Génesis 8

1 Eshkoshko ga Noé woyojera Sbörë lÌlÌëm, öng, äya kjlÌoshko so, e lÌöng ba tjok kjyong roy lÌi woyojera lÌlÌëm bakoe. Eni ga pjlÌuk ichara di kjing go kjrina. Wop sira ga di klÌän jer iröng obi. 2 DlÌung kësbang buk kjok dorong dlÌoktong lÌi sjëktong, ga shunyo ter shrono kjok dogo dwayo ame bakoe. 3 Eni ga di klÌän jer jong worae. Kjok ëre piktong beno dbargwo sak dbäw kjingsho sak shkëngshko (150) ga di klÌäno jer dëgong. 4 Mok kjäk (7), dbar sak kjwara kjingsho kjäk (17) dbaryo ga kjyong lÌi dano beno buk Ararat kjokyo, dlÌup lÌëkong. 5 Eshko ga di klÌäno jer dëgong obi. Ga öötong mok sak kjwara (10), dbar kjwara dbaryo ga dlÌup lÌlÌë kjókshko lÌi dlÌup dbo go Ä©ya ga wen lÌok wẽlÌëe. 6 Ãötong dbargwo sak pkëng (40) obi ga Noé sökshko ga u bäng shäryara lÌi döra. 7 Ga sënwa shira kjwara so ëp uaga kjoyo, ga ichara dbuk pjang jek lÌë, tek lÌë, kjok dano lÌi koshë. 8 E irgo ga sënwa shira kjwara obi, e dunggwo shara, klÌung kjing di dano beno buk dogrore Ä©k wlÌo. 9 Gueniyo shto wlÌẽno opyë wlÌo ga ä, klÌung buk lÌi kjing go di obi kjÄ©shko. Eni ga shrono iröng obishko ga Noé orkwo shino kjoko, ga kjrara, iara jek ba shtoshko. 10 Koshara dbargwo kjäk (7) irgo ga dunggwo ichara jek kjwara obi. 11 Kjok ro zar kjwlÌë ga dunggwo lÌi shrono tek pjang iröng, kjor korga tjaglÌën söra tjeng kara ba kowo go. Miydara e go ga klÌung dogrotkë jeke. 12 Koshara dbargwo kjäk (7) obi irgo ga dunggwo ichara jek kjwara obi, ga shrono ame. 13 Noé lÌu pjlÌoglÌo sak dbäw pjlÌoglÌo tjer kjingsho kjwarashko (601) ga di beno klÌung kjing go ame. Mok kjlÌara, dbar kjwara dbaryo ga kjyong lÌi kjing, e kjara ga Ä©ya ga klÌung kjing lÌi beno buk dogroe. 14 Ãötong mok pjök, dbar sak pjök kjingsho kjäk (27) dbaryo ga klÌung dano beno buk kjange. 15 Eni ga Sbö tjlÌẽ Noé kong ga 16 «Pja opshis kjyong wlÌe roy dwayo, bop boy, bop wapga, bop pjlÌaydoga tjok. 17 Ãng, äya kjlÌoshko so, sënwa, e tjeng bop tjok kës lÌi shis dret bako, shdär ber lÌöng kjok kjwang jÄ©kong wlÌo» lÌe. 18 Kuya ga opshino kjyong roy dwayo, ba boy, ba wapga, ba pjlÌaydoga tjok. 19 Ãng, äya kjlÌoshko so, sënwa, e lÌöng oblÌë oblÌë eshko lÌi opshino tjë jÄ©kong bakoe. 20 E irgo ga Noé akkwo töno dlÌuw ëng kjing go kjókshko, ga öng zröra, sho sura e kjing go, pjono dret, Jehová poshrëkklÌo. Ga öng uako wlÌeniyo shara oblÌë oblÌë kjlÌara kjlÌara, sënwa uako wlÌeniyo shara oblÌë oblÌë kjwara kjwara bakoe. Eshko ga zröra uunkong, ga sho sura Jehová kong. 21 Ãng sho sura lÌi lÌõ beno pjlÌú, owa lÌlÌëm Jehová kong. Ga wotjlÌÄ©k ga «Nopga, e tek miteshko ga wotjlÌÄ©k lÌlÌëbo owa shäryë eröe. Eni ëmdë ga kjok ëre äyoshtër nopga lÌi kjÄ©shko ame. Ãng kës, äya kjlÌoshko so kës, e pjiror sorë ga shäryër eni ame bakoe. 22 »Kjok ëre pjang obishko ga dwlÌa dgozlÌong dbaryo tjok, dwlÌa bo kjrozlÌong dbaryo tjok, kjok kjlÌik dbaryo tjok, kjok zengteng dbaryo tjok, shunyo dbaryo tjok, dlÌo të dbaryo tjok, dba tjok, shkë tjok bakoe» lÌe.