Hechos 19

1 Apolos sök Corinto kjokyo wopro ga Pablo jek shäng Galacia kjokyo, Frigia kjokyo bakoe. Eni ga öötong shäng Ãfeso kjokyo. Eshko ga Jesús tjlÌõkwo kjragaga wlÌẽna tjeng kjlÌöbö, 2 ga tjlÌẽ ba kong ga «¿Sbö tjlÌõkwo kjroromishko ga pjãy go Sbö Sëya, e shronore?» «LÌlÌëme. Sbö Sëya, e ë lÌaydëba borwa kong lÌlÌëm obi» lÌe lÌok ba kong. 3 Kuya ga tjlÌẽ ba kong ga «¿Eni ga pjãy warabashko ga e lÌlÌë lÌoklÌo?» «E Juan tjlÌõkwo kjrororwa lÌi lÌoklÌo» lÌe lÌok ba kong. 4 Kuya ga tjlÌẽ ba kong ga «Juan no wono jlÌõe. Ãye, lÌlÌëbo owa shärye lÌöng lÌi, e owa jlÌõe lÌara, ga rayara ga wara jer di roshko. Gueniyo ga no tjwe ba irgo lÌi lÌanyotkara Juandë oba kong, ga woyde ga shji mär ba go dey. TjlÌẽno shäng lÌi, e Jesús lÌayde» lÌe. 5 Kuya lÌok ga epga wara jer di roshko TjlÌapga Jesús ko go. 6 Domerga wara lÌi doglÌo sak kjwara kjingsho pjök (12). E irgo ga orkwo iono ba dlÌu kjing go, ga epga go Sbö Sëya shrono beno kësbang ba tjok. Eni ga beno lÌöng tjlÌẽ kjok shto oblÌë oblÌë so tjlÌõkwo, ga Sbö tjlÌõkwo roy lÌara lÌok oba kong. 8 Ga moglÌo mya ga Pablo jek Ä©yado judíoga syõ uyo jong eshko lÌi roshko. Eshko ga Sbö ber no pjlÌuyo sorë lÌi roy lÌe shäng ara, tjlÌõkwo lÌe shäng lÌi, e jlÌõe lÌëba wlÌo. TjlÌẽshko ga lÌlÌëye bangkjre lÌlÌëme. 9 Gueniyo ga kjong kjong omtjlÌõkwo kjrono lÌlÌëm, lÌlÌëye kuya lÌok woydë lÌlÌëm kjÄ©shko. Ga Irbo TjaglÌën lÌi lÌãywe lÌok owa oba bokshto. Eni ga Pablo opkjono jek ey dwayo, ga Jesús tjlÌõkwo kjragaga lÌi söra jek oppÄ©zlÌong uyo jong kjwara roshko, u lÌi sogo ko Tirano. Eshko dbar kjwobi go ga Sbö tjlÌõkwo lÌanyotkara ba tjok ara. 10 Ga shäryara eni öötong lÌu pjlÌoglÌo pjök. Eni ga TjlÌapga Jesús tjlÌõkwo shdöktong nopga lÌöng Asia kjokyo uunkong kong, judíoga kong, nopga judío lÌlÌëm wlÌeniyo kong bakoe. 11 Eshkoshko ga Pablo kong dbo twara Sbörë kësbang, lÌlÌëbo Ä©ydëba lÌlÌëm wlÌeniyo shärye kësbang wlÌo. 12 Eni ga jangsher, shwong lÌlÌë, e pjono ba go dö ëmdë ga sökoba, twëba swlÌopga kong ga poptë, twëba nopga goshko à sëyaga lÌi kong ga sëya lÌi to ba go dwayo bakoe. 13 Judíoga kjong kjong to lÌöng kjok kjrinashko kjrinashko à sëyaga tjeng oba goshko lÌi ichë ä wlÌeniyo. Eshko ga TjlÌapga Jesús koiarga lÌok pjang sëya lÌi iche wlÌo bakoe lÌara. Ga tjlÌẽ ga «Pablo to shäng Jesús roy lÌë, ga lÌër bop kong Jesús ko goshko ga à sëya, pja opkjos no kjwe goshko dwayo» lÌe jong eni. 14 Eshko ga domerga lÌöng doglÌo kjäk (7), Esceva wapga. Esceva, e judío, syõshtaga kägäyo bakoe. Ba wapga doglÌo kjäk (7) lÌi to lÌöng à sëyaga ichë Jesús ko goshko bakoe. 