Lucas 6

1 WoshtozlÌong dbaryo kjwara ga Jesús jëk shäng dwlÌa dgak buk lÌi tjrëko ba oppinggaga tjok. Eshko ga ba oppinggaga lÌöng dwlÌa bo kjrë, ga kjwokäya or go, ue lÌok wlÌo. 2 Eni ga fariseoga kjone kjone tjlÌẽ ga «¿LÌlÌëbo shäryako woshtozlÌong dbaryoshko lÌlÌëm lÌi shäryëmi lÌöng kjweni ega?» lÌe. 3 Kuya Jesúsdë ga tjlÌẽ ba kong ga «¿Dënashko ga David, ba yorkagaga, e pjlÌi lÌok arashko ga lÌlÌëye shäryara tak pjang Sbö tjlÌõkwo go lÌi, e lÌomirë lÌlÌëmdo? 4 David opzrëno jek shäng Sbö u roshko, ga pjlÌung shosho suk pjir iak beno tjeng dboy Sbö kong lÌi uara, ga twara ba nopga jëk lÌöng ba tjok lÌi kong, ue wlÌo bako, e uaga syõshtagagarë erö gueniyo» lÌe. 5 Ga tjlÌẽ ba kong obi ga «WoshtozlÌong dbaryo kägäyo lÌi, no to ter kjok dogo dwayo ëre lÌi e» lÌe. 6 WoshtozlÌong dbaryo oblÌëshko ga Jesús opzrëno jek judíoga syõ uyo jong kjok eshko lÌi roshko, ga nopga tjeng eshko lÌi pina. Domer shäng kjlÌara eshko orkwo këlÌë slÌoslÌoe. 7 Fariseoga, no pinggaga kjok lÌlÌgwekklÌo tara Moisésdë lÌi go, e lÌöng eshko bako, Jesús dë, swlÌo lÌi popte woshtozlÌong dbaryore Ä©ya lÌok wlÌo, rote e go wlÌo. 8 WotjlÌÄ©k lÌöng lÌlÌë lÌi miydara Jesúsdë pjir kuzong ga tjlÌẽ swlÌo lÌi kong ga «Pja kojõs shäng nopga lÌöng kës ëre tjrëko» lÌe. Kuya ga shäryara eni. 9 E irgo ga Jesús tjlÌẽ nopga tjeng lÌi kong ga «Pjãy kong lÌlÌëbo kjakrokër kjrina. ¿WoshtozlÌong dbaryo ga lÌlÌëye shäryëy oblÌë kong ga pjlÌú? ¿LÌlÌëbo pjlÌúre, de lÌlÌëbo owa? ¿Ãre dbaryo ga kjlÌara buk ba lÌlÌëmdo shinmotkë wlÌo ga lÌlÌëye shäryëy? ¿Wẽyẽre, de kjimtëy?» lÌe. 10 Eshko ga lÌöng ba zlÌong bäng pjribri lÌi Ä©na uunkong, ga tjlÌẽ swlÌo lÌi kong ga «Pja orkwo roshwÄ©zong» lÌe. Kuya ga shäryara eni, ga ba orkwo poptono beno pjlÌúe. 11 Gueniyo ga nopga lÌöng lÌi iirkono ara, tjlÌẽ lÌok ëng kong ga «¿LÌlÌëye shäryëy Jesús kjwe kong ga pjlÌú?» lÌe. 12 Eshko dbaryo ga Jesús opshino to jem shäng dlÌup jong kjwara bigdo go, syõshtë Sbö kong wlÌo, ga syõshtono shkëe. 13 Wẽshko kjok shröng ga ba oppinggaga rokara tek lÌöng ba zlÌong bäng. Eshko ga kjrara doglÌo sak kjwara kjingsho pjök (12), ber lÌöng Sbö tjlÌõkwo roy lÌaga ba ãska wlÌo. Epga ko lÌok eni: 14 Simón, e koiara beno Pedro; Andrés, e Simón lÌëng; Santiago; Juan; Felipe; Bartolomé; 15 Mateo; Tomás; Santiago, e Alfeo wa; Simón, e zelote; 16 Judas, e Santiago wa; Judas Iscariote, e Jesús soynega. 17 E irgo ga Jesús to ter dlÌup lÌi dwayo ba oppinggaga kjrara lÌi tjok, ga öötong lÌöng sdam lÌëkong. Eshko ga nopga tjeng träk lÌlÌëm, opping ba tjok wlÌo. Nopga shrono lÌöng ara ba kuk wlÌo, ba swlÌo lÌlÌë lÌi popte wlÌo bakoe. Shrono lÌöng lÌi, e Judea sopga, Jerusalén sopga, Tiro sopga, Sidón sopga bakoe. Tiro kjokyo, Sidón kjokyo, e tjeng dlÌung sor go. Ãye tjeng eshko goshko à sëyaga ga e poptara Jesúsdë. 