Génesis 37

1 Jacob beno sök Canaán kjokyo, dëna ba data sökshko. 2 Ãre Jacob pjeyoga to tek jong sorë, e lÌanyo. José lÌu pjlÌoglÌo sak kjwara kjingsho kjäkshko (17) ga shäng öng ushko so dë ba shjiyga tjok. Ba shjiyga mekë ko Bilhá, Zilpá, ba data boyga oblÌë ba parkagaga wlÌeniyo. LÌlÌëbo shärye ba shjiygarë owa lÌi roy söya tjwe, lÌe ba data kong. 3 José bukshko ga Jacob tjlÌablÌa kuzong ga José woyde ba datarë ara, ba wapga oblÌë kjinmo. Ga kong shwong sera kara wolÌësowae. 4 Ĩya ba shjiygarë ga woyde ba datarë ara ba kjinmo ga Ä©ywa lÌok shjiktëng, tjlÌẽ lÌok ba kong lÌlÌëme. 5 PjlÌara ga José yoÄ©no, ga tjlÌẽ ba shjiyga kong ga «Tja yoÄ©no lÌlÌë lÌër bomi kong. ¡Tja kuzÄ©a! Tja yoÄ©k ga shji uunkong öötong lÌöng bi pakshko ga dwlÌa bo doyo diy lÌöng kjlÌara Ä© kjrina kjrinae. Ĩn ga botoya kojono beno jong bek, ga bomipjõy tek lÌok botoya zlÌong, ga kjujono ba kong» lÌe. 8 Kuya lÌok ga Ä©ywa lÌok shjiktëng ara anmoyõ, ga tjlÌẽ ba kong ga «¿Pja wotjlÌÄ©k ga pja ber borwa pjlÌuyo, tjawa ichëp wlÌo lÌëpde?» lÌe. Eni ga woydara lÌok lÌlÌëm jek këgong ara anmoyõ, yoÄ©no lÌi kjÄ©shko, lÌara ba kong lÌi kjÄ©shko bakoe. 9 E irgo ga José yoÄ©no jek pjlÌara obi, ga tjlÌẽ ba shjiyga kong ga «Tja yoÄ©k ga dlÌo, mok, dbala kop sak kjwara kjingsho kjwara (11) kjujono bor kong» lÌe. 10 LÌara ba data, ba shjiyga kongshko ga kuya ba datarë ga iirkorgö, ga tjlÌẽ ba kong dbo go ga «¿Pja yoÄ©no, e lÌlÌë lÌoklÌoro? ¿Tja, bop mekë, bop shjiyga, tjawa tjwe lÌöng bop zlÌong, kjujong bop kong wlÌo lÌëpde?» lÌe. 11 Ga Ä©ywa ba shjiygarë shjiktëng erä. Gueniyo yoÄ©no lÌi woyotjlÌÄ©ya ba datarë arae. 12 Dbar kjwara ga Jacob öng lÌi söra José shjiygarë jek Siquén kjokyo, kjlÌo sho tjok lÌishko. 13 Eshko ga Jacob tjlÌẽ José kong ga «Bop shjiyga lÌöng öng dë Siquén kjokyo. E kjÄ©shko ga pja nom ba Ä©k eshko» lÌe. Kuya ga «JölÌö. Tja to Ä©k» lÌe. 14 Kuya ga tjlÌẽ ba kong ga «Pja nome. Bop shjiyga lÌöng sorë, bor öng lÌöng sorë Ä©p yõtso, ga roy söp bor kong iröng obi» lÌe ba kong, ga ichara jek Hebrón sdamyo lÌëkong dwayo. Ãötong shäng Siquén kjokyoshko ga 15 jeno shäng ey. Eni ga domer weno shäng kjlÌara, ga tjlÌẽ ba kong ga «¿LÌlÌëye wlÌẽpdë shängdo?» 16 «Tja to shäng bor shjiyga wlÌẽk. ¿LÌöng öng dë kjone lÌëp bor kong ga buere?» lÌe ba kong. 17 Kuya ga tjlÌẽ ba kong ga «Opshino to tjän. Gueniyo kuror ga “Shji to Dotán kjokyo” lÌara lÌok ëng kong yẽ» lÌe. Kuya ga jek ba shjiyga irgo, ga wlÌẽya lÌöng Dotán kjokyo. 18 Ĩya ba shjiygarë pjola dwayo ga 19 tjlÌẽ ëng kong ga «¡ĨzÄ©a! YoÄ©ga döröe. 