15 PjlÌara ga shäryara lÌok enishko ga à sëya lÌi tjlÌẽ ba kong lÌok ga «Tja Jesús miydë, Pablo miydër bakoe. ¿Gueniyo ga pjãy ëro?» lÌe. 16 Jekdo eshko ga domer goshko à sëya pjang lÌi jek zrow pjä ba goshko lÌok erä. Ba dbo ara go ga tjeng doglÌo kjäk (7) lÌi shpora ara, shwong lÌlÌë dwlÌëra dret, sho lÌlÌë dwlÌëra srëng ara, ga zana tjë jÄ©kong. Eni ga to töktong lÌok u lÌi roshko dwayo, kjlÌop dret, ba lÌlÌëmdoe. 17 Kuya Ãfeso sopga uunkong, judíoga, nopga judío lÌlÌëm wlÌeniyo lÌirë ga beno lÌöng sëya lÌlÌëm, bangkjre arae. Eni ga TjlÌapga Jesús ko lÌi iara lÌok tjwlÌõ ara. 18 Eshko ga Jesús tjlÌõkwo kjragaga ara tjwe lÌöng lÌlÌëbo owa shäryara lÌok tek dënashko lÌi lÌë oba uunkong bokshto. 19 Ga epga ara parkono lÌöng ybipga wlÌeniyo lÌi, ba oppingglÌo kjibokwo shoyo söya tjwe lÌöng, ga sura iökshko dret oba bokshto. Ga ba kjibokwo sura lÌok kës lÌi tjwlÌõ iak dbur sho pjlÌublÌún kjwo sak dbäw dbäw pjlÌoglÌo sak shkëng (50,000). 20 Eni ga TjlÌapga Jesús tjlÌõkwo shdöktong lÌlÌaw pogo, ga tjlÌõkwo kjrëba jek këgong këgong. 21 E irgo ga lÌlÌëbo shäryono kës lÌi irgo ga Pablo wotjlÌÄ©k jek Macedonia kjokyo, Acaya kjokyo go jongya Jerusalén kjokyo wlÌo lÌe. Ga wotjlÌÄ©k kjrina obi ga «LÌöng Jerusalén kjokyo lÌi pjlÌoror pjir ga tja jongya Roma kjokyo bakoe» lÌe. 22 Eni ga ba kjimtagaga ichara do pjök jongya Macedonia kjokyo ba bäm go, epga Timoteo, Erasto. E wopro ga e beno sök eshko Asia kjokyo dbar kjwöböso obi. 23 Ãfeso so sböpga kjlÌara ko Artemisa, ba syõ uyo jong eshko. Eshko ga domer sök kjlÌara ko Demetrio, ba pak baÄ©ya, e lÌlÌëbo jyãglÌo shäryaga dbur sho pjlÌublÌún go. Domer, e Artemisa syõ uyo lÌi jyãglÌo shäryaga. E go ga dbur shak ara, ba parkagaga parkë lÌöng ba tjok lÌi tjok. Eshko dbaryo ga lÌlÌëbo jyãglÌo shäryagaga uunkong lÌi töna, ga tjlÌẽ ba kong ga «Pjeyoga, miydëmi pjlÌú ga shji mär bi pak ëre go. Eerishko ga Asia kjokyo kjok kjwang jÄ©kong ga bi sbö kësbang Artemisa lÌi poshrëy lÌöng Ä©yado. Gueniyo Ä©mi lÌöng, kumi lÌöng ga Pablo to shäng tjlÌẽ oba kong ga sböpga jyãglÌo shäryaga norë lÌi, e lÌlÌëno lÌlÌëme lÌe. Eni ga nopga kjlÌopswë ara ba shwo lÌëkong, ga shärye eni lÌi jÅ©shko dö lÌlÌëm, Asia kjokyo uunkong seke. LÌlÌëbo ëre owa bi kong, bi pak ëre iëba ber tjwlÌõ lÌlÌëm ga jer bi shjiryo. Erö lÌlÌëme. Eshko ga Artemisa syõ uyo jong jÅ©shko lÌi, e ber tjwlÌõ lÌlÌëm bakoe. Eni ga bi sbö om go lÌi woydëba ame, ba tjwlÌõ kësbang lÌi iëba ber lÌlÌëno ame» lÌe. Kuya lÌok ga iirkono ara, öö lÌe lÌok arae. TjlÌẽ lÌok dbo go ga «¡Ãfeso so sbö Artemisa lÌi, e tjwlÌõ kësbange!» lÌe. Eni ga Ãfeso sopga woksera lÌöng tjë jÄ©kong. Eshko ga Pablo yorkagaga wlÌẽna lÌöng do pjök ko Gayo, Aristarco, epga Macedonia so. Ga shara lÌok, dopshira, söra öötong lÌöng no tönzlÌong uyo jong eshko lÌishko. 