Génesis 27

1 Isaac öötong tjlÌablÌashko ga beno sök kjok Ä©gö ame. PjlÌara ga ba wa këguëyo rokara, ga tjlÌẽ ba kong ga «Esaú.» «¿LÌlÌë?, data» lÌe ba kong. 2 TjlÌẽ ga «Miydëp pjlÌú ga tja tjlÌablÌa tjän, tja wolÌon döröe. 3 E kjÄ©shko ga bop sböng kjros, bop könkowo tjok, ga pja nom wlÌorkë pjö glÌoroy, äya kjlÌoshko so uako wlÌeniyo zröp kjlÌara. 4 Zrörop ga sho shäryëp bor kong yõtso, woydër sorë lÌi eni. Ga söp bor kong, uër wlÌo. Eshko ga tja wolÌontë lÌlÌëm obishko ga tjlÌõkwo lÌër ber pjlÌú bop kong» lÌe. 5 Gueniyo Isaac tjlÌẽ sök Esaú kong lÌi kura Rebecarë. E kjÄ©shko ga Esaú to pjö glÌoroy wlÌorkë äya kjlÌoshko so uako wlÌeniyo zrök ba data kong wopro ga 6 Rebeca tjlÌẽ ba wa iröng lÌi kong ga «Jacob, tja kuzong. Bop data kuror sök tjlÌẽ bop shjiy kong ga 7 “Ãya kjlÌoshko so uako wlÌeniyo zröp kjlÌara, ga lÌip bor kong yõtso, uër wlÌo. Eshko ga tja wolÌontë lÌlÌëm obishko ga tjlÌõkwo lÌër ber pjlÌú bop kong Jehová bokshto” lÌe. 8 E kjÄ©shko ga lÌlÌëye lÌër bop kong lÌi kus yõtso. 9 Pja nom öng kjëryo roy, ga tja kong shwlÌing ushko so owa lÌlÌëm wlÌeniyo tek söp do pjök. Woyde bop datarë sorë ga shäryër ba kong eni. 10 E irgo ga söga pjarë om go, ue wlÌo. Eni ga wolÌontë lÌlÌëm obishko ga tjlÌõkwo lÌe ber pjlÌú bop kong» lÌe. 11 Kuya ga tjlÌẽ ba kong ga «Bor shjiy, e poglÌo zok ara, tja eni lÌlÌëme. 12 Tja porwara bor datarë wlÌeni ga miyde ga tja lÌe. Eni ga e ioror beno tjwlÌõ lÌlÌëm wlÌeni lÌe. Eshko ga tjlÌõkwo lÌe ber pjlÌú bor kong wlÌo lÌi, e lÌe ber owa shara» lÌe. 13 Kuya ga tjlÌẽ ba kong ga «¡Tja kuzong! TjlÌõkwo lÌe ber owa bop kong lÌi, e ber bor kong dey. LÌlÌëye lÌër bop kong lÌi shäryozong. ShwlÌing ushko so lÌi tek sözong» lÌe. 14 Kuya ga öör öng lÌi kjrë, ga söra jek ba mekë kong. E irgo ga lÌira, shäryara beno uak owa lÌlÌëm, woydara Isaacdë sorë lÌi eni. 15 Esaú shwong jnek tjeng, e shira, ga Jacob doyara e go. 16 E irgo ga poglÌo zok lÌlÌëm kjÄ©shko ga ba orkwo popgara öng lÌi kwota go, ba kjwlÌingdo bakoe. 17 Ãng sho shäryara owa lÌlÌëm lÌi twara ba kong, pjlÌung shosho sura, twara ba kong bakoe. 18 Eni ga Jacob opzrëno jek ba data bukshko, ga tjlÌẽ ga ba kong ga «Miga data.» «Kjobe. ¿Pja bor wa kjone dey?» 19 «Tja Esaú, bop wa këguëyo. LÌlÌëye lÌorop bor kong lÌi shäryoror pjire. Pja kojõs sira, pja sirkes sök töshko. Sjëng zröror, shäryoror ëre uozong. Ga tjlÌõkwo lÌëp ber pjlÌú bor kong» lÌe ba kong. 20 Kuya ga tjlÌẽ ba kong ga «¿WlÌẽnop malÌing sorë?» «Bop Sbö Jehová, tja kjimtara ba wlÌẽk malÌinge» lÌe ba kong. 21 Kuya ga tjlÌẽ ba kong ga «Pja tek nogo sit, pja porwër wlÌo, pja bor wa Esaúre miydër wlÌo» lÌe. 22 Kuya ga tek shrono shäng ba data zlÌong. Eshko ga poglÌo kura ba datarë, ga tjlÌẽ ba kong ga «Bop tjlÌẽ lÌi Jacob Ä©, gueniyo bop orkwo lÌira Esaú ĩ» lÌe. 23 Eni ga ba orkwo lÌi zok ara Esaú Ä© kjoyo kjÄ©shko ga e ë to miydara ba datarë lÌlÌëme. Gueniyo lÌlÌëbo ber pjlÌú ba kong lÌaydeshko ga 24 tjlÌẽ ba kong jek obi ga «¿JlÌõkoyo ga pja bor wa Esaúre?» «Ãng. Tja Esaú» lÌe Jacobdë. 25 Eni ga ba data tjlÌẽ ba kong ga «DlÌi shäryorop bor kong lÌi tek sös bor kong uër wlÌo. Eshko ga tjlÌõkwo lÌër ber pjlÌú bop kong» lÌe. Kuya ga sëna, ga kjilÌlÌgwo bo dyo dbo ara twara ba kong bakoe. Uara, iara pjir ga 26 tjlÌẽ ba wa kong ga «Pja tek bor zlÌong. Tja lÌõ shizong» lÌe. 27 Kuya ga jek öötong shäng ba zlÌong ga shwong lÌõ shira ba datarë. Eshko ga Isaac tjlÌẽno beno pjlÌú ba kong. TjlÌẽ ga «Bor wa, e poglÌo lÌõ klÌung kjimtara Jehovárë lÌi kjoyoe. 