19 Eshko ga ëye ba shwong porwono ga poptono ba dbo kësbang go. E kjÄ©shko ga uunkong wotjlÌÄ©k lÌok ba porwë lÌe. 20 Eshko ga ba oppinggaga Ä©ya Jesúsdë ga tjlÌẽ ba kong ga «Nopga song wlÌeniyo, pjãy ber wopjlÌú, Sbö ber bomi pjlÌuyo kjÄ©shko. 21 Pjãy lÌöng pjlÌi ara wlÌeniyo, pjãy ber wopjlÌú, lÌlÌono ga pjãy ber lÌöng bö tjung kjÄ©shko. Pjãy lÌöng slÌar ëë wlÌeniyo, pjãy ber wopjlÌú, lÌlÌono ga pjãy ber lÌöng jar kjÄ©shko. 22 Pjãy Ä©ywaba shjiktëng, pjãy wlÌokjrëba lÌlÌëm, pjãy lÌãywëba owa, bomi ko e owa lÌëba, shäryëba eni no to ter kjok dogo dwayo ëre kjÄ©shkoshko ga pjãy ber wopjlÌúe. 23 Eni ga pjãy äär kjok dogoshko ga pjãy potjwlÌẽn ara. E kjÄ©shko ga shäryëba owa bomi kong enishko ga pjãy woydë lÌlÌëme. Pjãy ber woowa lÌlÌëm dey. SglÌik lÌëmi, öö lÌëmi ara, pjãy lÌöng wopjlÌú kjÄ©shko bakoe. Dënashko ga Sbö tjlÌõkwo lÌagaga shdunaba eni bakoe. 24 Gueniyo ga pjãy nopga dbur ara wlÌeniyo, pjãy song jlÌõ, lÌlÌono ga pjãy lÌöng pjlÌú dbaryo lÌi pjitong kjÄ©shko. 25 Pjãy lÌöng bö tjung wlÌeniyo, pjãy song jlÌõ, lÌlÌono ga pjãy ber lÌöng pjlÌi ara kjÄ©shko. Pjãy lÌöng jar wlÌeniyo, pjãy song jlÌõ, lÌlÌono ga pjãy ber lÌöng slÌar ëë kjÄ©shko. 26 Pjãy poshrëkoba arashko ga pjãy song jlÌõe. Dënashko ga nopga to lÌöng tjlÌẽ ga “Tja Sbö tjlÌõkwo lÌaga” lÌe, gueniyo ichaga Sbörë lÌlÌëme. Eshko ga epga poshrëraba ara bakoe. 27 »Gueniyo ga lÌër pjãy bor kuga lÌi kong ga bomi moskwoga woydozÄ© ara. Ãye, pjãy Ä©ywa shjiktëng ga kong lÌlÌëbo shäryozÄ© pjlÌú dey. 28 Ãye wotjlÌÄ©k owa bop tjok ga pjãy wotjlÌÄ©k pjlÌú ba tjok. Ãye, pjãy bokrotke ga pjãy syõshtë Sbö kong ba kjÄ©shko dey. 29 Pjãy kwomso shpora oblÌërë pjlÌara ga kalÌëkong twëmi ba kong, shpoya wlÌo bakoe. Bomi shwong kop lÌëkong döra ga bomi shwong ter lÌëkong twëmi ba kong bakoe. 30 à pogo tjwe bomi shwoy lÌlÌëbo rokë ga twëmi ba kong. LÌlÌëbo döra bop shjiryo ga wẽyẽ. 31 Pjãy lÌlÌëbo shäryos oblÌë kong, woydëmi ga shärye lÌok bomi kong sorë ga eni. 32 »¿Bomi woydagaga woydomirë dö wlÌeni ga pjãy potjwlÌẽkklÌo lÌlÌë lÌëmiro? Nopga owa ëmdë ga omshäryë e kjoyoe. 33 ¿Bomi kjimtagaga kjimtomirë erö ga pjãy potjwlÌẽkklÌo lÌlÌë lÌëmiro? Nopga owa ëmdë ga omshäryë e kjoyo bakoe. 34 ¿Dbur poskwomi, tjwlÌõ shimi iröng wlÌo dö ga pjãy potjwlÌẽkklÌo lÌlÌë lÌëmiro? Nopga owa ëmdë ga omshäryë e kjoyoe. 35 Eni lÌlÌëme. Nopga kong lÌlÌëbo shärye Sbörë pjlÌú bako, “Tja kjimtara Sbörë” lÌe lÌlÌëm gueniyo. E kjÄ©shko ga bomi moskwoga woydozÄ© ara. LÌlÌëbo shäryozÄ© pjlÌú ba kong. Dbur poskwõzÄ© oba kong, ga tjwlÌõ shimi lÌlÌëme. Eni ga bomi potjwlÌẽkklÌo ber kësbange. Ga pjãy ber lÌöng Sbö TjwlÌõ Kësbangyo lÌi wapga jlÌõkoyo. 