1 Timoteo 5

1 TjlÌapga këkboga, e lÌlÌëbo owa shäryono ga wlÌõy kjang lÌlÌëm, poshdÅ©s yõtso dey, bop data wlÌeni. Domerga lÌuyo bop dorko anmoyõra, pja opshäryë bop lÌëmga tjok sorë ga pja opshäryos ba tjok eni bakoe. 2 WalÌëga këkbogara, pja opshäryë bop mekë tjok sorë ga pja opshäryos ba tjok eni bakoe. WalÌëga lÌuyo bop dorko anmoyõra, pja opshäryë bop dorga tjok sorë ga pja opshäryos ba tjok eni bakoe. Pja wotjlÌÄ©k lÌlÌëbo owa shäryë ba tjok sira lÌlÌëme. 3 Syãpgara, kjimtaga ërë lÌlÌëm wlÌeniyo ga kjimtozong. 4 Gueniyo ga wapga, tjërga tjok wlÌeni ga kjimtaga ber epgarë. Sbö bokso ga bek lÌi e. Epga, e kuna tek chilawa dwayo öötong këskëse. Era ba mekë, ba tjëtë beno syã lÌi, e kjimtaga ber epgarë shara. 5 Syã jlÌõkoyo, kjimtaga ërë lÌlÌëm wlÌeniyo ga e mär ber Sbö go eröe. Ber shäng syõshtë ba kong shkë dba, kjimte wlÌo. 6 Gueniyo syã, e wotjlÌÄ©k Sbö lÌlÌëm, to shäng lÌlÌëye wen ba pjlÌúshko lÌi shäryë wlÌeni ga e tjwlÌõ ame, no wolÌono buk wlÌeni. Era kjimtako lÌlÌëme. 7 TjlÌõkwo ëre lÌos Jesús tjlÌõkwo kjragaga kong, lÌlÌëbo shäryara lÌok owa lÌëba ga ä wlÌo. 8 Ãye ba pjeyoga lÌöng ba ushko lÌi kjimtë lÌlÌëm ga tjlÌõkwo kjrara lÌi, e shärye shäng lÌlÌëme. Sbö tjlÌõkwo kjragaga lÌlÌëm lÌöng lÌi ëmdë ga ba pjeyoga, e kjimte. 9 Jesús tjlÌõkwo kjragaga kjimtëy wlÌo lÌi, e ko tëy kjibokwo go. Syãpga, e ko tëy kjibokwo e go wlÌo ga woyde ga lÌu pjlÌoglÌo sak tjer (60) jem lÌëkong eröe. Woyde ga öör sök ba lÌanma tjok pjlÌo beke. Woyde ga lÌlÌëbo pjlÌú shärye oblÌë kong ara, ba wapga kuna pjlÌo bek, ëye tjwe ba shwoy ga wlÌokjre sök wopjlÌú, Jesús tjlÌõkwo kjragaga äär ba ushko ga dreglÌo shkwe ber wopjlÌú wlÌo, no song wlÌeniyo kjimte, parkë oblÌë kong ara bakoe. Woyde ga miydëba e go. Syãpga eniyo ko toydë pjang kjibokwo lÌi go. 11 Gueniyo ga syãpga mite obira ko tako pjang kjibokwo lÌi go wlÌo lÌlÌëme. Ko tëyshko ga tjlÌẽ ga «Tja orkwosmok ame. Tja parkë ber shäng Cristo kong eröe» lÌe jlÌõkoyo. Gueniyo e irgo ga orkwosmok woydë obi. Eshko ga tjlÌõkwo lÌara Cristo kong jlÌõkoyo lÌi, e shärye lÌok ame. E shärye eni ga e lÌlÌëbo owa shäryayde. 13 E shäryayde dö lÌlÌëme. Opsguë lÌöng shmirkë ara, to lÌöng sjok sjok oba lÌöng sorë Ä©k, oba lÌãywe, tjlÌõkwo lÌako lÌlÌëm lÌi lÌe bakoe. 