28 Pja kjimte Sbörë, tjong borya ter kjok dogo dwayo, bop dwlÌa lÌlÌë dgorop lÌi wen pjlÌú, owa lÌlÌëm wlÌo. 29 Pja parkaga ber ara, ga tjëyoga oblÌë oblÌë kjök tok bop bokshto. Bop pjeyoga pjlÌolÌlÌgwega ber pjarë, ga kjök tok bop bokshto bakoe. Ãye wotjlÌÄ©k owa bop kong ga Sbö wotjlÌÄ©k owa ba kong bebi. Ãye wotjlÌÄ©k pjlÌú bop kong ga Sbö wotjlÌÄ©k pjlÌú ba kong bebi bakoe» lÌe. 30 LÌara eni pjir ga Jacob opshik jek shäng kjwlÌë ba data sökshko ga Esaú tek tjwe shäng pjö glÌoroy dwayo, 31 ga sjëng kjlÌoshko so zröno lÌi shäryara uak owa lÌlÌëm bakoe. E irgo ga söra ba data kong, ga tjlÌẽ ba kong ga «Data, pja kojõs sira. Sjëng kjlÌoshko so zröror ëre uozong. Ga tjlÌõkwo lÌos ber pjlÌú bor kong» lÌe. 32 Kuya ga tjlÌẽ ba kong ga «¿Pja ë?» «Tja Esaú, bop wa këguëyo» lÌe ba kong. 33 Kuya ga beno sök sëya lÌlÌëme. TjlÌẽ ga pjë lÌlÌëme. TjlÌẽ ga «¿Eni ga ëye sjëng kjlÌoshko so söno shäryak owa lÌlÌëme? Uoror bäm go pja tjwayde lÌlÌëm obishko yẽ. Ga tjlÌõkwo lÌër ber pjlÌú bop kong lÌoror lÌi lÌoror ba kong tjän. LÌlÌëye lÌoror lÌi beno ba kong» lÌe. 34 Kuya ga slÌatong jlÌõkoyo, iir goshko. TjlÌẽ ga «¡Data! ¡TjlÌõkwo lÌos ber pjlÌú bor kong bakoe!» lÌe. 35 Kuya ga tjlÌẽ ba kong ga «Bop lÌëng öör shäng, ga tja jyãpgwarae. TjlÌõkwo lÌër ber pjlÌú bop kong lÌoror lÌi sörae» lÌe. 36 Kuya ga tjlÌẽ ba kong ga «Koiak Jacob e kjÄ©shko. Tja lÌÅ©yotkara kjwe tjok ga pjlÌoglÌo pjök. Bor shto, tja ba shjiy këguëyo, e döra bor shjiryo. Ãre, tjlÌõkwo lÌe datagarë ber pjlÌú ba wapga domerga bäm Ä© wlÌeniyo kong lÌi, e söra bakoe. Data, ¿tjlÌõkwo lÌëp pjlÌú jnenop beno bor kong oblÌë lÌlÌëmde?» 37 «LÌlÌëme. E ioror beno sök bop ichaga tjän. Ba pjeyoga uunkong ioror beno ba parkaga. Ba dwlÌa dgara lÌi wen träk lÌlÌëme lÌoror ba kong. ¿Era pja kjwër lÌlÌong?» 38 «¿Eni lÌi tjlÌõkwo lÌëp ber pjlÌú bor kong obi ga äre? TjlÌõkwo lÌos ber pjlÌú bor kong bakoe» lÌe. Ga slÌatong jek obi. 39 Eni ga ba data tjlÌẽ ga «KlÌung pjlÌú wlÌeniyo, tjong borya lÌonshko ga pja ber sök pjolae. 40 Bop dröng lÌi go ga pja opwlÌikë. Pja ber shäng bop lÌëng parkaga, gueniyo pja dbokjronoshko ga pja där» lÌe. 41 Jekdo eshko ga Esaú beno iirkë ara ba lÌëng kong, tjlÌõkwo lÌara ba datarë ber pjlÌú ba kong lÌi kjÄ©shko. Ga wotjlÌÄ©k ga «Bor data dbar beno sira döe. WolÌono irgo ga bor lÌëng zrör kjlÌuwe» lÌe. 42 WotjlÌÄ©k sök sorë lÌi miydara Rebecarëshko ga Jacob rokara, ga tjlÌẽ ba kong ga «Tja kuzong. Bop shjiy, pja zröya woydë. LÌlÌëbo shäryorop, e tjwlÌõ shiya woydë bop kong lÌe. 43 E kjÄ©shko ga tja kuzong. Pja poshäryozong. Pja tökzong jekdo Jarán kjokyo, bor sing Labán ushko. 44 Pja ber sök dbar kop ara eshko, bop shjiy iir lÌi jeno guing, 45 lÌlÌëye shäryorop lÌi woyojera guing. Eshko ga roy ichër jek bop kong, pja tek iröng wlÌo. Woydër ga pjãy ëng zrök lÌlÌëme. Tja bor wapga do pjök jer dbar kjwaraso ga äe» lÌe. 46 E irgo ga Rebeca tjlÌẽ ba lÌanma kong ga «Tja sök së woydë kjër ame. Tja kwlÌera Esaú boyga Het tjëyoga lÌi tjok. Jacob äär orkwosmok Het tjëyoga jÅ©shko so tjok wlÌeni ga rokër ga tja wolÌon dey» lÌe.