Hechos 5

1 Domer shäng kjlÌara obi ko Ananías, ba boy ko Safira. PjlÌara ga epga kjok soyneno kjrina bakoe. 2 Eshko ga domer lÌi tjlÌẽ ba boy kong ga «Dbur kjrër kjrina, ga lÌlÌamo sör, twër Sbö tjlÌõkwo roy lÌagaga Jesús ãska kong, tworor uunkong wlÌeni» lÌe ba kong eni. Kuya ga «JölÌö» lÌe. E irgo ga shäryara Ananíasdë eni. 3 Tweshko ga Pedro tjlÌẽ ba kong ga «Ananías, ¿à iorop tjwe bop go, pja wotjlÌÄ©k kjok lÌi dburyo kjrëp kjrina wlÌo, pja jyõrkë Sbö Sëya kong wlÌo ega? 4 ¿Kjok lÌi, e bopoya lÌlÌëmdo? ¿Eni kuzong ga soynenopshko ga dburyo bopoya lÌlÌëmdo? ¿Pja opshäryë eni ega? Pja jyõrkono nopga kong dö lÌlÌëm, pja jyõrkono Sbö kong bakoe» lÌe. 5 Kuya ga jek rish buk töshko, ga wolÌonoe. Nopga omroy kuno kjlÌobi lÌi beno lÌöng dete erä. 6 Eni ga dwlÌasga lÌöng eshko lÌi ëng töno kjlÌöbö, shinmo doyo lÌi popgara shwong go, söra jek sakshko, ga jnenae. 7 E irgo wop ara ga Ananías boy tek tjwe shäng eshko, gueniyo lÌlÌëye shäryono lÌi miyde shäng lÌlÌëme. 8 Eshko ga Pedro tjlÌẽ ba kong ga «LÌos bor kong jlÌõkoyo. ¿Bomi kjok soynenomi dburyo lÌara bop lÌanmarë lÌi eni jlÌõre?» «Ãng, tjwlÌõ lÌara sorë lÌi eni» lÌe ba kong. 9 Kuya ga tjlÌẽ ba kong ga «¿Pjãy opyë wotjlÌÄ©k kjrinaso ëng tjok eni ega? ¿TjlÌapga Sëya tjlÌÄ©nomi eni ega? Këm kjoko ga bop lÌanma jnegaga lÌöng sakshko lÌi tek lÌöng kjwlÌëe. Eni ga pja söya lÌok jongya sakshko, pja jneya lÌok eshko wlÌo bakoe» lÌe. 10 Jekdo eshko ga jek rish buk töshko Pedro zlÌong bäng, ga wolÌonoe. Ga dwlÌasga lÌi opzrëk tek lÌöng kjwlÌë ga Ä©ya ga Safira wolÌono buk, ga shira lÌok jek eshko dwayo, söra jek sakshko, ga jnena lÌok buk ba lÌanma zlÌong bäng. 11 Eni ga Jesús tjlÌõkwo kjragaga uunkong beno lÌöng dete erä. Ga nopga omroy kuno kjlÌobi lÌi beno lÌöng dete eni bakoe. 12 E irgo ga lÌlÌëbo Ä©ydëba lÌlÌëm wlÌeniyo shäryara Sbö tjlÌõkwo roy lÌagaga Jesús ãskarë oblÌë oblÌë oba bokshto ara. Eshkoshko ga Jesús tjlÌõkwo kjragaga tön lÌöng enido uunkong Salomón Shto buk lÌishko. E ber buk Sbö u jong lÌishko. 13 Jesús tjlÌõkwo kjragaga woydëba ara ëmdë ga ëye oblÌë opyë tön ba tjok eshko lÌlÌëm, bangkjre lÌok ara kjÄ©shko. 14 Eni ëmdë ga nopga ara mär beno lÌöng TjlÌapga Jesús go, ga ba tjlÌõkwo kjragaga tön jek këgong këgong, domer, walÌë. 