20 Kjweri kjwe zröy. Pjir ga dbuy di bäng roy, ga uara äya kjlÌoshko sorë lÌëy eni. Eshko ga lÌlÌëye wen ba yo lÌi tjok Ä©y» lÌe lÌok ëng kong eni. 21 Kuya ba shjiy Rubéndë ga ba lÌëng wlÌike lÌara. Ga tjlÌẽ ba lÌëmga kong ga «Zröy lÌlÌëme. 22 Shji srëng kwong lÌlÌëme. Shji or ië ba go lÌlÌëm bakoe. DbuzÄ© jer di bapkwo pjlÌëbgwoyo kjwe roy dey» lÌe. WotjlÌÄ©no ga döni ga shiya om go ey dwayo, ga söya jek äär ba data shwoy iröng obi lÌara. LÌara ba lÌëmga kong eni e kjÄ©shko. 23 E irgo ga José öötong shäng ba shjiyga lÌöngshko ga ba shwong pjang ba do go wolÌësowa lÌi skwara lÌok ba shjiryo, 24 ga ba lÌëng lÌi shara lÌok, dbura jer di bapkwo pjlÌëbgwoyo jong eshko lÌi roshko. Eshko dbaryo ga roy di drete. 25 E irgo ga sirkeno lÌöng ië. Eshko ga Ä©ya lÌok ga nopga tek lÌöng träk lÌlÌëme. Epga Ismael tjëyoga tek Galaad kjokyo dwayo jongya Egipto kjokyo. DwlÌo poshtikklÌo lÌõ pjlÌëblÌë söra oblÌë oblÌë, ba öng lÌlÌëbo shgoklÌo këskës kjing go, dlÌi mokyo söra bakoe. 26 Eni ga Judá tjlÌẽ ba pjeyoga kong ga «Shji wotjlÌÄ©k bi kjlÌara zrök. E irgo ga jney ber miydëba lÌlÌëm wlÌo. ¿LÌlÌëye shjiy e go? 27 Bi kjlÌara obi kjÄ©y ga zröy lÌlÌëme. Soyney Ismael tjëyoga tek lÌöng wlÌe kong dey» lÌe. Kuya lÌok ga «PjlÌúe» lÌe lÌok ëng kong. 28 LÌlÌëbo soynega lÌi öötong lÌöng eshko ga José shira ba shjiygarë di bapkwo pjlÌëbgwoyo lÌi roy dwayo, ga soynena Ismael tjëyoga lÌi kong, dbur sho pjlÌublÌún kjwo sak pjök (20) ãska, ga söra lÌok to Egipto kjokyo. 29 Rubén tjwe iröng di bapkwo pjlÌëbgwoyo jong lÌishko ga José wlÌẽya ga drete. Eni ga slÌatong ara, ga ba shwong dwlÌëkza tjã tjã erä, woydë ara kjÄ©shko. 30 Jek äär ba lÌëmga tjeng lÌishko ga tjlÌẽ ba kong ga «Bi lÌëng shäng ame. ¿Era lÌlÌëye shäryër?» lÌe. 31 Eni ga öng zröra lÌok kjlÌara, ga José shwong lÌi kjrara, shtira öng srëng lÌi go. 32 Pjir ga söra lÌok jek ba data kong, ga tjlÌẽ ba kong ga «Shwong ëre wlÌẽnorwa. ¿Bop wa Ä©re? ¡Ĩzong!» lÌe. 33 Ĩya ga tjlÌẽ ba kong ga «Kjwe bor wa shwong jlÌõe. Zröra äya kjlÌoshko sorë, ga uarae» lÌe. 34 Eni ga Jacob ba shwong dwlÌëkza tjã tjã, ga shwong pjuno oblÌë sopok wlÌo, ga ba wa wolÌono ga slÌoywara dbar kop ara. 35 Data slÌar ëë ga wojeya ba wapga uunkongdë, gueniyo wojer lÌlÌëme. SlÌar ëë ba wa kjÄ©shko, ga tjlÌẽ ga «Tja wojer lÌlÌëme. Woyoshrër Ä©yado. Tja wolÌonoshko ga pjir ber eshko» lÌe. 36 E wopro ga José söra Ismael tjëyogarë öötong lÌöng Egipto kjokyo. Eshko ga domer shäng kjlÌara ko Potifar. E Egipto so pjlÌuyo u daga kägäyo. Ga José soynena lÌok ba kong.