Gálatas 6

1 Pjeyoga, pjãy mär lÌöng Sbö Sëya go. Eni ga pjãy kjlÌara lÌlÌëbo owa shäryono ga poshdÅ©zÄ© yõtso. Gueniyo pjãy sjëk, pjãy dir baÄ©ya dik lÌlÌëm wlÌo. 2 Pjãy kjlÌara Ä©mi ga song ga kjimtozÄ©a. Eni ga pjãy pina Cristorë sorë ga shäryëmi lÌöng eni. 3 Ãye tja tjwlÌõ ara, oblÌë kjinmo lÌe, tjwlÌõ ara lÌlÌëm ëmdë ga opjyãpgwë shäng om go. 4 Pjãy lÌlÌëbo shäryono pjlÌúre, de oware, pjãy kjlÌara kjlÌara opmiydos om go. Shäryoromi pjlÌú ga pjãy ber wopjlÌú ga pjlÌúe. Gueniyo shäryoromi pjlÌú, oblÌë kjinmo lÌëmi lÌlÌëme. 5 Pjãy kjlÌara kjlÌara pak lÌlÌë ga miydaga ber erë om go. 6 Ãye, shji pÄ©ya Sbö tjlÌõkwo goshko ga woyde ga lÌlÌëbo tjeng bi tjok lÌi shdöy ba tjok. 7 Sbö jyãpgwëy ga äe. E kjÄ©shko ga pjãy opjyãpgwë lÌlÌëm bakoe. LÌlÌëye dgoroy ga e bo kjroydë. 8 Ãye jëk ba wotjlÌÄ©k owa lÌi goshko ga ber shäng shdÅ©ya Ä©yado wlÌo. Ãye mär Sbö Sëya go ga ie Sbö Sëyarë ber shäng së Ä©yado Sbö tjok. 9 Eni ga shji sjen lÌlÌëbo pjlÌú shäryë lÌlÌëme. Shji wosonkë lÌlÌëm, äär bi potjwlÌẽkklÌo dbaryo lÌishko ga shji potjwlÌẽya pjlÌúe. 10 E kjÄ©shko ga kuy ga shji oblÌë kjimtë ga bue ga kjimtëy dey. Ga Cristo tjlÌõkwo kjragaga lÌöng lÌi kjimtëy ara anmoyõ. 11 Tja Pablo, tjlÌõkwo ëre tër bomi kong bor orkwo om go go shara. Ĩmi ga tjlÌõkwo jyãglÌo ëre kjwo këskëse. 12 Pjãy tjlÌẽ ga pjãy döya Sbörë, Cristo wolÌono pjang kjlÌös go lÌi kjÄ©shko lÌëmi. Gueniyo ëye omlÌë eni ga shdungoba e kjÄ©shko. E kjÄ©shko ga bomi ichaga doyo jyã të lÌi, pjãy iche lÌok eni ga Ä©koba ga ber lÌöng wopjlÌú ba tjok wlÌo, shdungoba eni lÌlÌëm wlÌo. 13 Epga doyo jyã tak pjir ëmdë ga kjok lÌlÌgwekklÌo tjeng kës lÌi kolÌe lÌok lÌlÌëme. Gueniyo woyde lÌok ga epga kolÌëmi, ga pjãy doyo jyã të ber lÌöng baÄ©ya dik, epga krë ara bomi kjÄ©shko wlÌo. 14 Gueniyo tjara krë lÌlÌë kjÄ©shko lÌlÌëme. Tja krë TjlÌapga Jesucristo zröraba pjang kjlÌös go lÌi kjÄ©shko eröe. Ba kjÄ©shko ga lÌlÌëbo tjeng kjok ëre kjing go tjwlÌõ bor kong ame, ga nopga kjok ëre so kong ga tja tjwlÌõ lÌlÌëm bakoe. 15 Sbö kong ga shji doyo jyã tak pjirde, de lÌlÌëmde, e lÌlÌëno lÌlÌëme. Shji kjlÌopswara beno tjaglÌën wlÌeni lÌi, tjwlÌõ ara lÌi e. 16 TjlÌõkwo lÌër shäng bomi kong ëre sömi wlÌeni ga pjãy kjrara Sbörë beno ba nopga, judíoga kjrara dënashko wlÌeni. Eni ga rokër Sbö kong ga pjãy uunkong eni lÌi songe lÌe Ä©yado, pjãy ie ber lÌöng wlÌẽp bakoe. 17 Era eni ga tjara doyo bäng lÌok, tja shporaba ara, Jesús kjÄ©shko. E kjÄ©shko ga woydër ga eeri jek lÌëkong ga ëye lÌlÌëbo shäryë tjwe bor barwoklÌo ame. 18 Pjeyoga, rokër TjlÌapga Jesucristo kong ga ba wopjlÌú lÌi kjÄ©shko ga pjãy kjimte ara. Ber eni.