30 Eni ga roy kuya Pablorë ga jek opzrëk woydë eshko, lÌan nopga lÌöng lÌi tjok wlÌo lÌara, gueniyo ichara Jesús tjlÌõkwo kjragagarë lÌlÌëme. 31 Eshko ga tjlÌapgaga tjwlÌõ këskës Asia sopga kong wlÌeniyo lÌöng eshko kjlÌöbö, epga Pablo pjeyoga wlÌeni, ga tjlÌõkwo ichara ba kong, to jek opzrëk eshko lÌlÌëm wlÌo. 32 E wopro ga nopga öötong lÌöng no tönzlÌong uyo lÌi, e woksera lÌöng träk lÌlÌëme. LÌöng eshko ara töno lÌöng lÌlÌë kjÄ©y miyde lÌöng lÌlÌëme. Ga öö lÌe lÌok ara, kjlÌara tjlÌẽ oblÌë, kjlÌara tjlÌẽ oblÌë bakoe. 33 Ga judío shäng kjlÌara eshko ko Alejandro. Domer, e ichara judíoga lÌöng lÌirë nopga lÌöng kës lÌi bokshto, ga lÌlÌëye lÌe wlÌo lÌi lÌara lÌok ba kong. Eni ga Alejandro orkwo poyono, pjãy kjinkozong lÌoklÌo wlÌeni. 34 Gueniyo ga miydara lÌok ga e judío ga kuya woydë lÌlÌëme. Ga öö lÌe lÌok tjë jÄ©kong, tjlÌẽ ga «¡Ãfeso so sbö Artemisa lÌi, e tjwlÌõ kësbange!» lÌe jong eni wop ara, ga Alejandro to tjlÌẽno nopga lÌi kong lÌlÌëme. 35 E irgo ga nopga lÌöng kës lÌi kjinkara no shäng kjlÌara tjlÌapgaga këskës dboryaga wlÌeniyorë, ga tjlÌẽ ba kong ga «Pjeyoga Ãfeso so. Shji iak beno lÌöng bi sbö kësbang Artemisa lÌi syõ uyo daga, shji beno lÌöng ba jyãglÌo ter lÌono kjok dogo dwayo lÌi daga bakoe. Nopga kjok kjwang jÄ©kong so ommiydë pjlÌú ga eni. 36 E jyõ lÌaga ërë lÌlÌëme. Eni ga pjãy lÌöng tjëkso guing. LÌlÌëbo shäryëmi ga woyotjlÌÄ©mi lÌlÌëm guing lÌlÌëme. 37 Ga domerga söromi kjwe lÌlÌëye owa shäryara syõ uyo kjÄ©y lÌlÌëm, lÌlÌëye lÌara bi sbö kjÄ©shko lÌlÌëm bakoe. ¿Eni ga tek söromi jÅ©shko ega? 38 »Eni ga Demetrio, ba parkagaga, ëye rote woydë wlÌeni ga tjlÌapgaga no lÌlÌgwega lÌöng kjweshko, Ä©zÄ©a. Woyde ga ba lÌlÌgwezlÌong dbaryo ga koshe lÌöng lÌlÌgweya wlÌo. Eshko ga shji ëng rotë ga pjlÌúe. 39 Ga pjãy lÌlÌëbo rokë woydë obi ga lÌëmi shji töno lÌöng uunkong dbaryo bek lÌishko ga lÌlÌgwey bomi kong eshko jã. 40 LÌlÌëbo shäryono jÅ©shko lÌi, e tjwe bi kong owa kjwe. Shji oba iono ëngkjwë ara lÌe bi ichagagarë kjwe. ¿"¿Oba shdöktong lÌöng kjweni ega?" lÌara lÌok bi kong ga lÌlÌë lÌoydë ba kong eshko?» lÌe. 41 LÌara eni pjir ga nopga lÌi ichara to pjire.