15 Eshko ga swlÌopga shikoba ba ushko dwayo, sökoba tjwe irbo bäng, ie ba bukklÌo kjing go, lÌlÌëm ga swlÌo sökklÌo kjing go. Pedro jek e go ga ba jyãglÌo pjë ba go sira kjwe lÌe lÌok eni. 16 Nopga lÌöng kjok shto oblÌë oblÌë soshko, Jerusalén kjokyo sor go, e tjwe jong Jerusalén kjokyo tira lÌlÌëm, ba swlÌopga, nopga goshko à sëyaga, e söya lÌok eshko. Ga uunkong lÌi poptono lÌok pjire. 17 Eni ga Ä©ya syõshtaga kësbangyo, saduceoga lÌöng ba tjok lÌirë ga ymoyotkara ara. 18 E kjÄ©shko ga Sbö tjlÌõkwo roy lÌagaga shara lÌok, iara lÌok beno lÌöng no shdÅ©zlÌong uyo roshko. 19 Gueniyo kjok shkë ga Sbö parkaga kjok dogo so shrono shäng kjlÌara eshko, no shdÅ©zlÌong uyo lÌi u bäng döra, ga lÌöng eshko lÌi shira jek ey dwayo. Ga tjlÌẽ ba kong ga 20 «Pjãy nomo. Pjãy opyos lÌöng kojong Sbö u zlÌong bäng. Eshko ga tjlÌõkwo ëre, shji ie Sbörë ber lÌöng së Ä©yado ba tjok lÌi, e lÌëmi nopga kong pjire» lÌe ba kong. 21 Eni kjok shröngto ga öötong lÌöng Sbö u zlÌong bäng, ga nopga lÌöng eshko lÌi pina lÌok. E wopro ga syõshtaga kësbangyo, ba dboryagaga, e nopga rokono tjwe lÌan ëng tjok wlÌo, nopga rokara lÌi, e judío tjlÌapgaga kjok lÌlÌgwega wlÌeniyo. Eni ga Judío Kjok LÌlÌgwegaga Këskësyo ëng töno lÌöng, ga nopga ichara to Sbö tjlÌõkwo roy lÌagaga tjeng no shdÅ©zlÌong uyo lÌi kjrë lÌe. 22 Gueniyo ga no dagaga lÌi öötong lÌöng no shdÅ©zlÌong uyo lÌi roshko ga ëye wlÌẽna lÌlÌëme. Ga roy söra tjwe lÌöng iröng, 23 tjlÌẽ kjok lÌlÌgwegaga lÌi kong ga «Tjawa opzrëno jek lÌöng no shdÅ©zlÌong uyo roshko, ga bängzak jong yõtso, ga no dagaga obi bë lÌöng u bäng lÌi dë. Gueniyo u bäng lÌi dörorwa ga këm kjër roshko ëye drete» lÌe. 24 Kuya Sbö u dagaga kägäyo, syõshtaga kägäyogarë ga wotjlÌÄ©k lÌok ga «¿LÌlÌëbo ëre, e pjir äär jong kjone?» lÌe eni. 25 Eshko ga domer shrono shäng kjlÌara, tjlÌẽ ga «¡Pjãy wlÌẽp lÌlÌëme! Domerga zrëromi jek lÌöng kjër roshko kjurgue bë lÌöng oba ping träk lÌlÌëm lÌlÌöm Sbö u zlÌong bäng» lÌe. 26 Eni ga Sbö u daga kägäyo öör ba kjrë ba parkagaga tjok. Ga söra lÌok tek obi, gueniyo lÌlÌëye shäryara ba tjok lÌlÌëm, oba bangkjre lÌok ara, lÌökoba ak go lÌe kjÄ©shko. 27 Eni ga söra, iara lÌok Judío Kjok LÌlÌgwegaga Këskësyo töno lÌöng lÌi bokshto, ga syõshtaga kësbangyo tjlÌẽ ba kong ga 28 «Tjawa tjlÌẽno bomi kong jlÌõkoyo ga “Pjãy Jesús roy lÌë ë kong ame, ga Jesús tjlÌõkwo pimi ë kong ame bakoe” lÌororwa bomi kong. ¿Eni ga lÌlÌëye shäryoromiro? Bomi tjlÌõkwo lÌoromi Jerusalén sopga lÌöng kës lÌi kong, ga domer wolÌono lÌi wlÌoyo tjawarë lÌëmi eni bakoe» lÌe. 29 Kuya Pedro, Sbö tjlÌõkwo roy lÌagaga Jesús ãska lÌlÌamo lÌirë ga tjlÌẽ lÌok ba kong ga «Sbö tjlÌõkwo kolÌorwarë dey, nopga Ä© lÌlÌëme. 