Jonás 2
WBT1 Eni ga Jonás sök mã lÌi bö roshkoshko ga syõshtono ba Sbö Jehová kong. TjlÌẽ ga 2 «Jehová, tja woydëshko ga pja rokoror, ga tja kar dboryorop. Tëm dlÌung dorong dwayo, tja wolÌon döröshko ga pja rokoror, ga tja kurop. 3 Tja ichorop jer dlÌung dorong, ga tja popnena dlÌung mäs lÌirë. Ba pjlÌublÌún këskës lÌi to jek bor kjing go. 4 Kur ga tja iorop beno sök tjoksa. Bop u Ä©n ame lÌoror. 5 Tja jnena dlÌung dyorë uunkong, tja kjingara dlÌung rong lÌirë, dlÌung kjlÌo sho oplÌlÌgwing jong bor dlÌu go. 6 Tja oplÌono jer öötong shäng dlÌung dlÌupyo jer äärshko. Kur ga tja shduna, iara beno sök eshko Ä©yado. Gueniyo ga tja wolÌontoshko ga tja dörop. Pja bor Sbö Jehová. 7 Kur ga tja wolÌon döröshko ga Jehová, pja woyoshroror, ga bor syõ öötong bop shwoy, öötong bop u jong lÌishko. 8 Ãye mär sböpga jyãglÌo go ga kjimtëp ame. 9 Gueniyo bor tjlÌõkwo pjlÌú go ga lÌlÌëbo sör, twër ber bop kong. LÌlÌëye lÌoror bop kong jlÌõkoyo lÌi shäryër eni. ¡Jehová, bor döga lÌi pja eröe!» lÌe. 10 Eni ga mã lÌi ichara Jehovárë Jonás tjwë dlÌung kjako.