Mateo 22

1 Jesús tjlÌẽno ba kong lÌlÌëbo jyãglÌo go jek obi. TjlÌẽ ga 2 «Sbö ber no pjlÌuyo sorë, e so lÌlÌëbo lÌër bomi kong ëre kjoyoe. PjlÌu shäng kjlÌara, ba wa domer orkwosmozlÌong dbaryo shrëkklÌo poshärye shäng. 3 Eni ga ba parkagaga ichara kjlÌöbö nopga mana lÌi rokë, gueniyo tek lÌok woydë lÌlÌëme. 4 E irgo ga ba parkagaga oblÌë ichara jek tjlÌẽ nopga mana lÌöng lÌi kong ga “Bor wa orkwosmozlÌong dbaryo shrëkklÌo, e poshäryak pjire. Nopga ichoror öng tjeng kjlÌo dik lÌi zrök, ga shäryak tjeng pjir tjän. Pjãy tek malÌinge” lÌe. 5 »Kura lÌok, gueniyo kolÌara lÌok lÌlÌëme. Kjone kjone jek lÌok ba kjokshko. Kjone kjone jek lÌok ba pakshko. 6 Kjone kjone, pjlÌu parkagaga lÌi shara lÌok, shpokza tjã tjã, ga zrörae. 7 »Roy kuya pjlÌurë ga iirkonoe. Eni ga ba ëngkjwagaga ichara ba parkaga zrögaga lÌi zrök, ba kjok lÌi suk pjir bakoe. 8 Döni ga tjlÌẽ ba parkagaga kong ga “DlÌi lÌlÌë shäryak tjeng pjir tjän, gueniyo nopga manor bäm go lÌi tjwlÌõ lÌlÌëm, tek tjwe na wlÌo. 9 Eni ga pjãy nom irbo bäng, nopga tön arashko ga ë pogo wlÌẽnomi lÌi mami, bor wa orkwosmozlÌong dbaryo shrëya lÌok bi tjok wlÌo” lÌe. 10 Eni ga ba parkagaga opshino jek, ga nopga pjlÌú, nopga owa, e wlÌẽna irbo bäng go kjlÌobi lÌi mana lÌok drete. Eni ga ba u dlÌino jong tjung no erä. 11 »PjlÌu opzrëk jek äär nopga mana lÌöng lÌi Ä©kshko ga Ä©ya ga domer jek shäng kjlÌara, do go shwong orkwosmokklÌo wlÌeniyo drete. 12 Eni ga tjlÌẽ ba kong ga “¿Pja tek shäng doyono shwong orkwosmokklÌo wlÌeniyo go lÌlÌëm ega?” lÌe. Kuya kjing erä. 13 Eni ga pjlÌu tjlÌẽ ba parkagaga lÌöng lÌi kong ga “Kjwe shazÄ©, pjrizÄ© ba dre go, ba orkwo go, ga dbuzÄ© jek kjoko, kjok ro sÄ© roshko, ber shäng slÌar eshko, kowo uë, lÌlÌëbo bang ara ba kong kjÄ©y” lÌe. 14 Nopga mak ara, gueniyo kjrak lÌi kjlÌöbö erä» lÌe. 15 E irgo ga fariseoga töno, lÌano lÌok ëng kong. Woydara ga lÌlÌëbo kjakroke Jesús kong, dborye bëy lÌlÌëm ga doshaya lÌok e go, rote wlÌo. 16 Eni ga ba oppinggaga ichara kjlÌöbö, Herodes pjlÌoyoga tjok. Ãötong lÌöng Jesús shwoy ga tjlÌẽ ba kong ga «TjlÌapga no pingga, miydërwa ga pja tjlÌẽ beke. Woyde Sbörë ga shji jëk sorë lÌi lÌëp jlÌõkoyo. No tjlÌẽshko ga tjlÌõkwo kup lÌlÌëm, tjwlÌõ kjöm pogo, e bop kong ga tjwlÌõ beke. Pja tjlÌẽ bek ë pogo kong. 17 ¿Eni ga shji kä potjwlÌẽk pjlÌu kësbangyo sök Roma kjokyo lÌi kong ga pjlÌúre?» lÌe. 18 Kuya ga miyde ga lÌöng wotjlÌÄ©k owa. E kjÄ©shko ga tjlÌẽ ba kong ga «¡Pjãy Sbö tjlÌõkwo söga jlÌõkoyo lÌëmi, gueniyo pjãy wotjlÌÄ©k owa bomi pjlÌúshko! ¿Tja tjlÌÄ©mi ega? 19 Dburwa kä potjwlÌẽkklÌo lÌi tek sözÄ© bor kong kjwara, Ä©n wlÌo» lÌe, ga tek söra lÌok ba kong kjwara. 20 Eni ga tjlÌẽ ba kong ga «¿Domer jyãglÌo sök dburwa ëre go jÅ© ë? ¿Ko tak pjang ëre go jÅ© ë?» 21 «Kjwe pjlÌu kësbangyo sök Roma kjokyo lÌi ĩ» lÌe lÌok ba kong. Kuya ga tjlÌẽ ba kong ga «Eni ga lÌlÌëye pjlÌu Ä© lÌi, e twozÄ© pjlÌu kong, gueniyo lÌlÌëye Sbö Ä© lÌi, e twozÄ© Sbö kong bakoe» lÌe. 22 Kuya lÌok ga beno lÌöng wotjlÌÄ©k ara, ga to lÌok ey dwayo. 