30 Jesús zröromi, lÌöromi pjang kjlÌös go kjupä lÌi, e woshrara bi tjlÌapgaga tek dënashko so Sbö lÌirë iröng obi, 31 ga söra, iara beno sök ba orkwo këlÌëkong, beno tjwlÌõ kësbang bi ichaga, bi döga, Israel tjëyoga lÌi, lÌlÌëbo owa shärye lÌöng lÌi, e owa jlÌõe lÌe, ga raye wlÌo, owa pjang ba go lÌi lÌöÌya Sbörë ber dret wlÌo. 32 Ga tjawa beno lÌöng e Ä©norwa jlÌõe lÌaga. Sbö Sëya beno shäng ba roy lÌaga bakoe. E twara Sbörë ba kolÌagaga uunkong kong» lÌe. 33 Kuya lÌok ga iirkono ara, zröya lÌok woydë erä. 34 Gueniyo fariseo sök kjlÌara eshko ko Gamaliel, e no pingga kjok lÌlÌgwekklÌo tara Moisésdë lÌi go, e bangkjrëba arae. Kojono shäng eshko, ga tjlÌẽ no dagaga lÌöng lÌi kong ga «Domerga kjwe jek sözÄ© kjoko sira» lÌe, ga sörae. 35 E irgo ga tjlÌẽ tjlÌapgaga lÌlÌamo tjeng lÌi kong ga «Israel tjëyoga, pjãy sjëke. LÌlÌëye shäryëy domerga kjwe kong lÌi, e woyotjlÌÄ©y yõtso guing. 36 WoyotjlÌÄ©zÄ© ga domer weno shäng kjlÌara dënashko ko Teudas. E opyono shäng tjwlÌõ kësbange. E irgo ga domerga töno tjeng ba tjok doglÌo sak dbäw pjlÌoglÌo pkëng (400) dik. Miga, e irgo ga zröraba, ga lÌlÌamo lÌi shdöktonge. Eshko ga lÌlÌëbo lÌi pjitonge. 37 »E irgo ga öötong shji ko kjrëba dbaryoshko ga domer weno shäng kjlÌara obi ko Judas, e Galilea so. E irgo ga oba töno ba tjok ara bakoe. Miga, e ëmdë zröraba ga lÌlÌamo lÌi shdöktong bakoe. 38 »E kjÄ©shko ga pjãy poshdun ga nopga kjwe wẽyẽ, rayozÄ©, shji opzrëk ba tjok lÌlÌëme. LÌlÌëbo lÌi, e sogo no wlÌeni ga e pjir. 39 Gueniyo e Sbö Ä© wlÌeni ga e zangga pjãydë lÌlÌëme. Eni wlÌeni ga pjãy opzrëk woydë Sbö wlÌoyo lÌlÌëme» lÌe. Kuya lÌok ga jlÌõ lÌara, ga zröra lÌlÌëme. 40 Eni ga domerga lÌi rokara, ga shpora ara no shpokklÌo go erä. E irgo ga tjlÌẽ lÌok ba kong ga «Pjãy nomo. Pjãy Jesús roy lÌë ë kong ame, ga Jesús tjlÌõkwo pimi ë kong ame bakoe» lÌe lÌok ba kong. E irgo ga rayara toe. 41 Eshko ga Sbö tjlÌõkwo roy lÌagaga Jesús ãska opshino lÌok tjlÌapgaga lÌi bokshto wopjlÌúe. Opmiydë lÌok ga Sbö kong ga epga shdungoba Jesús kjÄ©shko lÌi, e tjwlÌõ ara. Ga iara Sbörë shdungoba eni kjÄ©shko ga beno lÌöng wopjlÌúe. 42 Eni ga dbar kjwobi go ga oba pÄ©ya lÌöng enido Sbö u zlÌong bäng, u kjwarashko kjwarashko bakoe. Jesús, e ichara Sbörë ber bi pjlÌuyo sorë lÌi roy pjlÌú lÌe lÌöng oba uunkong kong eni.