36 Pja songe lÌe bomi Datarë oba kong. Pja songe lÌozÄ© oba kong eni bakoe. 37 »“No oblÌë lÌlÌëbo owa shäryono” lÌëy ë kong lÌlÌëme. Eni ga “Pjãy lÌlÌëbo shäryono owa” lÌe Sbörë bomi kong lÌlÌëm bakoe. “Pja shdungko” lÌëy ë kong lÌlÌëme. Eni ga “Pjãy shdungko” lÌe Sbörë bomi kong lÌlÌëm bakoe. LÌlÌëbo shäryara oblÌërë bomi kong owa lÌi iozÄ© ber tjwlÌõ lÌlÌëme. Eni ga owa pjang bomi go lÌi lÌöÌya Sbörë ber dret eni bakoe. 38 Oba sëÌzÄ©a. Eni ga pjãy sëÌya Sbörë bakoe. Pjãy kong lÌlÌëbo twe bayo ara, so resgwo bapkwo tjung kjoyo, resgwo bapkwo lÌi roshko resgwo yoroy, kjing lÌlÌiy or go, sigwo yoy ber lÌlÌiktëng wlÌo, kjing goshko iëy jek obi, ber tjung kjopkwo shopte jong om go wlÌeni. Shäryëmi oblÌë kong sorë ga shärye Sbörë bomi kong eni bakoe» lÌe. 39 E irgo ga tjlÌẽno ba kong lÌlÌëbo jyãglÌo go obi. TjlÌẽ ga «Nopga tjeng do pjök kjok Ä©gö lÌlÌëm wlÌeniyo. ¿KjlÌara wlÌosöya ba kjlÌara lÌirë lÌe ga lÌon jer tjeng pjöyÄ©kong pjlÌëbgwo kjwaraso roy lÌlÌëmdo? 40 Oppinggaga tjwlÌõ ara, ba pingga kjinmo lÌlÌëme. Gueniyo ga oppino pjirshko ga äär ber ba pingga dik. 41 »Bomi kjlÌara bok bäng kjor pjlÌoyo Ä©mi kjër. E wopro ga bomi bok roshko kjorkwang buk kjwangna lÌi Ä©gömi lÌlÌëme. ¿Shäryëmi eni egaro? 42 ¿Kjorkwang buk bomi bok roshko lÌi Ä©gömi lÌlÌëm ga “Kjor pjlÌoyo buk bop bok bäng kjwe shir bop kong” lÌëmi bomi kjlÌara kong sorëro? ¡Pjãy Sbö tjlÌõkwo söga jlÌõkoyo lÌëmi, gueniyo pjãy wotjlÌÄ©k owa bomi pjlÌúshko! Kjorkwang buk bomi bok roshko lÌi shizÄ© bäm go. Enira kjor pjlÌoyo buk bomi kjlÌara bok bäng lÌi Ä©gömi wẽlÌë, shimi ba kong wlÌo. 43 »Kjor doyo pjlÌú ga botjyë ga owayo drete. Kjor doyo owa ga botjyë ga pjlÌúyo dret bakoe. 44 Kjor, e sorë miydëy ba bo go. Kjor bo kjrëy shklÌik doyo go lÌlÌëme. KjilÌlÌgwo bo kjrëy shkö sho doyo go lÌlÌëm bakoe. 45 No pjlÌú ga tjlÌẽ pjlÌú, wotjlÌÄ©k pjlÌú ba pjlÌúshko kjÄ©shko. No owa ga tjlÌẽ owa, wotjlÌÄ©k owa ba pjlÌúshko kjÄ©shko bakoe. LÌlÌëbo tjeng bomi pjlÌúshko lÌomirë bomi kjamo go. 46 »Pjãy tjlÌẽ bor kong ga “Pja bor TjlÌapga jlÌõkoyo” lÌëmi, gueniyo tja kolÌëmi lÌlÌëme. ¿Shäryëmi eni egaro? 47 Ãye tjwe bor shwoy, tja tjlÌõkwo kuya, ga lÌlÌëye lÌoror lÌi shärye ga e so domer u ywaga kjlÌara kjoyoe. U shäryarashko ga shwlÌeyo pjlÌona rong, ga ak iara ba so bäng pjribrie. Shäryara pjir ga di to jer, pjono u lÌi goshko ga to wito lÌlÌëm, u lÌi shäryara pjlÌú kjÄ©shko. 49 Gueniyo ëye, tja tjlÌõkwo kuya, ga lÌlÌëye lÌoror lÌi shärye lÌlÌëm ga e so domer u ywaga oblÌë kjoyoe. U shäryarashko ga ba shwlÌeyo pjlÌona uriso, rong lÌlÌëme. Shäryara pjir ga di to jer, pjono u lÌi goshko ga skwara pjir, söra dirë drete» lÌe.