1 Corintios 3

1 Pjeyoga, tja shäng bomi tjokshko ga tja tjlÌẽ woydë bomi kong, tja tjlÌẽ nopga jëk lÌöng Sbö Sëya go kong sorë ga eni. Gueniyo ga pjãy jëk lÌöng nopga Sbö miydë lÌlÌëm wlÌeniyo dik kuzong ga tja tjlÌẽno bomi kong, dataga tjlÌẽ ba wapga chilawa kong sorë ga eni. 2 Chida, e sëÌyshko ga nä iayde erö, dlÌi kjang ue ga ä kjÄ©shko. Eni wlÌeni ga tja shäng bomi tjokshko ga pjãy pinor wẽlÌë, tjlÌõkwo rong kugömi lÌlÌëm kjÄ©shko. Gueniyo eerishko ga kugömi lÌöng lÌlÌëm obi. 3 Pjãy jëk lÌöng nopga Sbö miydë lÌlÌëm wlÌeniyo dik obi. Pjãy ymo ara ëng tjok, pjãy ënglÌë kar kar bakoe. ¿Eni ga pjãy nopga Sbö miydë lÌlÌëm wlÌeniyo dik lÌlÌëmdo? 4 Pjãy kjone kjone tjlÌẽ ga «Tjawa Pablo ĩ», kjone kjone tjlÌẽ ga «Tjawa Apolos ĩ» lÌëmi eni. Pjãy tjlÌẽ enishko ga pjãy jëk lÌöng nopga Sbö miydë lÌlÌëm wlÌeniyo dik. 5 ¿Apolos, e ë? ¿Pablo, e ë? Tjawa Sbö parkaga döe. Borwa kjÄ©shko ga pjãy oppino mär Cristo go. Tjawa ichara TjlÌapgarë lÌlÌë shäryë lÌi, e shäryorwarë eröe. 6 DwlÌa dgaga wlÌeni lÌi tja, di sguingga dwlÌa kjing go wlÌeni lÌi Apolos, gueniyo dwlÌa wengga wlÌeni lÌi Sbö. 7 Eni ga dwlÌa dgaga lÌi, di sguingga lÌi, e tjwlÌõ ara lÌlÌëme. TjwlÌõ ara lÌi, e Sbö, dwlÌa wengga wlÌeni lÌi e. 8 DwlÌa dgaga lÌi, di sguingga lÌi, e tjwlÌõ bek, ga potjwlÌẽya Sbörë pak shäryara lÌi kjÄ©shko. 9 Tjawa so Sbö parkagaga kjoyo, ga pjãy so dwlÌa dgoklÌo kjokyo kjoyoe. Pjãy so u shärye Sbörë shäng kjoyo bakoe. 10 Sbö wopjlÌú lÌi kjÄ©shko ga tja iara beno u shäryaga wlÌeni. Eni ga u shakklÌo shäryoror bäm goshko. OblÌë shäng u ywë ba kjing go. Gueniyo ëye u ywë ga woyde ga shärye yõtso. 11 U shakklÌo iak buk lÌi, e Jesucristo, ga ëye omkjlÌopswë ber oblÌë wlÌo ga äe. 12 U shakklÌo ëre kjing go, kjone kjone u ywë lÌlÌëbo srer lÌlÌëm, suya lÌlÌëm wlÌeniyo go, dbur sho shõylÌõÌr, dbur sho pjlÌublÌún, akkwo wolÌësowa tjwlÌõ ara wlÌeni bakoe. Kjone kjone obi u ywë lÌlÌëbo srer, suya wlÌeniyo go, kjorkwang, kjlÌo sho, dwlÌa kasho bakoe. 13 No lÌlÌgwezlÌong dbaryoshko ga shäryara pjlÌúre, de oware, e ber wẽlÌëe. Eshko ga ba pak lÌi tjlÌÄ©ya iök go. 14 Ãye ba pak shäryono lÌi beno pjlÌú ga potjwlÌẽya Sbörë. 15 Ãye ba pak shäryono lÌi sura pjir ga ba pak lÌi jeno ba shjiryo, gueniyo era där, no döktong u pjono pjir roy dwayo wlÌeni. 16 Pjãy go Sbö Sëya. Eni ga pjãy Sbö u wlÌeni. ¿E miydëmi lÌlÌëmdo? 17 Ãye Sbö u shdök ga pjiya Sbörë bakoe. Sbö u, e zrek, ga ba u lÌe lÌi, e pjãy om go. 18 Pjãy opjyãpgwë om go lÌlÌëme. Pjãy kjone kjone kjok miydë kjok ëre kjing go lÌëmi wlÌeni ga woyde ga opyë ber lÌöng kjok miydë lÌlÌëm kjok ëre kjing go wlÌeni, äär ber kjok miydë ara jlÌõkoyo wlÌo. 19 Sbö kong ga kjok miydë kjok ëre kjing go lÌi, e tjwlÌõ lÌlÌëm, tak pjang Sbö tjlÌõkwo go sorë lÌi eni. TjlÌẽ ga «Ãye lÌlÌëbo shäryë ba kjok miydë om go lÌi goshko ga doshaya Sbörë e go.» 20 Sbö tjlÌõkwo tak pjang eni bakoe: «Nopga kjok miydë ara lÌe lÌi wotjlÌÄ©k lÌlÌë, e miyde Sbörë pjir, ga ba kong ga tjwlÌõ lÌlÌëme.» 21 LÌlÌëbo uunkong twara Sbörë bomi kong pjir tjän. E kjÄ©shko ga ëye krë nopga kjok miydë ara kjÄ©shko ame. 22 Tja, Apolos, Cefas, tjawa iara Sbörë beno lÌöng bomi kjimtaga. LÌlÌëbo tjeng kjok ëre kjing go kës lÌi, e twara beno pjlÌú bomi kong. Pjãy lÌöng sëre, de pjãy wolÌonore, lÌlÌëbo uunkong shärye ber pjlÌú bomi kong. LÌlÌëbo wen bomi kong eerishko lÌi, bong kjönma lÌi, lÌlÌono lÌi, e shärye uunkong ber pjlÌú bomi kong bakoe. 23 Pjãy Cristo Ä©, ga Cristo, e Sbö Ä©.