23 Saduceoga wotjlÌÄ©k ga no wolÌono ga woshrë ame lÌe. Eni ga eshko dbaryo ga saduceoga tek shrono lÌöng Jesús shwoy kjlÌöbö ga tjlÌẽ ba kong ga 24 «TjlÌapga no pingga, kjibokwo tara Moisésdë beno pjang lÌi tjlÌẽ ga “Ãye wolÌono, wapga beno ba boy tjok lÌlÌëm ga shinmo kjlÌarayo lÌi orkwosmok ba boy beno sök lÌi tjok, wa tjok wlÌeni ga ber shinmo lÌi Ä© wlÌeni wlÌo." 25 »PjlÌara ga borwa tjrëko ëreshko ga domerga lÌöng doglÌo kjäk (7), epenga döe. Ba këguëyo orkwosmono, ga wolÌono, ga wapga beno lÌlÌëm kuzong ga ba lÌëng orkwosmono ba syã tjok. 26 Eni ga ba lÌëng wolÌono jek bakoe. Ba lÌëmga kjlÌobi lÌi orkwosmono ba syã tjok eni bako, ga wolÌono uunkong, ga wapga beno ba boy tjok lÌlÌëme. 27 E irgo ga walÌë lÌi to wolÌono bakoe. 28 ¿Eni ga domerga doglÌo kjäk (7) lÌi orkwosmono uunkong walÌë lÌi tjok kuzong ga no woshrozlÌong dbaryoshko ga walÌë lÌi ber domerga kjone dey lÌi boy?» 29 «¡Pjãy diktong lÌöng jlÌõe! Sbö tjlÌõkwo tak pjang lÌi miydëmi lÌlÌëm, ba dbo kësbang lÌi miydëmi lÌlÌëm bakoe. 30 No woshrozlÌong dbaryoshko ga ëye orkwosmok ame. Eshko ga nopga ber lÌöng Sbö parkagaga kjok dogo so wlÌeni shara. 31 Pjãy wotjlÌÄ©k ga no wolÌono, ga woshrë ame lÌëmi. Gueniyo ga Sbö tjlÌẽno bomi kong ga “Tja Abraham, Isaac, Jacob, e Sbö” lÌara. ¿E lÌomirë lÌlÌëmdo? E shinmoga Sbö lÌlÌëme. E nopga lÌöng së lÌi Sbö» lÌe ba kong. 33 Kuya nopga lÌöng lÌirë ga beno lÌöng yëy lÌe erä. 34 Saduceoga kjinkara Jesúsdë lÌi kuya fariseogarë ga ëng töno lÌok. 35 Eshko ga fariseo shäng kjlÌara, kjok lÌlÌgwekklÌo tara Moisésdë lÌi miydaga pjlÌú wlÌeniyo. E tek shrono shäng Jesús zlÌong bäng, ba tjlÌÄ©k wlÌo. TjlÌẽ ba kong ga 36 «TjlÌapga no pingga, ¿kjok lÌlÌgwekklÌo tjwlÌõ kësbangyo lÌi kjone dey?» 37 «“LÌlÌëbo woydëpshko, lÌlÌëbo woyotjlÌÄ©pshko, lÌlÌëbo shäryëpshko, pja sök së obishko ga TjlÌapga, bop Sbö lÌi woydos jlÌõkoyo Ä©yado." 38 Kjok lÌlÌgwekklÌo tjwlÌõ kësbangyo lÌi e. 39 Kjok lÌlÌgwekklÌo kjrina obi tjwlÌõ ara, e so bäm lÌi kjoyoe. TjlÌẽ ga “Pja opwoydë sorë ga bop kjlÌara, e woydos eni bakoe." 40 Kjok lÌlÌgwekklÌo kjring pjök ëre tjwlÌõ ara anmoyõ. Kjok lÌlÌgwekklÌo lÌlÌamo tak lÌok lÌi, lÌlÌëye tara Sbö tjlÌõkwo lÌagagarë lÌi, e beno shji Sbö woydë sorë, shji ëng woydë sorë, e pingglÌo bi kong eröe» lÌe ba kong. 41 Fariseoga lÌöng eshko obi wopro ga 42 Jesús tjlÌẽ ba kong ga «¿No pjlÌuyo iche lÌe Sbörë lÌi, e ë tjëyo lÌëmi?» «E David tjëyo» lÌe ba kong. 43 Kuya ga tjlÌẽ ba kong ga «¿Eni ga David go Sbö Sëyashko ga no pjlÌuyo lÌi kowara ba TjlÌapgayo ega? Eshko ga David tjlÌẽ ga 44 »“TjlÌapga tjlÌẽno bor TjlÌapgayo kong ga ‘Pja tek wlÌar ber sök bor orkwo këlÌëkong, äär jong bop moskwoga zanor pjir guing, eshko ga twër ber bop kong ichëp wlÌo’ lÌe." 45 »¿Eni ga no pjlÌuyo lÌi kowara Daviddë ba TjlÌapgayo kuzong ga e ber ba tjëyo tek ber ba irgo lÌi sorë?» lÌe. 46 Kuya lÌok ga to dboryara ërë lÌlÌëme. Eshko dbaryo jek lÌëkong ga ëye wokjang lÌlÌëbo kjakrokë ba kong wlÌo ame.