlÌinorwa kjwo sak kjwara kjingsho pjök (12)» lÌe lÌok ba kong. 20 Eshko ga tjlÌẽ ba kong lÌok obi ga «¿Domerga sënor doglÌo sak dbäw dbäw pjlÌoglÌo pkëng (4,000), pjlÌung shosho suk pjir kjwo kjäk (7) goshko ga dlÌi beno obi tönomi shingyo kjwobi?» «Shingyo dlÌinorwa kjwo kjäk (7)» lÌe lÌok ba kong. 21 Eni ga tjlÌẽ ba kong lÌok ga «¿Eni ga bor tjlÌõkwo lÌlÌë lÌoklÌo miydëmi lÌlÌëm obire?» lÌe. 22 E irgo ga Jesús öötong shäng Betsaida kjokyo. Eshko ga domer sök kjlÌara kjok Ä©gö lÌlÌëme. E söraba shrono lÌöng Jesús zlÌong bäng, ga tjlÌẽ lÌok ba kong ga «Rokërwa bop kong ga domer ëre porwos sira, poptëp wlÌo» lÌe. 23 Kuya ga domer lÌi orkwo shara, ga söra jek u lÌokshko lÌi worbo go. Ãötong lÌöng eshko ga Jesús tröng twono domer lÌi bokkwo go, orkwo iara ba bokkwo kjing go, ga tjlÌẽ ba kong ga «¿LÌlÌëbo Ä©göpde?» lÌe. 24 Eshko ga kjok roÄ©no, ga tjlÌẽ ga «Ĩn ga no jëk jonge. Gueniyo ga Ä©gör yõtso lÌlÌëme. E kjÄ©y ga nopga jëk lÌöng lÌi Ä©n ga so kjor kjoyoe» lÌe. 25 Eni ga Jesús orkwo iono ba bokkwo kjing go jek obi. Eshko ga bokkwo poptono, beno kjok Ä©gö wẽlÌëe. 26 E irgo ga Jesús tjlÌẽ ba kong ga «Pja nom bop ushko. Pja jek äär Betsaida kjokyo guing lÌlÌëme» lÌe. 27 E irgo ga Jesús, ba oppinggaga, e jek lÌöng Filipo Cesarea kjokyo shto oblÌë oblÌë. Eshko ga jek lÌöng irbo ga Jesús tjlÌẽ ba kong lÌok ga «¿Kumi ga tja ë lÌëba?» 28 «No kjone kjone tjlÌẽ ga pja Juan No Waga lÌi woshrokdo lÌe. Kjone kjone tjlÌẽ ga pja Sbö tjlÌõkwo lÌaga tek dënashko so Elías tjwayde shäng lÌe. Kjone kjone obi tjlÌẽ ga pja Sbö tjlÌõkwo lÌagaga tek dënashko so kjlÌara lÌi woshrokdo lÌe» lÌe lÌok ba kong eni. 29 Kuya ga tjlÌẽ ba kong ga «E ga pjãy e, ¿tja ë lÌëmi?» lÌe. Kuya Pedrorë ga tjlÌẽ ba kong ga «No pjlÌuyo ichara Sbörë shrono shäng lÌi, e pja» lÌe. 30 Kuya ga tjlÌẽ ba kong lÌok ga «Tja ë lÌëmi ë kong lÌlÌëme» lÌe. 31 Eshko jek lÌëkong ga Jesús tjlÌẽ ba oppinggaga kong ga «Ãär dbar kjwara ga no to ter kjok dogo dwayo ëre shdungoba ara guing. Judío tjlÌapgaga kjok lÌlÌgwega wlÌeniyo, syõshtaga kägäyoga, no pinggaga kjok lÌlÌgwekklÌo tara Moisésdë lÌi go, tja wlÌokjre lÌok lÌlÌëme. Ga tja zrökoba, gueniyo äär dbargwo mya ga tja woshre Sbörë iröng obi» lÌe eni. 32 LÌlÌëbo shäryëba ba kong tjwe lÌi, e lÌara ba oppinggaga kong wẽlÌë, miyde lÌok wlÌo. Kuya Pedrorë ga Jesús rokara tjoksa, ga wlÌonae. 33 Gueniyo ga Jesús bojono, ba oppinggaga lÌlÌamo beno tjeng lÌi Ä©k wlÌo. Eshko ga tjlÌẽ Pedro kong ga «¡Ã, pja opkjos bor zlÌong dwayo! LÌlÌëye woyde Sbörë lÌi woyotjlÌÄ©p shäng lÌlÌëme. LÌlÌëye woyde norë lÌi woyotjlÌÄ©pdë shäng eröe» lÌe. 34 Eshko ga ba oppinggaga rokara tek ba zlÌong bäng, nopga tjeng lÌi rokara eni bakoe. Ga tjlÌẽ ba kong ga «Ãye jëk woydë bor tjok jlÌõkoyo ga ber shäng bor woyotjlÌÄ©k Ä©yado, wotjlÌÄ©k lÌlÌëbo shäryë kjok ëre kjing goshko ame bakoe. Bor kjÄ©shko ga lÌlÌëye shäryëba ba kong lÌlÌë pogoshko lÌi, e zrökoba pjang kjlÌös go ëmdë ga e ba kong ga lÌlÌëye lÌlÌëme. 35 Ãye wotjlÌÄ©k opdë om go, zrökoba bor kjÄ©shko lÌlÌëm wlÌo lÌe ga äär kjok dogo lÌlÌëme. Gueniyo ëye jëk bor tjok jlÌõkoyo, e zröraba bor kjÄ©shko, lÌlÌëm ga Sbö tjlÌõkwo roy pjlÌú kjÄ©shko ëmdë ga era ber sök së Ä©yado kjok dogo. 36 Ãye lÌlÌëbo tjeng kjok ëre kjing go kës lÌi kjrara tjeng ba wlÌoy ëmdë ga e lÌlÌëno lÌlÌëme. WolÌono ga öötong kjok dogo lÌlÌëm ga to jeno ba lÌlÌëbo lÌi tjok. 37 Shji ber lÌöng së Ä©yado Sbö tjok wlÌo ga tjwlÌẽkklÌo kjok ëre kjing goshko drete. 38 »Nopga lÌöng eerishko dbaryo lÌi owa, so domer orkwosmok shäng pjir, gueniyo jëk shäng walÌë oblÌë tjok kjoyoe. LÌlÌono ga no to ter kjok dogo dwayo ëre tjwe bor Data dbo kãlÌã goshko, bor parkagaga kjok dogo so tjok. Eerishko ga ëye, tja lÌökyokjre nopga owa bokshto ga eshko ga lÌökyokjrër eni bakoe» lÌe.