Génesis 35

1 E irgo ga Sbö tjlÌẽ Jacob kong ga «Pja shäng Esaú töywëshko ga tja weno shäng bop kong Betel kjokyo. Pja nom sök eshko shara, ga akkwo töm dlÌuw ëng kjing go kjókshko, bor poshrëkklÌo» lÌe. 2 Eshko ga Jacob tjlÌẽ nopga tjeng ba tjok kës lÌi kong ga «Bomi sböpga jyãglÌo tjeng uunkong, shizÄ©, dbuzÄ© drete. Pjãy nom wë, pja shwong kjlÌopswë oblÌë. Shäryëmi eni, pjãy Sbö poshrëk ga pjlÌú wlÌo. 3 Pjir ga shji to Betel kjokyo. Eshko ga tja akkwo töng dlÌuw ëng kjing go kjókshko, Sbö poshrëkklÌo. Tja jek shäng song, woydëshko ga tja kjimtara. Tja jëk kjone pogo ga e shäng bor tjok Ä©yado» lÌe. 4 Kuya lÌok ga ba sböpga jyãglÌo lÌi twara ba kong dret, ba kwomgwo ioklÌo söya lÌok lÌi twara ba kong bakoe. Eshko ga kjor jong kjlÌara kësbang, Siquén kjokyo zlÌong, ga lÌlÌëbo twara ba kong kës lÌi pjlÌona Jacobdë uunkong klÌung roshko, kjor lÌi dorko. 5 Opshino jek lÌöngshko ga kjok eshko sopga iara Sbörë beno lÌöng kjok bangkjrë arae. E kjÄ©shko ga Jacob wlÌo irpjana lÌok lÌlÌëme. 6 Eshko ga öötong lÌöng Luz kjokyo, e ko Betel bakoe. E Canaán kjokyo obi. 7 Eshko ga Jacob akkwo töno dlÌuw ëng kjing go kjókshko, Sbö poshrëkklÌo. Ba shjiy töyweshko ga Sbö weno shäng ba kong eshko kjÄ©shko ga kjok eshko kowara beno El Betel. 8 Eshko ga Rebeca daga Débora lÌi wolÌono, ga jnena lÌok klÌung roshko, kjor jong kësbang eshko lÌi dirko, ga kjok eshko kowara Jacobdë beno Alón Bacut. 9 Kjok eshko ga Sbö weno shäng ba kong obi, ga tjlÌẽno beno pjlÌú ba kong. 10 TjlÌẽ ga «Pja ko Jacob, gueniyo pja ko eni ame. Eeri jek lÌëkong ga pja ko ber Israel shara» lÌe. Koiara eni pjir ga 11 tjlÌẽ ba kong obi ga «Tja ëre Sbö, lÌlÌëye shäryër woydë lÌi shäryër ga pjlÌúe. Pjãy wapga wenzong ara, bop tjëyo tek ber bop irgo lÌi shdär ber träk lÌlÌëm wlÌo. Epga ber lÌöng tjëyoga oblÌë oblÌë, ga tjë jÄ©kong ber lÌöng tjëyo kjrinaso. E tjrëko pjlÌupga wen. 12 Kjok tworor Abraham, Isaac kong lÌi, e twër bop kong, bop tjëyo tek ber bop irgo lÌi kong bakoe» lÌe. 13 LÌara eni pjir ga to ey dwayo. 14 Eshko ga Jacob ak kjrono kjwara, poyona, ga iara beno jong kojong, Sbö tjlÌẽno ba kong lÌishko. E irgo ga ak lÌi kjing go kjyo tyara, kjilÌlÌgwo bo dyo tyara bako, e ber jong dboy Sbö kong wlÌo. 15 Ga kjok eshko kowara beno Betel. 16 E irgo ga to eshko dwayo. Ga Efrata kjokyo beno pjola obishko ga Raquel shara swlÌorë, gueniyo wlÌoshko tjeng ga ä, beno buk owa. 17 SwlÌo arashko, chida buk döröshko ga ba kjimtaga tjlÌẽ ba kong ga «LÌlÌëye bangkjrëp lÌlÌëme. Buk domer obi» lÌe. 18 Raquel beno buk ba lÌlÌëmdo, ga tjlÌẽ ga «Koiër Benoni» lÌe. Gueniyo koiara ba datarë Benjamín shara. 19 Eni ga Raquel wolÌono, ga jnenaba beno buk irbo jek jong äär Efrata kjokyo lÌi sor go. Efrata kjokyo, e ko Belén bakoe. 20 Ba sak lÌi kjing go Jacob ak kojono beno jong kjwara, ba jyãglÌo. Eerishko ga jong eshko wẽlÌë obi. 21 E irgo ga Jacob wlÌo irbo shano to öötong lÌöng Migdal Edar kjokyo pjlÌor kalÌëkong. 22 LÌöng kjok eshko wopro ga Rubén öör pono ba data boy oblÌë ba parkaga wlÌeniyo ko Bilhá tjok. Miydara ba datarë ga iirkono tira lÌlÌëme. Jacob wapga Jacob wapga domerga doglÌo sak kjwara kjingsho pjök (12). 23 Lea tjok, e Jacob wa domer bäm Ä©yo Rubén, Simeón, Leví, Judá, Isacar, Zabulón. 24 Raquel tjok, e José, Benjamín. 25 Raquel parkaga Bilhá tjok, e Dan, Neftalí. 26 Lea parkaga Zilpá tjok, e Gad, Aser. Ãre Jacob wapga weno tjeng Padán Aram kjokyo. 27 Era Jacob öör ba data Isaac Ä©k, Abraham, Isaac dënashko ga lÌöngshko lÌi kjokyo ko Mamré. Mamré kjokyo, e ko Arbá, ko Hebrón bakoe. 28 Isaac lÌu Ä©no öötong sak dbäw kjingsho sak kjwongshko (180) ga wolÌonoe. 29 TjlÌablÌashko ga wolÌono, ga töno ba pjeyo shinmoga tek dënashko so tjok. Eshko ga iara ba wapga Esaú, Jacobdë beno buk sakshko.