14 E kjÄ©shko ga woydër ga syãpga mite obi lÌi orkwosmok dey. Woydër ga wapga tjok, ga ber lÌöng ba ushko, ba wapga dë, lÌãywe bi wlÌoyogarë lÌlÌëm wlÌo. 15 Eerishko ga syãpga kjong kjong Jesús tjlÌõkwo rayono tjän, beno jëk lÌöng à tjok. TjlÌõkwo ëre lÌër bop kong e kjÄ©shko. 16 Eni ga walÌëga Jesús tjlÌõkwo kjraga, ba pjeyoga syãpga tjok wlÌeni ga woyde ga kjimte om go, pak lÌi ber Jesús tjlÌõkwo kjragaga oblÌë lÌi kong lÌlÌëm wlÌo, syãpga kjimtaga ërë lÌlÌëm lÌöng lÌi kjimte lÌok ga pjlÌú wlÌo. 17 Sbö tjlÌõkwo tak pjang lÌi tjlÌẽ ga «SöglÌa parkoklÌo wlÌeniyo, e ichëy dwlÌa kjwokäkshko ga kjamo kjrochako lÌlÌëm, dwlÌa lÌi ue ga pjlÌú wlÌo.» TjlÌẽ obi ga «Ãye parkë ga e potjwlÌẽkko.» E kjÄ©shko ga tjlÌapgaga Jesús tjlÌõkwo kjraga kägäyo parkë pjlÌú wlÌeni ga woyde ga bangkjrëba pjlÌú, potjwlÌẽkoba pjlÌú bakoe. Oba pingga Sbö tjlÌõkwo go, oba poshdungga, e woyde ga bangkjrëba, potjwlÌẽkoba pjlÌú, oblÌë oblÌë lÌi kjinmo. 19 Jesús tjlÌõkwo kjraga kägäyoga lÌi rotëbashko ga rotaga no kjlÌaraso dörë wlÌeni ga tjlÌõkwo kjrëp lÌlÌëme. Woyde ga no söya ba rotaga lÌirë pjök mya ba tjok, «E Ä©norwa om go jlÌõkoyo» lÌe lÌok wlÌo. Eni ga shdum ga pjlÌúe. 20 Eshko ga lÌlÌëbo owa shäryono jlÌõkoyo wlÌeni ga woyde ga wlÌongko oba bokso, bangkjrëba wlÌo, omshäryë lÌok eni lÌlÌëm wlÌo. 21 Ãye lÌlÌëbo owa shäryono ga woydër ga lÌlÌgwes yõtso, beke. «Kjwe woydër ara kjÄ©shko ga shdun lÌlÌëme» lÌëy bi pjlÌúshko lÌlÌëme. «Kjwe woydër lÌlÌëm kjÄ©shko ga shdun ara» lÌëy lÌlÌëm bakoe. Sbö, Cristo Jesús, Sbö parkagaga kjok dogo so, e lÌöng bop Ä©ga. 22 Jesús tjlÌõkwo kjraga kägäyo kjrëpshko ga shäryëp malÌing lÌlÌëme. Jëk shäng pjlÌo bekde Ä©p yõtso guing. LÌlÌëm ga shäng lÌlÌëbo owa shäryë wlÌeni ga owa shärye shäng lÌi ber pjlÌú bop kong lÌëba eni. Ga pja om go lÌi lÌlÌëbo owa shäryë lÌlÌëme. 23 Gueniyo ga pja bögwo bang ara wop sit wop sit kjÄ©shko ga di iopdë dö lÌlÌëm, kjilÌlÌgwo bo dyo dbo ara iopdë sira bakoe. 24 Kjone kjone lÌlÌëbo owa shäryono lÌi miydëy jekdo. Gueniyo kjone kjone eni lÌlÌëme. Miydëy lÌlÌëm, jëk sorë Ä©noy yõtso guing. 25 LÌlÌëbo pjlÌú shäryëy lÌi, e eni bakoe. OlÌö ga Ä©koba wẽlÌë jekdo. OlÌö ga Ä©gaba lÌlÌëm, gueniyo dbar tjwe kjwara ga miydëba eshko jã.